Alaska Meet બાદ ટ્રમ્પે કહ્યું, રશિયાએ ગુમાવ્યું, ભારત અને ટેરિફનો ઉલ્લેખ
- આજે દુનિયાના બે શક્તિશાળી દેશોના વડા વચ્ચે અલસ્કામાં મુલાકાત
- મુલાકાત બાદ કોઇ નક્કર નિષ્કર્ષ પર પહોંચી શકાયુ નથી
- ટ્રમ્પની ટેરિફ વોરથી રશિયાએ મોટો ગ્રાહક ગુમાવ્યાનો ઇશારો
Alaska Meet : આજે અમેરિકાના અલાસ્કામાં (Alaska Meet) અમેરિકા અને રશિયાના પ્રમુખો (Trump And Putin Talk) વચ્ચે બેઠક યોજાઇ છે. જે બાદ અમેરિકાના રાષ્ટ્રપતિ ડોનાલ્ડ ટ્રમ્પે (US President Donald Trump) દાવો કર્યો છે કે, ભારતે તેમની ટેરિફ નીતિને (Tariff War - India) કારણે રશિયા પાસેથી તેલ ખરીદવાનું બંધ કરી દીધું હતું. તેમણે અલાસ્કામાં રશિયન રાષ્ટ્રપતિ વ્લાદિમીર પુતિનને (Russian President - Vladimir Putin) મળ્યા બાદ આ નિવેદન આપ્યું હતું. પુતિન સાથેની તેમની વાતચીત મુખ્યત્વે યુક્રેન પર કેન્દ્રિત હતી.
"Russia lost an oil client, which is India," says Trump on sanctions threat
Read @ANI Story |https://t.co/4jpu3D6j87#UnitedStates #Trump #Russia #India #SanctionsThreat pic.twitter.com/OzqqPx5Vwa
— ANI Digital (@ani_digital) August 16, 2025
રશિયાએ મોટો ગ્રાહક ગુમાવ્યો
એક ઇન્ટરવ્યુમાં ટ્રમ્પે (US President Donald Trump) કહ્યું કે, રશિયાએ તેના તેલનો એક મોટો ગ્રાહક ગુમાવ્યો છે, અને તે ભારત હતું. ટ્રમ્પના મતે, ભારત રશિયા સાથે તેના તેલ વેપારનો લગભગ 40 ટકા હિસ્સો કરી રહ્યું છે. તેમણે કહ્યું કે, જો તેઓ હવે અન્ય પ્રતિબંધો લાદે છે, તો તે તેમના માટે ખૂબ જ વિનાશક સાબિત થશે.
રશિયા પર વધુ પ્રતિબંધોની જરૂર નથી
અગાઉ, ટ્રમ્પ અને પુતિન અલાસ્કામાં મળ્યા હતા, ત્યારબાદ બંનેએ સંયુક્ત પત્રકાર પરિષદને સંબોધી હતી જે ફક્ત 12 મિનિટ ચાલી હતી. આ દરમિયાન, તેમણે ફક્ત વાત કરી અને પ્રેસના કોઈપણ પ્રશ્નોના જવાબ આપ્યા નહીં. ટ્રમ્પે કહ્યું કે, હાલમાં તેમને રશિયા પર વધુ કડક આર્થિક પ્રતિબંધો લાદવાની જરૂર દેખાતી નથી કારણ કે બેઠક સારી હતી. જોકે, તેમણે કહ્યું કે તેઓ બે-ત્રણ અઠવાડિયામાં પરિસ્થિતિ જોયા પછી તેના પર પુનર્વિચાર કરી શકે છે.
પુતિને ટ્રમ્પની પ્રશંસા કરી
ટ્રમ્પે (US President Donald Trump) એમ પણ કહ્યું કે, પુતિને (Russian President - Vladimir Putin) તેમની પ્રશંસા કરી અને કહ્યું કે તેમણે ક્યારેય કોઈને આટલી ઝડપથી કામ કરતા જોયા નથી. પુતિનના મતે, અમેરિકા હાલમાં 'ખૂબ ઝડપથી આગળ વધી રહ્યું છે', જ્યારે એક વર્ષ પહેલા તે લગભગ 'પૂર્ણ' થઈ ગયું લાગતું હતું.
બધું ઝેલેન્સકી પર નિર્ભર
યુક્રેન યુદ્ધ અંગે, ટ્રમ્પે (US President Donald Trump) કહ્યું કે હવે તે રાષ્ટ્રપતિ વોલોડીમીર ઝેલેન્સકી પર નિર્ભર છે કે તેઓ કરાર તરફ શું પગલાં લે છે. તેમણે કહ્યું કે બેઠકમાં ઘણા મુદ્દાઓ પર સર્વસંમતિ બની છે, પરંતુ એક મોટો મુદ્દો હજુ બાકી છે. ટ્રમ્પના શબ્દોમાં કહીએ તો, 'જ્યાં સુધી આખો સોદો ન થાય ત્યાં સુધી કોઈ સોદો થતો નથી.' ટ્રમ્પે કહ્યું કે પુતિન હવે લોકોને મરતા જોવા માંગતા નથી અને ફક્ત થોડા મુદ્દાઓ ઉકેલવાના બાકી છે. તેમણે સંકેત આપ્યો કે તેઓ ટૂંક સમયમાં પુતિનને ફરી મળી શકે છે.
આ પણ વાંચો ---- Alaska Meet માં મોટી જાહેરાત નહીં, ટ્રમ્પ-પુતિને કહ્યું,'બેઠક સકારાત્મક રહી'