RCB social media post: RCB એ 84 દિવસ બાદ મૌન તોડ્યું, 'આ મૌન નહોતું, શોક હતો'
- RCBએ 84 દિવસ બાદ સો.મીડિયા પર તોડ્યુ મૌન (RCB social media post)
- અત્યાર સુધી કોઈ પોસ્ટ કેમ ન કરાઈ તે અંગે આપ્યુ કારણ
- 4 જૂને થયેલી ભાગદો઼ડથી વિજયનો આનંદ શોકમાં ફેરવાયો હતો
- ચિન્નાસ્વામી સ્ટેડિયમમાં ભાગદોડમાં 11 લોકોના થયા હતા મોત
- RCB મેનેજમેન્ટ દ્વારા RCB CARE નામનું પ્લેટફોર્મ તૈયાર કરાયુ
RCB social media post : રજત પાટીદારની કેપ્ટનશીપ હેઠળ રોયલ ચેલેન્જર્સ બેંગ્લોર (RCB) એ આ વર્ષે IPL 2025 નો ખિતાબ જીતીને ઇતિહાસ રચ્યો. 3 જૂને ફાઇનલ જીત્યા બાદ, 4 જૂને બેંગલુરુના એમ ચિન્નાસ્વામી સ્ટેડિયમમાં ટીમની જીતની ઉજવણી માટે એક કાર્યક્રમનું આયોજન કરવામાં આવ્યું હતું. જોકે, ઇવેન્ટ દરમિયાન થયેલી ભાગદોડથી વિજયનો આનંદ શોકમાં ફેરવાઈ ગયો.
આ દુ:ખદ ઘટનામાં 11 લોકોએ જીવ ગુમાવ્યા અને 56 લોકો ઘાયલ થયા, ત્યારબાદ RCB ફ્રેન્ચાઇઝી અને ખેલાડીઓ પર પ્રશ્નો ઉભા થયા. આ ઘટના પછી, 84 દિવસથી RCB ના સોશિયલ મીડિયા એકાઉન્ટ્સ પર કોઈ પોસ્ટ નહોતી. હવે, ફ્રેન્ચાઇઝીએ ભાવનાત્મક પોસ્ટ સાથે પોતાનું મૌન તોડ્યું છે અને તેના મૌનનું કારણ સમજાવ્યું છે.
Dear 12th Man Army, this is our heartfelt letter to you!
𝗜𝘁’𝘀 𝗯𝗲𝗲𝗻 𝗰𝗹𝗼𝘀𝗲 𝘁𝗼 𝘁𝗵𝗿𝗲𝗲 𝗺𝗼𝗻𝘁𝗵𝘀 𝘀𝗶𝗻𝗰𝗲 𝘄𝗲 𝗹𝗮𝘀𝘁 𝗽𝗼𝘀𝘁𝗲𝗱 𝗵𝗲𝗿𝗲.
The Silence wasn’t Absence. It was Grief.
This space was once filled with energy, memories and moments that you… pic.twitter.com/g0lOXAuYbd
— Royal Challengers Bengaluru (@RCBTweets) August 28, 2025
RCB એ તેના મૌનનું કારણ સમજાવ્યું
RCB એ તેના ચાહકોને સંબોધિત કરતા લખ્યું, "પ્રિય 12મી મેન આર્મી, આ તમને અમારો હૃદયસ્પર્શી પત્ર છે. આ મૌન ગેરહાજરી નહોતી, તે શોક હતો. આ સ્થળ હંમેશા ઉર્જા, યાદો અને ખુશીની ક્ષણોથી ભરેલું રહ્યું છે, પરંતુ 4 જૂને બધું બદલી નાખ્યું."
ફ્રેન્ચાઇઝીએ આગળ કહ્યું, "તે દિવસે અમારા હૃદય તૂટી ગયા, અને ત્યારથી આ મૌન અમારા માટે શોક, સાંભળવા અને શીખવાનો માર્ગ બની ગયું છે. આ મૌનમાં, અમે ફક્ત પ્રતિક્રિયા કરતાં કંઈક વધુ બનાવવાનું શરૂ કર્યું, કંઈક એવું જે આપણે ખરેખર માનીએ છીએ."
RCB CARE નામનું નવુ પ્લેટફોર્મ તૈયાર કરાયુ
આ વિચાર સાથે, 'RCB કેર્સ' નામનું એક નવું પ્લેટફોર્મ શરૂ કરવામાં આવ્યું છે. આ પ્લેટફોર્મ ભાગદોડમાં જીવ ગુમાવનારા લોકોનું સન્માન કરવાની અને અસરગ્રસ્ત પરિવારો સાથે ઉભા રહેવાની જરૂરિયાતમાંથી જન્મ્યું છે. RCB એ મૃતકોના પરિવારોને દરેકને 10 લાખ રૂપિયાનું વળતર આપવાની પણ જાહેરાત કરી છે અને ઘાયલોને મદદ કરવા માટે પણ પ્રતિબદ્ધ છે.
પોસ્ટના અંતે, RCB એ કહ્યું કે તેઓ આજે ઉજવણી કરવા માટે નહીં, પરંતુ તેમના ચાહકો સાથે ઉભા રહેવા અને સાથે મળીને આગળ વધવા માટે પાછા ફર્યા છે.
આ પણ વાંચો : ભારતના ભૂતપૂર્વ મુખ્ય પસંદગીકાર khris Srikanth એ ટીમના સિલેકશન પર ઉઠાવ્યા સવાલ, T20 વર્લ્ડ કપ નહીં જીતી શકીએ!