PAKvsNZ :પહેલી જ મેચમાં પાકિસ્તાનની શરમજનક હાર

• ચેમ્પિયન્સ ટ્રોફી પ્રથમ મેચ પાકિસ્તાની હાર
• ન્યુઝીલેન્ડે 60 રને હરાવીને પહેલી મેચ જીતી
• પાકિસ્તાનની શરૂઆત ખૂબ જ ખરાબ રહી

PAKvsNZ: મોહમ્મદ રિઝવાનના નેતૃત્વ હેઠળની પાકિસ્તાન (PAKvsNZ)ટીમ માટે ICC ચેમ્પિયન્સ ટ્રોફી 2025 ની શરૂઆત બિલકુલ સારી રહી ન હતી. બુધવારે (૧૯ ફેબ્રુઆરી) રમાયેલી શરૂઆતની મેચમાં, ન્યુઝીલેન્ડે પાકિસ્તાનને ૬૦ રનથી હરાવ્યું. આ મેચ કરાચીના નેશનલ સ્ટેડિયમમાં રમાઈ હતી.

ગ્રુપમાં બાકીની બંને મેચ જીતવી પડશે

આ ટુર્નામેન્ટનું આયોજન પાકિસ્તાન કરી રહ્યું છે. આવી સ્થિતિમાં, તેના હોમ ગ્રાઉન્ડમાં આ હાર ચાહકો માટે આઘાતજનક રહેશે. હવે જો પાકિસ્તાને સેમિફાઇનલમાં જગ્યા બનાવવી હોય તો તેણે તેના ગ્રુપમાં બાકીની બંને મેચ જીતવી પડશે. પાકિસ્તાનનો આગામી મુકાબલો 23 ફેબ્રુઆરીએ ભારતીય ટીમ સામે છે. જ્યારે તેમનો ત્રીજો અને છેલ્લો ગ્રુપ મેચ 27 ફેબ્રુઆરીએ બાંગ્લાદેશ સામે રમવાનો છે.

આ પણ  વાંચો -Champions Trophy 2025 : ટીમ ઈન્ડિયાની નવી જર્સી પર લખાયું 'Pakistan' નું નામ, જાણો કારણ

પાકિસ્તાન માટે ખૂબ જ ખરાબ શરૂઆત

૩૨૧ રનના લક્ષ્યાંકના જવાબમાં પાકિસ્તાનની શરૂઆત ખૂબ જ ખરાબ રહી. ટીમે 8 રન પર પોતાની પહેલી વિકેટ ગુમાવી દીધી. સઈદ શકીલ ૧૯ બોલમાં ૬ રન બનાવીને આઉટ થયો હતો. વિલ ઓ'રોર્કે તેને મેટ હેનરીના બોલ પર કેચ આઉટ કરાવ્યો. બીજો ફટકો 22 ના સ્કોર પર આવ્યો. કેપ્ટન મોહમ્મદ રિઝવાન ૧૪ બોલમાં ૩ રન બનાવીને કેચ આઉટ થયો હતો. તે પણ ઓ'રોર્કનો ભોગ બન્યો હતો.

આ પણ  વાંચો -Champions Trophy પહેલા શુભમન ગિલે રચ્યો ઈતિહાસ, રોહિત-બાબરને છોડ્યા પાછળ

ઝીલેન્ડના બે ખેલાડીઓએ ફટકારી સદી

ટોમ લાથમે 104 બોલમાં 118 રન (અણનમ) અને વિલ યંગે 113 બોલમાં 107 રન બનાવતાં ન્યુઝીલેન્ડની ટીમે પાકિસ્તાનને પહાડી જેટલો મોટો સ્કોર આપ્યો હતો. ન્યુઝીલેન્ડને શરુઆતમાં જ મોટો ફટકો પડ્યો હતો જ્યારે ડેવોન કોનવે 39 રન બનાવીને આઉટ થયો હતો. ત્યાર બાદ કેન વિલિયમસન પણ એક રનમાં પેવેલિયન ભેગો થયો હતો જે પછી ડેરિલ મિશેલ પણ 10 રન બનાવીને આઉટ થયો હતો.

આ પણ  વાંચો -WPLમાં RCBની બીજો જીત: દિલ્હી કેપિટલ્સ 8 વિકેટે હારી, કેપ્ટન મંધાનાના 81 રન

પાકિસ્તાનની પ્લેઈંગ ઈલેવન

ફખર ઝમાન, બાબર આઝમ, સઈદ શકીલ, મોહમ્મદ રિઝવાન (વિકેટકીપર/કેપ્ટન), સલમાન આગા, તૈયબ તાહિર, ખુશદિલ શાહ, શાહીન આફ્રિદી, નસીમ શાહ, હરિસ રૌફ, અબરાર અહેમદ,

ન્યૂઝીલેન્ડની પ્લેઈંગ ઈલેવન

વિલ યંગ, ડેવોન કોનવે, કેન વિલિયમસન, ડેરિલ મિશેલ, ટોમ લેથમ (વિકેટકીપર), ગ્લેન ફિલિપ્સ, માઈકલ બ્રેસવેલ, મિશેલ સેન્ટનર (કેપ્ટન), મેટ હેનરી, નાથન સ્મિથ, વિલ ઓ'રોર્ક.