iPhone 17 નું નવું મોડેલ ટૂંક સમયમાં માર્કેટમાં આવશે, જાણો સસ્તામાં સારું શું હશે

• આઇફોન 17 નું E મોડેલ ટૂંક સમયમાં લોન્ચ કરવામાં આવનાર છે
• આઇફોન હવે તમામ મોડેલ્સ એક સાથે નહીં કરવાની સ્ટ્રેટર્જી અપવાની રહી છે
• E મોડેલ કિફાયતકી કિંમત સાથે યુઝર્સને સારા ફીચર્ચ આપે છે

iPhone 17 News Model Launch : એપલ પ્રોડક્ટ્સના ચાહકો માટે સારા સમાચાર છે. અહેવાલ મુજબ, એપલનો બજેટ-ફ્રેન્ડલી સ્માર્ટફોન, iPhone 17e, ફેબ્રુઆરી 2026 માં લોન્ચ થઈ શકે છે. તેની ઓછી કિંમત હોવા છતાં, તેમાં ફ્લેગશિપ iPhone 17 જેવા જ કેમેરા ફીચર્સ હોવાની અપેક્ષા છે. લીક થયેલી માહિતીમાં દાવો કરવામાં આવ્યો છે કે, iPhone 17e માં એક નવું સેલ્ફી સેન્સર હશે, જે ફોટો ગુણવત્તામાં વધુ સુધારો કરશે.

iPhone 17e કેમેરા અપગ્રેડ

વિશ્લેષક જેફના મતે, iPhone 17e માં iPhone 17 મોડેલ જેવો જ સેલ્ફી કેમેરા હશે. એપલે આ વર્ષે સ્ટાન્ડર્ડ iPhone 17 માં અગાઉના 12-મેગાપિક્સલના ફ્રન્ટ કેમેરાને 18MP સેલ્ફી સેન્સરથી બદલ્યો છે. જેફનું કહેવું છે કે, એપલના સસ્તા સ્માર્ટફોન, iPhone e મોડેલમાં પણ એ જ 18-મેગાપિક્સલ કેમેરાનો સમાવેશ કરવામાં આવશે. iPhone 17e માં આ 18MP સેન્સર ફોનને ફેરવ્યા વિના વર્ટિકલ અને હોરિઝોન્ટલ સેલ્ફી લઈ શકશે. વધુમાં, iPhone 17e માં નવી A19 ચિપ, ડાયનેમિક આઇલેન્ડ ડિઝાઇન અને હાર્ડવેર અપગ્રેડ હોઈ શકે છે.

સંભવિત સ્પેસિફિકેશન

લીક્સ અનુસાર, iPhone 17e માં 6.1-ઇંચનો OLED ડિસ્પ્લે હશે, જેનો રિફ્રેશ રેટ 60Hz હશે, જે અગાઉ જેવો જ હશે. તેનો સિંગલ 48-મેગાપિક્સલનો રીઅર કેમેરા પણ યથાવત રહેવાની અપેક્ષા છે. જો કે, કેમેરા પ્રદર્શનમાં કેટલાક સુધારાની અપેક્ષા છે. તેમાં 4,000 mAh બેટરી અને 20-વોટ વાયર્ડ ફાસ્ટ ચાર્જિંગ હોઈ શકે છે. જો કે, બધા Apple ઉત્પાદનોની જેમ, કંપની લોન્ચ સમયે iPhone 17e ની સંપૂર્ણ સુવિધાઓ જ જાહેર કરશે.

આ પણ વાંચો ------  ક્રિકેટર મહેન્દ્રસિંઘ ધોનીની સ્વાસ્થ્ય ક્ષેત્રે નવી ઇનિંગની શરૂઆત, જાણો શું છે ખાસ