ન્યૂઝીલેન્ડને આંચકો: કેન વિલિયમસને T20I ક્રિકેટમાંથી નિવૃત્તિ જાહેર કરી!
- ન્યૂઝીલેન્ડને આંચકો: કેન વિલિયમસનનો T20Iમાંથી સંન્યાસ! (Kane Williamson Retirement)
- વિલિયમસને T20 ઇન્ટરનેશનલ ક્રિકેટને અલવિદા કહ્યું
- 2026 વર્લ્ડ કપ પહેલાં લીધેલા નિર્ણયથી ક્રિકેટ જગત સ્તબ્ધ
- કારણ: આગામી T20 વર્લ્ડ કપ માટે યુવા ખેલાડીઓને તક આપવી
- T20Iમાં 93 મેચ, 2575 રન, અને 18 અડધી સદીનો રેકોર્ડ
Kane Williamson Retirement : ન્યૂઝીલેન્ડ ક્રિકેટ ટીમના ધુરંધર બેટ્સમેન કેન વિલિયમસને અચાનક ટી20 ઈન્ટરનેશનલ ક્રિકેટમાંથી સંન્યાસની જાહેરાત કરીને સૌને ચોંકાવી દીધા છે. આ નિર્ણય 2026ના ટી20 વર્લ્ડ કપની તૈયારીઓ વચ્ચે, તેના ચાર મહિના પહેલાં જ આવ્યો હોવાથી ચાહકોને મોટો આંચકો લાગ્યો છે. વિલિયમસન છેલ્લા ઘણા વર્ષોથી કીવી ટીમના બેટિંગ ક્રમનો આધારસ્તંભ રહ્યો છે, અને હવે તેની ગેરહાજરી ટીમમાં ચોક્કસપણે અનુભવાશે.
વિલિયમસનનો અચાનક સંન્યાસ – Kane Williamson Retirement
કેન વિલિયમસને ઓક્ટોબર 2011માં ન્યૂઝીલેન્ડ માટે ટી20 ઈન્ટરનેશનલમાં પદાર્પણ કર્યું હતું. ત્યારથી તે ટીમના ટોચના બેટ્સમેનોમાં સામેલ રહ્યો અને નોંધપાત્ર રન બનાવ્યા. તેણે કીવી ટીમની કેપ્ટનશીપ પણ સંભાળી હતી અને તેનો રેકોર્ડ શાનદાર રહ્યો છે. 2024ના ટી20 વર્લ્ડ કપમાં પાપુઆ ન્યુ ગિની સામે તેણે છેલ્લી વાર ન્યૂઝીલેન્ડનું નેતૃત્વ કર્યું હતું. ત્યારથી તે આ ફોર્મેટમાંથી વિરામ પર હતો. મોટાભાગના ક્રિકેટ વિશ્લેષકો માની રહ્યા હતા કે વિલિયમસન ફેબ્રુઆરી 2026માં શરૂ થનારા ટી20 વર્લ્ડ કપમાં ભાગ લીધા પછી જ આ ફોર્મેટને અલવિદા કહેશે. જોકે, તેણે વર્લ્ડ કપ શરૂ થવાના માત્ર ચાર મહિના પહેલાં જ ટી20 આંતરરાષ્ટ્રીય ક્રિકેટમાંથી વિદાય લીધી છે.
Kane Williamson has called time on his 93-game T20 International career.
Thank you for everything you gave the team in the shortest format 🖤🤍
Full story at https://t.co/itPtNwMPLK
📸 @PhotosportNZ pic.twitter.com/wzXz6MuWOF
— BLACKCAPS (@BLACKCAPS) November 1, 2025
સંન્યાસ પાછળનું કારણ શું? – T20 World Cup 2026
વિલિયમસને સંન્યાસ લેવા પાછળનું કારણ સ્પષ્ટ કરતાં કહ્યું, ‘હું આ બધી યાદો અને અનુભવો માટે મારી જાતને નસીબદાર માનું છું. આ મારા માટે અને ટીમ માટે સાચો સમય છે. મારો આ સંન્યાસ આગામી સીરીઝ અને ટી20 વર્લ્ડ કપ માટે ટીમને સ્પષ્ટતા આપશે. ટી20માં અમારી પાસે ઘણી પ્રતિભા છે, અને હવે તેમને વર્લ્ડ કપ માટે તૈયાર કરવા જરૂરી છે. આ ફોર્મેટમાં ટીમને આગળ વધારવાનો સમય આવી ગયો છે, અને હું તેમનો સહયોગ કરતો રહીશ.’ તેના આ નિવેદનથી સ્પષ્ટ થાય છે કે તેણે યુવા ખેલાડીઓ માટે જગ્યા બનાવવાના ઉમદા હેતુથી આ નિર્ણય લીધો છે.
T20Iમાં કેન વિલિયમસનનું પ્રદર્શન – New Zealand Cricket
કેન વિલિયમસને ન્યૂઝીલેન્ડ માટે ટી20 ઈન્ટરનેશનલમાં કુલ 93 મેચ રમી છે અને 2575 રન બનાવ્યા છે. તેણે 33.44ની સરેરાશથી બેટિંગ કરી છે અને તેનો સ્ટ્રાઈક રેટ 123.08નો રહ્યો છે. તેણે પોતાની T20I કારકિર્દીમાં 18 અર્ધશતક ફટકાર્યા છે અને તેનો સર્વોચ્ચ સ્કોર 95 રન રહ્યો છે, જે તેની ક્લાસ અને કન્સિસ્ટન્સી દર્શાવે છે.
આ પણ વાંચો : Shreyas Iyer ને લઇને BCCIની મોટી અપડેટ, હાલ પરત નહીં ફરે ખેલાડી