ઓસ્ટ્રેલિયાની ટીમ નવા રંગમાં મળશે જોવા, સ્વદેશી પ્રેરિત જર્સી કરી લોન્ચ

T20 વર્લ્ડ કપના યજમાન ઓસ્ટ્રેલિયાએ તેની નવી ટીમની જર્સી લોન્ચ કરી છે. એરોન ફિન્ચની આગેવાની હેઠળની ટીમ આ વર્ષના વર્લ્ડ કપમાં સ્વદેશી થીમ આધારિત કિટમાં જોવા મળશે. વાસ્તવમાં, આ પ્રથમ વખત છે જ્યારે કોઈ ઓસ્ટ્રેલિયન ક્રિકેટ ટીમે વૈશ્વિક ઈવેન્ટમાં ફર્સ્ટ નેશન્સનું પ્રતિનિધિત્વ કરતી પ્લેઈંગ સ્ટ્રીપ પહેરી હોય. યજમાન ટીમ આ વર્ષે તેમના T20 તાજને બચાવવાનું લક્ષ્ય રાખતી વખતે વર્લ્ડ કપ ઇવેન્ટમાં પ્રથમ વખત સ્વદેશી પ્રેરિત જર્સી પહેરશે.

ઓસ્ટ્રેલિયન ક્રિકેટ ટીમે આગામી T20 વર્લ્ડ કપ માટે તેની નવી જર્સી બહાર પાડી છે. ડિફેન્ડિંગ ચેમ્પિયન ટીમ આ વખતના વર્લ્ડ કપમાં સ્વદેશી થીમ પર આધારિત જર્સી પહેરીને ટાઈટલનો બચાવ કરવા મેદાને ઉતરશે. ક્રિકેટ ઓસ્ટ્રેલિયા દ્વારા જારી કરવામાં આવેલી જર્સીમાં ખભા પર કાળા રંગનો ઉપયોગ કરવામાં આવ્યો છે જ્યારે ટી-શર્ટની મધ્યમાં સોનેરી અને પીળી ડિઝાઇનનો ઉપયોગ કરવામાં આવ્યો છે. જ્યારે પેન્ટનો રંગ સંપૂર્ણ કાળો છે. ઓસ્ટ્રેલિયન ટીમ આ વખતે ઘરની ધરતી પર એરોન ફિન્ચની કપ્તાનીમાં મેદાન પર તે જ જર્સીમાં પોતાના ખિતાબનો બચાવ કરશે.

જર્સીની જેમ ઓસ્ટ્રેલિયન ટીમે પણ પહેલા પોતાની ટીમની જાહેરાત કરી હતી. ઓસ્ટ્રેલિયાની કમાન ફરી એકવાર એરોન ફિન્ચ પાસે રહેશે. ક્રિકેટ ઓસ્ટ્રેલિયાએ મોટાભાગે ગયા વર્ષથી ખેલાડીઓને તક આપી છે અને અનુભવ પર દાવ લગાવ્યો છે. આ વખતે ઓસ્ટ્રેલિયા સુપર 12 તબક્કામાં અફઘાનિસ્તાન, ઈંગ્લેન્ડ, ન્યૂઝીલેન્ડ અને રાઉન્ડ 1માંથી બે ક્વોલિફાયર સાથે ગ્રુપ 1માં છે. યજમાન ટીમ પોતાની પ્રથમ મેચ 22 ઓક્ટોબરે ન્યૂઝીલેન્ડ સામે રમશે.

મહત્વનું છે કે, આ વખતે T20 વર્લ્ડ કપની યજમાની ઓસ્ટ્રેલિયા કરી રહ્યું છે. તેણે ગયા વર્ષે UAEમાં પ્રથમ વખત T20 વર્લ્ડ કપનો ખિતાબ જીત્યો હતો. ફિન્ચની આગેવાનીમાં ઓસ્ટ્રેલિયાએ ટાઈટલ મેચમાં ન્યૂઝીલેન્ડને આઠ વિકેટે હરાવ્યું હતું. વર્લ્ડ કપની વાત કરીએ તો આ વખતે તે 16 ઓક્ટોબર (ક્વોલિફાયર રાઉન્ડ)થી શરૂ થઈ રહ્યો છે અને ફાઈનલ મેચ 13 નવેમ્બરે રમાશે.

આ પણ વાંચો - સ્વદેશ પરત ફરતા શ્રીલંકાની ક્રિકેટ ટીમનું થયું ભવ્ય સ્વાગત, Photos