US થી પકડાયો લોરેન્સ બિશ્નોઈનો ભાઈ અનમોલ બિશ્નોઈ, જાણો ભારતે શું કરી માંગ?

1. અનમોલ બિશ્નોઈ US માં છુપાયો હતો
2. અનમોલને કેલિફોર્નિયામાંથી પોલીસે કસ્ટડીમાં લીધો
3. અનમોલ વિરુદ્ધ બિનજામીનપાત્ર વોરંટ જરી કરાયું

સોમવારે અમેરિકા (US)થી ભારતીય પોલીસ માટે રાહતના સમાચાર છે . ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈને અમેરિકા (US)ના કેલિફોર્નિયામાંથી પોલીસે કસ્ટડીમાં લીધો છે. જો કે દિલ્હી અને મુંબઈ પોલીસે આ અંગે કોઈ માહિતી આપી નથી. ગુપ્તચર એજન્સીના સૂત્રના જણાવ્યા અનુસાર, સુત્રોના જણાવ્યા અનુસાર, આ મહિનાની શરૂઆતમાં અનમોલ વિરુદ્ધ બિનજામીનપાત્ર વોરંટ જારી કર્યું હતું અને હવે પોલીસે તેને પકડી લીધો છે.

મુંબઈ પોલીસે અનમોલના પ્રત્યાર્પણની પ્રક્રિયા શરૂ કરી હતી...

ઓક્ટોબરની શરૂઆતમાં અમેરિકી અધિકારીઓએ ભારતને અનમોલની અમેરિકા (US)માં હાજરી વિશે માહિતી આપી હતી. તે પછી મુંબઈ પોલીસે પ્રતિક્રિયાશીલ પગલાં લીધાં અને તેને અમેરિકા (US)થી પ્રત્યાર્પણ કરવાની તૈયારીઓ શરૂ કરી. આ માટે 16 ઓક્ટોબરે મુંબઈ પોલીસની ક્રાઈમ બ્રાન્ચે શહેરની વિશેષ અદાલતમાં ફરિયાદ નોંધાવી હતી અને બોલિવૂડ અભિનેતા સલમાન ખાનના ઘરની બહાર ફાયરિંગ કરવાના કેસમાં અનમોલના પ્રત્યાર્પણની કાર્યવાહી શરૂ કરવા જણાવ્યું હતું .

આ પણ વાંચો : મુસ્લિમો BJP ને મત નથી આપતા આ માન્યતા અહીં ખોટી પડશે, જુઓ Video

NIA એ અનમોલ પર 10 લાખ રૂપિયાનું ઈનામ જાહેર કર્યું છે...

આ વર્ષે ઓક્ટોબરના છેલ્લા સપ્તાહમાં નેશનલ ઈન્વેસ્ટિગેશન એજન્સી (NIA)એ અનમોલ પર 10 લાખ રૂપિયાનું ઈનામ જાહેર કર્યું હતું. એજન્સીના જણાવ્યા મુજબ, ભાગેડુ અનમોલ વિરુદ્ધ 18 કેસ નોંધાયેલા છે, જેમાં 2022 માં પંજાબી ગાયક સિદ્ધુ મૂઝવાલાની હત્યા કરનાર આરોપીઓને કથિત રીતે હથિયારો અને લોજિસ્ટિક્સ સપોર્ટ આપવાનો સમાવેશ થાય છે. સલમાન કેસની ચાર્જશીટમાં અનમોલને વોન્ટેડ આરોપી ગણાવવામાં આવ્યો છે. તેની સામે રેડ કોર્નર નોટિસ (RCN) પણ જારી કરવામાં આવી છે.

મુંબઈ ક્રાઈમ બ્રાન્ચે પણ પ્રત્યાર્પણની માંગણી કરી હતી...

ગયા મહિને, મુંબઈ પોલીસની ક્રાઈમ બ્રાન્ચે સ્પેશિયલ મહારાષ્ટ્ર કંટ્રોલ ઑફ ઓર્ગેનાઈઝ્ડ ક્રાઈમ એક્ટ (MCOCA) કોર્ટમાં અરજી દાખલ કરી હતી કે તે ભાગેડુ ગુનેગાર અનમોલ બિશ્નોઈના પ્રત્યાર્પણની પ્રક્રિયા શરૂ કરવા માંગે છે.

આ પણ વાંચો : Supreme Court નો મોટો નિર્ણય, દિલ્હી-NCR માં 12 મી સુધીની શાળાઓ બંધ