IND vs ENG 3rd Test : ઈંગ્લેન્ડની ટીમમાં થઈ આ મોટા ખેલાડીની Entry!
- IND vs ENG વચ્ચે આજે લોર્ડ્સમાં ત્રીજી ટેસ્ટ
- ઈંગ્લેન્ડની ટીમમાં 4 વર્ષ બાદ જોફ્રા આર્ચરની એન્ટ્રી
- ટીમ ઈન્ડિયામાં બુમરાહનું થયું કમબેક
IND vs ENG 3rd Test : ભારત અને ઈંગ્લેન્ડ વચ્ચે રમાઈ રહેલી ટેસ્ટ શ્રેણીનો કાફલો લોર્ડ્સ પહોંચી ગયો છે, જ્યાં આજથી ત્રીજી ટેસ્ટ મેચ શરૂ થઈ રહી છે. ઇંગ્લેન્ડે ટોસ જીતીને પહેલા બેટિંગ કરવાનો નિર્ણય લીધો છે. ઈંગ્લેન્ડે મેચના એક દિવસ પહેલા પ્લેઇંગ ઇલેવનની જાહેરાત કરી હતી. ઈંગ્લેન્ડે એક મહત્વપૂર્ણ ફેરફાર કર્યો છે અને જોફ્રા આર્ચરને તેમના પ્લેઇંગ ઇલેવનમાં સામેલ કર્યો છે. આવી સ્થિતિમાં, ભારતીય બેટ્સમેનોએ થોડા સાવધાન રહેવું પડશે.
જસપ્રીત બુમરાહ અને જોફ્રા આર્ચરનું કમબેક
India vs England ની ત્રીજી ટેસ્ટ મેચમાં, હાલના સમયના બે ખતરનાક બોલર જસપ્રીત બુમરાહ અને જોફ્રા આર્ચર મેદાન પર એકસાથે જોવા મળશે. 'ક્રિકેટના મક્કા' તરીકે ઓળખાતા લોર્ડ્સના ઐતિહાસિક મેદાન પર રમાનારી આ ટેસ્ટ મેચ માટે ઈંગ્લેન્ડે પોતાની પ્લેઇંગ ઇલેવનની જાહેરાત કરી છે, જેમાં જોફ્રા આર્ચરનો પણ સમાવેશ થાય છે. આર્ચર લાંબા સમયથી ઇજાને કારણે ટેસ્ટ ટીમની બહાર હતો. તેણે 2021 માં ભારત પ્રવાસ પર રેડ બોલ ક્રિકેટની છેલ્લી મેચ રમી હતી. વળી, વર્કલોડ મેનેજમેન્ટને કારણે બીજી મેચ ચૂકી ગયેલા જસપ્રીત બુમરાહ પણ આ મેચમાં વાપસી કરવા માટે તૈયાર છે. આવી સ્થિતિમાં, લોર્ડ્સના મેદાન પર જોફ્રા આર્ચર અને જસપ્રીત બુમરાહ વચ્ચે જબરદસ્ત સ્પર્ધા જોવા મળશે. ત્યારે ચાલો બંને ખેલાડીઓના આંકડા પર એક નજર કરીએ.
3rd TEST. England won the toss and elected to bat. https://t.co/omiZVl1naJ #ENGvIND #3rdTEST
— BCCI (@BCCI) July 10, 2025
જસપ્રીત બુમરાહ વિરુદ્ધ જોફ્રા આર્ચર નંબર્સ ગેમ
જસપ્રીત બુમરાહ 46 ટેસ્ટ મેચ રમ્યા છે જેમાં તેમણે 200 થી વધુ વિકેટ લીધી છે. બીજી તરફ, 2018 માં ડેબ્યૂ કરનાર જોફ્રા આર્ચર સતત ઇજાઓને કારણે ફક્ત 13 ટેસ્ટ મેચ રમી શક્યો છે. આવી સ્થિતિમાં, આ બંનેની તુલના કરવી યોગ્ય રહેશે નહીં, પરંતુ જો આપણે બુમરાહના ટેસ્ટ કારકિર્દીની પ્રથમ 13 ટેસ્ટ અને જોફ્રા આર્ચરની સમાન મેચોની તુલના કરીએ, તો ચાલો જાણીએ કે કોની શું અસર પડી છે. જસપ્રીત બુમરાહ આ યુદ્ધ સરળતાથી જીતી જાય છે કારણ કે વિકેટ અને સરેરાશની દ્રષ્ટિએ, તે અંગ્રેજી ફાસ્ટ બોલરથી ઘણો આગળ છે. જોફ્રા આર્ચરે તેની કારકિર્દીની પ્રથમ 13 ટેસ્ટ મેચમાં 42 વિકેટ લીધી છે, તો જસપ્રીત બુમરાહએ તેની પ્રથમ 13 મેચમાં 63 વિકેટ લીધી હતી. આ દરમિયાન, બુમરાહની બોલિંગ સરેરાશ 20.34 હતી, જ્યારે આર્ચરની 31.04 હતી.
શ્રેણી હાલમાં 1-1 થી બરાબર
ઉલ્લેખનીય છે કે, ભારત અને ઈંગ્લેન્ડ વચ્ચે ચાલી રહેલી 5 મેચની ટેસ્ટ શ્રેણી હાલમાં 1-1 થી બરાબર છે. હેડિંગ્લીમાં કારમી હારનો સામનો કર્યા બાદ, ટીમ ઇન્ડિયાએ એજબેસ્ટનમાં શાનદાર વાપસી કરી અને ઈંગ્લેન્ડને હરાવીને શ્રેણી બરાબર કરી. હવે બંને ટીમો લોર્ડ્સમાં શ્રેણીમાં લીડ મેળવવાનો પ્રયાસ કરતા જોવા મળશે. ટીમ ઇન્ડિયાએ ઈંગ્લેન્ડમાં લોર્ડ્સમાં સૌથી વધુ 3 ટેસ્ટ મેચ જીતી છે. ટીમ ઈન્ડિયા પાસે ઐતિહાસિક મેદાન પર ચોથી જીત નોંધાવવાની શાનદાર તક છે.
બંને ટીમોના પ્લેઇંગ ઇલેવન
ટીમ ઈન્ડિયા : યશસ્વી જયસ્વાલ, કેએલ રાહુલ, કરુણ નાયર, શુભમન ગિલ (કેપ્ટન), ઋષભ પંત (વાઇસ-કેપ્ટન/વિકેટકીપર), રવિન્દ્ર જાડેજા, નીતિશ કુમાર રેડ્ડી, વોશિંગ્ટન સુંદર, જસપ્રીત બુમરાહ, આકાશ દીપ, મોહમ્મદ સિરાજ.
Just one change for India but it’s massive 👊
Jasprit Bumrah returns to the playing XI for the Lord’s Test 🔥 #WTC27 | 📝 #ENGvIND: https://t.co/0NCkPJdBEk pic.twitter.com/Qu01oKIpl4
— ICC (@ICC) July 10, 2025
Jofra Archer's return headlines England's team to take on India at Lord's 📝
More from #ENGvIND 📲 https://t.co/HJkPWxaZgH#WTC27 pic.twitter.com/EREqou1kdP
— ICC (@ICC) July 10, 2025
ઈંગ્લેન્ડ : જેક ક્રોલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), ક્રિસ વોક્સ, બ્રાઇડન કાર્સે, જોફ્રા આર્ચર, શોએબ બશીર.
આ પણ વાંચો : IND vs ENG : શુભમન ગિલ પાસે બ્રેડમેનનો 88 વર્ષ જૂનો રેકોર્ડ તોડવાની તક!