Technology: AI ક્ષેત્રમાં ચીનની તોફાની બેટિંગ, DeepSeek પછી મેદાનમાં રજૂ કરવામાં આવ્યું Kimi K1
- ચીને એઆઈની દુનિયામાં પોતાની શક્તિ બતાવી
- લોકપ્રિય થતાંની સાથે જ ચીને બીજો દાવેદાર રજૂ કર્યો
- નવો AI ચેટબોટ OpenAI ના GPT-4o અને ક્લાઉડ 3.5 સોનેટથી તદ્દન અલગ
DeepSeek R1 લોન્ચ કરીને, ચીને એઆઈની દુનિયામાં પોતાની શક્તિ બતાવી છે. લોકપ્રિય થતાંની સાથે જ ચીને બીજો દાવેદાર રજૂ કર્યો છે. ચીને બજારમાં પોતાનો નવો AI ચેટબોટ Kimi k1.5 રજૂ કર્યો છે. ચીનના આ પગલાથી અમેરિકાનું AI વિશ્વ ધ્રુજી શકે છે. માત્ર એક મહિનામાં, ચેટજીપીટી સામે બે દિગ્ગજો ઉભરી આવ્યા છે. ચીનના નવા AI મોડેલ Kimi k1.5 માં શું ખાસ છે? તેના વિશે બધું અહીં વાંચો.
નવો AI ચેટબોટ OpenAI ના GPT-4o અને ક્લાઉડ 3.5 સોનેટથી તદ્દન અલગ
DeepSeek થી શરૂ કરીને, ચીનની AI સફર હવે Kimi k1.5 માં પ્રવેશી ચુકી છે. નવો AI ચેટબોટ OpenAI ના GPT-4o અને ક્લાઉડ 3.5 સોનેટથી તદ્દન અલગ છે.
Kimi k1.5 શું છે?
આ બેઇજિંગ સ્થિત સ્ટાર્ટઅપ મૂનશોટ AI નું નવીનતમ મોડેલ Kimi k1.5 છે. ડીપસીક લોકપ્રિય થતાં આ પ્લેટફોર્મ તાજેતરમાં જ રિલીઝ થયું છે. તે OpenAI-o1 ને સખત સ્પર્ધા આપી રહ્યું છે. GPT-o1 પ્લેટફોર્મ પહેલા તમારા પ્રશ્નોને સમજે છે અને પછી તેમના પર વિચાર કરીને જવાબ આપે છે. Kimi k1.5 પણ GPT-o1 ની જેમ કામ કરે છે. આ પ્લેટફોર્મ ફક્ત ટેક્સ્ટ જ નહીં, પણ ફોટા અને વીડિયોને પણ સમજી અને પ્રતિભાવ આપી શકે છે. તેની આ ખાસ સુવિધા અમેરિકન પ્લેટફોર્મ પર ભારે સાબિત થઈ શકે છે. અહેવાલો પ્રમાણે, Kimi k1.5 ને રિઇન્ફોર્સમેન્ટ લર્નિગ અને મલ્ટિમોડલ તર્કના મોટા હેતુ માટે ડિઝાઇન કરવામાં આવ્યું છે. આ મોડેલ દ્રશ્ય ડેટા, કોડ્સ અને ટેક્સ્ટને જોડીને સમસ્યાઓ સરળતાથી ઉકેલી શકે છે.
Kimi k1.5 માં શું અલગ છે?
Kimi k1.5 અન્ય AI મોડેલોની તુલનામાં ડેટાના વિવિધ ફોર્મેટ પર પ્રક્રિયા કરી શકે છે. બજારમાં ઉપલબ્ધ મોટાભાગના AI મોડેલ્સ સ્ટેટિક ડેટાસેટ્સ પર આધારિત છે. Kimi k1.5 એક્સપ્લોરેશન અને રિવોર્ડસ દ્વારા શીખે છે. જેના કારણે મુશ્કેલ પ્રશ્નો સરળતાથી ઉકેલી શકાય છે. સરળ શબ્દોમાં કહીએ તો, Kimi k1.5 મોડેલ તમે પૂછો છો તે કોઈપણ પ્રશ્નનો જવાબ આપતા પહેલા તેનો વિચાર કરે છે. તે તમારા પ્રશ્નને નાના સ્ટેપ્સમાં વિભાજીત કરે છે, તેને સમજે છે અને તમને ફાઇનલ આઉટપુટ આપે છે.
આ પણ વાંચો: JioCoin આવી ગયું, શું Jioનો નવો દાવ લોકોના ખિસ્સા ભરશે?