Corbin Bosch સામે ICCની મોટી કાર્યવાહી, ખોટા કામ બદલ ફટકાર્યો દંડ
Corbin Bosch : આંતરરાષ્ટ્રીય ક્રિકેટમાં આચારસંહિતાનો ભંગદક્ષિણ આફ્રિકાના ઓલરાઉન્ડર કોર્બિન બોશ (Corbin Bosch )સામે આંતરરાષ્ટ્રીય ક્રિકેટ પરિષદ (ICC) દ્વારા કડક કાર્યવાહી કરવામાં આવી છે. આ ઘટના ઓસ્ટ્રેલિયા સામેની બીજી T20I મેચ દરમિયાન બની, જે 11 ઓગસ્ટ, 2025ના રોજ ડાર્વિનના મરરા ક્રિકેટ ગ્રાઉન્ડ ખાતે રમાઈ હતી. બોશે ICCની આચારસંહિતાના લેવલ 1નો ભંગ કર્યો હોવાનું જાણવા મળ્યું છે, જેના કારણે તેમને એક ડિમેરિટ પોઈન્ટ આપવામાં આવ્યો છે.
શું બની ઘટના? (Corbin Bosch )
આ ઘટના ઓસ્ટ્રેલિયાની ઇનિંગ્સની 17મી ઓવર દરમિયાન બની, જ્યારે બોશે ઓસ્ટ્રેલિયન ખેલાડી બેન ડ્વાર્શુઈસને આઉટ કર્યો હતો. આઉટ કર્યા બાદ બોશે ડ્વાર્શુઈસ તરફ ખેલાડીઓના ડગઆઉટ તરફ ઈશારો કર્યો, જેને મેચ અધિકારીઓએ ઉશ્કેરણીજનક ગણાવ્યો. આ હરકત ICCની આચારસંહિતાના આર્ટિકલ 2.5નું ઉલ્લંઘન ગણાયું, જેમાં “આંતરરાષ્ટ્રીય મેચ દરમિયાન બેટ્સમેનની વિકેટ પડ્યા બાદ તેની સામે અપમાનજનક ભાષા, હરકતો અથવા ઈશારાઓનો ઉપયોગ કરવો, જે બેટ્સમેનને આક્રમક પ્રતિક્રિયા આપવા પ્રેરે” એવું નિષેધિત છે.
South Africa’s all-rounder has been sanctioned for an on-field incident during the second #AUSvSA T20I.
Details 👇 https://t.co/9X6yrLGARQ
— ICC (@ICC) August 13, 2025
કોર્બિન બોશએ પોતાની ભૂલ સ્વીકારી
કોર્બિન બોશએ પોતાની ભૂલ સ્વીકારી લીધી અને ICC મેચ અધિકારીઓ દ્વારા સૂચિત સજાને સ્વીકારી, જેના કારણે ઔપચારિક સુનાવણીની જરૂર રહી નહીં. આ ઘટના તેમના 24 મહિનાના રેકોર્ડમાં પ્રથમ ગુનો હતો, અને તેમને એક ડિમેરિટ પોઈન્ટ આપવામાં આવ્યો. લેવલ 1ના ભંગ માટે સજા તરીકે ન્યૂનતમ ઔપચારિક ચેતવણીથી લઈને મેચ ફીના 50% સુધીનો દંડ અને એક કે બે ડિમેરિટ પોઈન્ટ આપવાની જોગવાઈ છે.
આ પણ વાંચો -2030 Commonwealth Games :ઓલિમ્પિક પહેલા ગુજરાતમાં કોમનવેલ્થ યોજવા તૈયારી
દક્ષિણ આફ્રિકાએ શાનદાર પ્રદર્શન કર્યું
મેચનું પરિણામઆ મેચમાં દક્ષિણ આફ્રિકાએ શાનદાર પ્રદર્શન કર્યું હતું. દેવાલ્ડ બ્રેવિસની 56 બોલમાં 125 રનની નાબાદ ઇનિંગ્સની મદદથી દક્ષિણ આફ્રિકાએ 218/7નો સ્કોર ખડક્યો હતો. બ્રેવિસે માત્ર 41 બોલમાં સદી ફટકારી, જે દક્ષિણ આફ્રિકા માટે પુરૂષ T20Iમાં સૌથી ઝડપી સદીઓમાંની એક હતી. જવાબમાં, ઓસ્ટ્રેલિયા 165 રનમાં ઓલઆઉટ થઈ ગઈ, જેમાં બોશ અને ક્વેના મફાકાએ ત્રણ-ત્રણ વિકેટ લીધી. આ 53 રનની જીતે ત્રણ મેચની T20I શ્રેણીને 1-1થી બરાબર કરી દીધી. શ્રેણીની નિર્ણાયક મેચ 16 ઓગસ્ટ, 2025ના રોજ કેરન્સમાં રમાશે.