Cheteshwar Pujara retirement :ચેતેશ્વર પૂજારાએ નિવૃત્તિની જાહેરાત કરી, ભારતીય ક્રિકેટમાં એક યુગનો અંત

• ભારતીય ક્રિકેટર ચેતેશ્વર પુજારાએ નિવૃત્તિ જાહેર કરી (Cheteshwar Pujara retirement )
• તમામ ફોર્મેટમાંથી પુજારા થયા નિવૃત્ત
• સોશિયલ મીડિયા પર નિવૃત્તિની કરી જાહેરાત
• છેલ્લે 2023માં વર્લ્ડ ચેમ્પિયનશિપમાં ફાઈનલ રમી હતી

Cheteshwar Pujara retirement : ભારતીય ક્રિકેટ ટીમમાં રાહુલ દ્રવિડ પછી ' New Wall' તરીકે જાણીતા ચેતેશ્વર પૂજારાએ પોતાની શાનદાર કારકિર્દીનો અંત આણ્યો છે. ટેસ્ટ ક્રિકેટના આ મહાન બેટ્સમેનએ આંતરરાષ્ટ્રીય તેમજ સ્થાનિક ક્રિકેટના તમામ ફોર્મેટમાંથી નિવૃત્તિની જાહેરાત કરી છે, જેનાથી તેમના લાખો ચાહકો ભાવુક થઈ ગયા છે. તેમના આ નિર્ણયથી ભારતીય ક્રિકેટમાં ધીરજ અને ખંતના યુગનો અંત આવ્યો છે. ચેતેશ્વર પૂજારાએ જૂન 2023માં ભારત માટે પોતાની છેલ્લી મેચ વર્લ્ડ ટેસ્ટ ચેમ્પિયનશિપની ફાઇનલમાં રમી હતી.

સોશિયલ મીડિયા પર ભાવનાત્મક જાહેરાત કરી

જમણા હાથના બેટ્સમેન ચેતેશ્વર પૂજારાએ સોશિયલ મીડિયા પર એક લાંબી અને ભાવનાત્મક પોસ્ટ લખીને પોતાની નિવૃત્તિ વિશે માહિતી આપી. પોતાના સંદેશમાં, તેમણે ભારતીય ટીમની જર્સી પહેરવાના અનુભવને શબ્દોની બહાર ગણાવ્યો. તેમણે લખ્યું, "ભારતીય જર્સી પહેરવી, રાષ્ટ્રગીત ગાવું અને જ્યારે પણ હું મેદાન પર પગ મૂકું છું ત્યારે મારું શ્રેષ્ઠ આપવાનો પ્રયાસ કરવો - તેનો સાચો અર્થ શબ્દોમાં વ્યક્ત કરવો અશક્ય છે, પરંતુ જેમ તેઓ કહે છે, દરેક સારી વસ્તુનો અંત આવવો જ જોઈએ અને તે થયું છે. અપાર કૃતજ્ઞતા સાથે મેં ભારતીય ક્રિકેટના તમામ ફોર્મેટમાંથી નિવૃત્તિ લેવાનો નિર્ણય લીધો છે. તમારા પ્રેમ અને સમર્થન માટે આપ સૌનો આભાર!"

Wearing the Indian jersey, singing the anthem, and trying my best each time I stepped on the field - it’s impossible to put into words what it truly meant. But as they say, all good things must come to an end, and with immense gratitude I have decided to retire from all forms of… pic.twitter.com/p8yOd5tFyT

— Cheteshwar Pujara (@cheteshwar1) August 24, 2025

ટેસ્ટ ક્રિકેટમાં પુજારાનું પ્રભુત્વ

2010માં ડેબ્યૂ કરનાર ચેતેશ્વર પૂજારાએ 103 ટેસ્ટ મેચ રમી અને આ ફોર્મેટમાં પોતાનું નામ બનાવ્યું. તેણે પોતાની કારકિર્દીમાં 7195 રન બનાવ્યા, જેમાં 19 સદી, 35 અડધી સદી અને ત્રણ બેવડી સદીનો સમાવેશ થાય છે. પૂજારાની સૌથી યાદગાર ઇનિંગ્સમાંની એક ઇનિંગ્સ 2018-18 અને 2020-21 બોર્ડર-ગાવસ્કર ટ્રોફીમાં ઓસ્ટ્રેલિયા સામે હતી. તેની આક્રમક અને ધીરજવાન બેટિંગથી, તેણે ઓસ્ટ્રેલિયન બોલરોને ખરાબ રીતે થાકાવી દીધા અને ભારતની ઐતિહાસિક જીતમાં મહત્વપૂર્ણ ભૂમિકા ભજવી. તેની આ ઇનિંગ્સ ભારતીય ક્રિકેટ ઇતિહાસમાં હંમેશા યાદ રહેશે.

પુજારાએ ખૂબ ઓછી તક મળી

ટેસ્ટમાં તેની ક્ષમતા હોવા છતાં, પૂજારાને મર્યાદિત ઓવરના ફોર્મેટમાં બહુ ઓછી તકો મળી. તેણે 2013-2014 દરમિયાન ફક્ત 5 વનડે રમી, જેમાં તે ફક્ત 15 રન જ બનાવી શક્યો. તેને ક્યારેય ટી20 આંતરરાષ્ટ્રીય મેચ રમવાની તક મળી નહીં. ભલે તેમની કારકિર્દીનો અંત આવી ગયો હોય, ભારતીય ટેસ્ટ ક્રિકેટમાં તેમનું યોગદાન હંમેશા અમર રહેશે, કારણ કે તે પેઢીના છેલ્લા બેટ્સમેન હતા જે ફક્ત ટેસ્ટ મેચો માટે સમર્પિત હતા.