IND Vs ENG T20 : ભારતે જીત્યો ટોસ,પહેલા કરશે બોલિંગ
- ભારત અને ઈંગ્લેન્ડ વચ્ચે પ્રથમ મેચ
- ઈડન ગાર્ડન્સ ખાતે રમાઈ રહી છે
IND Vs ENG T20 :ભારત અને ઈંગ્લેન્ડ વચ્ચે પાંચ મેચની T20 સિરીઝની પહેલી મેચ ઈડન ગાર્ડન્સ ખાતે રમાઈ રહી છે. સૂર્યકુમાર યાદવની કેપ્ટનશીપ હેઠળ, ટીમ ઈન્ડિયાએ છેલ્લી કેટલીક મેચોમાં સારું પ્રદર્શન કર્યું છે. મોહમ્મદ શમીની વાપસી સાથે, ટીમનું બોલિંગ એટૈક પહેલા કરતાં વધુ મજબૂત દેખાય છે. જ્યારે બેટિંગમાં સંજુ સેમસન અને તિલક વર્મા ઉત્તમ ફોર્મમાં છે. ઈંગ્લિશ ટીમ પણ કાગળ પર ખૂબ જ મજબૂત દેખાય છે. ફિલ સોલ્ટ, જોસ બટલર, લિયામ લિવિંગસ્ટોન કોઈપણ બોલિંગ આક્રમણને તોડી શકે છે. બોલિંગમાં જોફ્રા આર્ચર એક મોટો ખતરો સાબિત થશે.
ભારતમાં પાંચ મેચની સિરીઝ રમાશે
T20 વર્લ્ડ ચેમ્પિયન ટીમ ઈન્ડિયા અને પૂર્વ ચેમ્પિયન ઈંગ્લેન્ડ વચ્ચે ફરી એકવાર T20 નો જંગ શરૂ થયો છે. આ વખતે ભારતમાં પાંચ મેચની સિરીઝમાં બંને ટીમો વચ્ચે ખરાખરીનો મુકાબલો જોવા મળશે. પાંચ મેચની T20 સિરીઝની પ્રથમ મેચ કોલકાતાના ઐતિહાસિક ઈડન ગાર્ડન્સ સ્ટેડિયમમાં છે. મેચ પહેલા બંને ટીમના કેપ્ટન ટોસ માટે મેદાનમાં હાજર રહ્યા હતા.
🚨 Toss News from the Eden Gardens 🚨#TeamIndia have elected to bowl against England in the T20I series opener.
Follow The Match ▶️ https://t.co/4jwTIC5zzs#INDvENG | @IDFCFIRSTBank pic.twitter.com/s8VPSM3xfT
— BCCI (@BCCI) January 22, 2025
આ પણ વાંચો-Sanju Samson ના પિતા રડી પડ્યા, મારા બાળકો અહીં સુરક્ષીત નથી, તેની વિરુદ્ધ ષડયંત્ર
મોહમ્મદ શમી આ મેચમાં નથી રમી રહ્યો
પહેલી T20 મેચમાં ભારતીય કેપ્ટન સૂર્યકુમાર યાદવે તો જીત્યો હતો અને પહેલા બોલિંગ કરવાનો નિર્ણય લીધો હતો. આ મેચમાં ઈંગ્લેન્ડ પહેલા બેટિંગ કરશે. મેચના એક દિવસ પહેલા જ ઈંગ્લેન્ડની ટીમ જાહેર થઈ ચૂકી હતી, જ્યારે ટોસ બાદ સૂર્યાએ ભારતીય ટીમની પ્લેઈંગ 11 જાહેર કરી હતી. લાંબા સમય બાદ ટીમમાં કમબેક કરનાર મોહમ્મદ શમી આ મેચમાં નથી રમી રહ્યો. ટીમ ઈન્ડિયાના કેપ્ટન સૂર્યકુમાર યાદવે ટોસ જીતીને પહેલા બોલિંગ કરવાનો નિર્ણય લીધો હતો. કોલકાતામાં રાત્રે 8 વાગ્યા પછી ઝાકળ પડે છે, શક્ય છે કે સૂર્યાએ આ કારણે આ નિર્ણય લીધો હોય.
આ પણ વાંચો-ઓલિમ્પિકમાં ક્રિકેટને સામેલ કરવા કવાયત તેજ, 128 વર્ષ બાદ થઈ રહી છે વાપસી
ભારતની પ્લેઈંગ 11 : અભિષેક શર્મા, સંજુ સેમસન, તિલક વર્મા, સૂર્યકુમાર યાદવ, હાર્દિક પંડ્યા, રિંકુ સિંહ, નીતિશ કુમાર રેડ્ડી, અક્ષર પટેલ, રવિ બિશ્નોઈ, અર્શદીપ સિંહ, વરુણ ચક્રવર્તી