Kolkata Rape જેવો બંગાળમાં ફરી બન્યો કિસ્સો, યુવતીનું માથુ ધડથી.....

• બંગાળમાંથી વધુ એક ખરાબ સમાચાર
• બર્ધમાનમાં એક યુવતીનો શિરચ્છેદ કરાયેલો મૃતદેહ મળી આવ્યો
• યુવતી પર દુષ્કર્મ બાદ માથુ ધડથી અલગ કરી નાખ્યું

Kolkata Rape : કોલકાતામાં ટ્રેઇની ડૉક્ટર (Kolkata Rape ) સાથે થયેલી બર્બરતાની આગ હજુ ઠંડી નથી પડી ત્યારે બંગાળમાંથી વધુ એક ખરાબ સમાચાર સામે આવી રહ્યા છે. પશ્ચિમ બંગાળના બર્ધમાનમાં એક યુવતીનો શિરચ્છેદ કરાયેલો મૃતદેહ મળી આવ્યો છે. આ ઘટનાથી સમગ્ર વિસ્તારમાં સનસનાટી મચી ગઈ છે. યુવતીની ઓળખ 25 વર્ષીય પ્રિયંકા હંસદા તરીકે થઈ છે.

પ્રિયંકા બેંગલુરુમાં કામ કરતી હતી

બર્ધમાનના નાદુર ગામમાં રહેતી પ્રિયંકા બેંગલુરુના એક શોપિંગ મોલમાં સેલ્સ ગર્લ તરીકે કામ કરતી હતી. આ સિવાય પ્રિયંકા ફિલોસોફીમાં એમએનો અભ્યાસ કરતી હતી. 12 ઓગસ્ટે પ્રિયંકા બેંગલુરુથી બર્ધમાન સ્થિત પોતાના ઘરે પરત ફરી હતી. પરંતુ બે દિવસ પછી તે ક્રૂરતાનો શિકાર બની. પ્રિયંકા પર દુષ્કર્મ કર્યા બાદ તેનું માથું કાપી નાખવામાં આવ્યું હતું. બીજા દિવસે સવારે પ્રિયંકાની લાશ મળી આવતા સમગ્ર વિસ્તારમાં ખળભળાટ મચી ગયો હતો.

આ પણ વાંચો----Kolkata Rape: દેશભરમાં 24 કલાક OPD બંધ રહેશે, ઘટનાના વાંચો અપડેટ્સ...

શિરચ્છેદ

મીડિયા રિપોર્ટ્સ અનુસાર પ્રિયંકા 14 ઓગસ્ટે સાંજે લગભગ 6:30 વાગ્યે બાથરૂમ જવા માટે ઘરની બહાર નીકળી હતી. થોડા સમય પછી પ્રિયંકા પરત ન આવતાં પરિવારજનો ચિંતામાં પડી ગયા હતા. બધા પ્રિયંકાને શોધવા લાગ્યા. ગુરુવારે સવારે પ્રિયંકા તેના ઘરથી થોડે દૂર આવેલા ખેતરમાં ખરાબ હાલતમાં મળી આવી હતી. જ્યારે પરિવારના સભ્યોએ નજીક જઈને લાશ જોઈ તો લોકોમાં હડકંપ મચી ગયો હતો.પ્રિયંકાના શરીરમાંથી માથું ગાયબ હતું.

પોલીસે તપાસ શરૂ કરી

પ્રિયંકાની લાશ જોઈને માતા જોર જોરથી ચીસો પાડવા લાગી હતી. માતાની ચીસો સાંભળીને આસપાસના લોકો એકઠા થઈ ગયા હતા. આ ઘટનાની માહિતી શક્તિગઢ પોલીસ સ્ટેશનને આપવામાં આવી હતી. પોલીસ તાત્કાલિક ઘટનાસ્થળે પહોંચી હતી. અધિક પોલીસ અધિક્ષક ઓર્ક બેનર્જીનું કહેવું છે કે પોલીસે તપાસ શરૂ કરી દીધી છે. અમે જલ્દી જ હત્યારાને પકડી લઈશું.

કોલકાતા બળાત્કાર હત્યા કેસ

પ્રિયંકાના મોતના સમાચાર આખા વિસ્તારમાં દાવાનળની જેમ ફેલાઈ ગયા હતા. બધાએ પોલીસ સ્ટેશનને ઘેરી લીધું અને પથ્થરમારો શરૂ કર્યો. જોકે, પ્રિયંકાની હત્યા કોણે અને શા માટે કરી? આ જાહેર કરી શકાયું નથી. તમને જણાવી દઈએ કે થોડા દિવસો પહેલા કોલકાતામાં પણ એક ટ્રેઇની ડોક્ટર સાથે એક ભયાનક ઘટના સામે આવી હતી. નાઈટ ડ્યુટી પરના તબીબ પર બળાત્કાર કરી હત્યા કરવામાં આવી હતી. પશ્ચિમ બંગાળની રાજધાનીમાં આને લઈને પહેલાથી જ ગુસ્સો છે. 3000 થી વધુ ડોક્ટરો હડતાળ પર છે.

આ પણ વાંચો---- Kolkata Rape Case: સેક્સ અને ડ્રગ્સ રેકેટનો અડ્ડો હતી હોસ્પિટલ ?