Rishabh Panta એ ICC રેન્કિંગમાં લગાવી મોટી છલાંગ, આ દિગ્ગજ ખેલાડીને છોડ્યો પાછળ
- ICC રેન્કિંગમાં નવીનતમ ટેસ્ટ રેન્કિંગ જાહેર કરી
- ભારતના વિકેટકીપર રિષભ પંતએ લગાવી છલાંગ
- રિષભ પંત છઠ્ઠા સ્થાને પહોંચી ગયો
ICC Test Rankings:ઇન્ટરનેશનલ ક્રિકેટ કાઉન્સિલ (ICC) એ બુધવારે નવીનતમ ટેસ્ટ રેન્કિંગ (Test Rankings)જાહેર કરી છે, જેમાં ભારતના વિકેટકીપર બેટ્સમેન રિષભ પંત(Rishabh pant)ને ઘણો ફાયદો થયો છે. ન્યુઝીલેન્ડ સામે બેંગલુરુ ટેસ્ટમાં 99 રનની ઇનિંગ રમનાર પંતને તાજેતરની રેન્કિંગમાં ત્રણ સ્થાનનો ફાયદો થયો છે અને તે હવે છઠ્ઠા સ્થાને પહોંચી ગયો છે. તેણે અહીં ભારતીય બેટ્સમેન વિરાટ કોહલી (virat kohli) ને પણ પાછળ છોડી દીધો છે. આ યાદીમાં ઈંગ્લેન્ડનો જો રૂટ ટોપ પર છે અને તેણે સતત પોતાની લીડ જાળવી રાખી છે. વિરાટ અને પંત ઉપરાંત ભારતની યશસ્વી જયસ્વાલ ટોપ-10 ખેલાડીઓમાં ચોથા સ્થાને છે.
પંતે 99 રનની ઇનિંગ રમી હતી
યશસ્વી જયસ્વાલ સિવાય, રિષભ પંત એકમાત્ર ભારતીય બેટ્સમેન હતો જેણે બેંગલુરુમાં ન્યુઝીલેન્ડ સામેની પ્રથમ ઇનિંગ્સમાં બે આંકડા સુધી પહોંચ્યો હતો. આ સત્ર યજમાન ટીમ માટે દુઃસ્વપ્ન જેવું હતું, જેમાં ભારત માત્ર 46 રનમાં જ ઓલઆઉટ થઈ ગયું હતું. પંતે આ ઈનિંગમાં માત્ર 20 રન બનાવ્યા હતા, પરંતુ તેમ છતાં તે ભારતીય ઈનિંગ્સનો સર્વશ્રેષ્ઠ સ્કોર હતો. પંતે બીજી ઇનિંગમાં 99 રનની શાનદાર ઇનિંગ રમી હતી, પરંતુ તે માત્ર એક રનથી સદી ફટકારવામાં ચૂકી ગયો હતો.
Rishabh Pant's rise continues! Now ranked as India's 2nd highest Test batter after jumping 3 positions. Only Jaiswal stands ahead of him, and the young star is closing in fast. What a journey it’s been for Pant pic.twitter.com/Jjgu2EHpoB
— Hitman Hub™️ (@RohitFusion45) October 23, 2024
આ પણ વાંચો -Gujarat Titans માં આ ભૂતપૂર્વ ભારતીય દિગ્ગજની એન્ટ્રી!
પંત ફરી એકવાર નર્વસ નાઈન્ટીઝનો શિકાર બન્યો
રવિન્દ્ર જાડેજાની બોલિંગ પર જમણા ઘૂંટણમાં સોજો આવવાને કારણે વિકેટકીપર-બેટ્સમેન પંત આગલા દિવસે મેદાનની બહાર રહ્યા બાદ બેટિંગ કરવા આવ્યો હતો. પંતે ચોથા દિવસે સરફરાઝ ખાન સાથે 177 રનની ભાગીદારી નોંધાવી હતી કારણ કે ભારતે ન્યૂઝીલેન્ડના પ્રથમ દાવના મોટા ટોટલના જવાબમાં લીડ મેળવી હતી. પંત ફરી એકવાર નર્વસ નાઈન્ટીઝનો શિકાર બન્યો હતો. આ સાથે પંતે ટેસ્ટમાં સદી કરતાં વધુ નર્વસ નાઈન્ટીમાં આઉટ થવાનો રેકોર્ડ નોંધાવ્યો છે.
આ પણ વાંચો -Sania Mirza ની જગ્યાએ ભારતની આગામી ટેનિસ સ્ટાર કોણ? આ નામો ચર્ચામાં
બેન ડકેટ રેન્કિંગમાં ચમક્યો
રેન્કિંગમાં અન્ય બેટ્સમેનોની વાત કરીએ તો, રૂટનો દેશબંધુ બેન ડકેટ પાકિસ્તાન સામેની બીજી ટેસ્ટમાં 114 રનની ઈનિંગના આધારે ટેસ્ટ બેટ્સમેનોની યાદીમાં ત્રણ સ્થાન આગળ વધીને 11મા સ્થાને પહોંચી ગયો છે. તે હવે ટોપ-10 ખેલાડીઓની યાદીમાં પહોંચવાની ખૂબ નજીક પહોંચી ગયો છે. આ જ મેચમાં 31 અને 63 રનની ઇનિંગ રમનાર પાકિસ્તાનનો સલમાન આગા આઠ સ્થાન ઉપર ચઢીને તેની કારકિર્દીની સર્વશ્રેષ્ઠ રેન્કિંગમાં પહોંચી ગયો છે.