અરૂણાચલની મહિલાનો ભારતીય પાસપોર્ટ ચાઇનાએ અમાન્ય ગણતા વિવાદ, જાણો શું છે મામલો

• ચીનની વધુ એક વખત અવળચંડાઇ સામે આવી
• અરૂણાચલને આડકતરી રીતે પોતાનો હિસ્સો ગણાવ્યો
• તાજેતરમાં બંને દેશોએ પોતાના સંબંધો સુધારવા માટે અનેક પ્રયત્નો કર્યા છે

A Woman From Arunachal Pradesh Detained In China : અરુણાચલ પ્રદેશની રહેવાસી પેમા વાંગ થોંગડોકે સોશિયલ મીડિયા પ્લેટફોર્મ X પર ખુલાસો કર્યો કે, 21 નવેમ્બરના રોજ શાંઘાઈ પુડોંગ આંતરરાષ્ટ્રીય એરપોર્ટ પર ચીની ઇમિગ્રેશન અધિકારીઓ દ્વારા તેમને લગભગ 18 કલાક સુધી અટકાયતમાં રાખવામાં આવી હતી (Pema Wang Thongdok Detained By Chinese Authority), અને ત્રાસ આપવામાં આવ્યો હતો. ભારતે આ ઘટનાનો કડક જવાબ આપ્યો છે. સૂત્રોના જણાવ્યા અનુસાર, આ ઘટના પછી તરત જ ભારતે બેઇજિંગ અને નવી દિલ્હીમાં ચીની પક્ષ સમક્ષ કડક વિરોધ નોંધાવ્યો હતો, તેમને શિકાગો-મોન્ટ્રીયલ સંમેલનની યાદ અપાવી હતી.

શું છે આખો મામલો ?

મહિલાના (Pema Wang Thongdok Detained By Chinese Authority) આરોપ અનુસાર, અધિકારીઓએ તેમના ભારતીય પાસપોર્ટને અમાન્ય જાહેર કર્યો હતો, અને તેને રોકી રાખી હતી, અને દાવો કર્યો હતો કે, તેમનું જન્મસ્થળ, અરુણાચલ પ્રદેશ, ચીનનો ભાગ છે, જેનાથી તે અમાન્ય બની ગયું હતું. આ પછી, શાંઘાઈમાં ભારતીય કોન્સ્યુલેટે પણ સ્થાનિક સ્તરે સખત વિરોધ કર્યો હતો, અને ફસાયેલા ભારતીય નાગરિકને શક્ય તમામ સહાય પૂરી પાડી હતી.

વિશ્વમાં ગમે ત્યાં મુસાફરી કરી શકે છે

સૂત્રો જણાવે છે કે, ભારતે સ્પષ્ટપણે જણાવ્યું હતું કે, મહિલા મુસાફરને સંપૂર્ણપણે હાસ્યાસ્પદ અને પાયાવિહોણા આધારો પર અટકાયતમાં લેવામાં આવી હતી (Pema Wang Thongdok Detained By Chinese Authority). અરુણાચલ પ્રદેશ નિઃશંકપણે ભારતનો અભિન્ન ભાગ છે, અને તેના રહેવાસીઓ સંપૂર્ણ અધિકારો સાથે ભારતીય પાસપોર્ટ ધરાવે છે, અને તેમની સાથે વિશ્વમાં ગમે ત્યાં મુસાફરી કરી શકે છે. સૂત્રોના જણાવ્યા અનુસાર, એ વાત પર પણ ભાર મૂકવામાં આવ્યો હતો કે, ચીની અધિકારીઓનું આ પગલું શિકાગો કન્વેન્શન અને મોન્ટ્રીયલ કન્વેન્શન જેવા આંતરરાષ્ટ્રીય નાગરિક ઉડ્ડયન કરારોનું ખુલ્લેઆમ ઉલ્લંઘન છે.

લંડનથી જાપાન મુસાફરી કરતી હતી મહિલા

યુકેમાં રહેતી અરુણાચલ પ્રદેશની મૂળની એક મહિલાએ (Pema Wang Thongdok Detained By Chinese Authority) ગંભીર આરોપ લગાવ્યા છે કે, ચીની ઇમિગ્રેશન અધિકારીઓએ ચીનના શાંઘાઈ એરપોર્ટ પર પરિવહન દરમિયાન તેના ભારતીય પાસપોર્ટને ઓળખવાનો ઇનકાર કર્યો હતો, અને તેને લગભગ 18 કલાક સુધી અટકાયતમાં રાખી હતી. પ્રેમા વાંગજોમ થોંગડોક નામની આ મહિલા 21 નવેમ્બર, 2025 ના રોજ લંડનથી જાપાન જઈ રહી હતી. શાંઘાઈમાં તેનો ટ્રાન્ઝિટ સ્ટોપ ફક્ત ત્રણ કલાકનો હતો, પરંતુ તે એક ભયાનક અનુભવમાં ફેરવાઈ ગયો, જ્યારે ચીની અધિકારીઓએ તેના પાસપોર્ટને ફક્ત એટલા માટે અમાન્ય જાહેર કર્યો કારણ કે, તેમાં અરુણાચલ પ્રદેશને તેનું જન્મસ્થળ તરીકે સૂચિબદ્ધ કરવામાં આવ્યું હતું.

અરુણાચલ પ્રદેશના લોકોનું સીધું અપમાન

પ્રેમાએ (Pema Wang Thongdok Detained By Chinese Authority) સમજાવ્યું કે, માન્ય જાપાની વિઝા હોવા છતાં, તેનો પાસપોર્ટ જપ્ત કરવામાં આવ્યો હતો અને તેને જાપાનની કનેક્ટિંગ ફ્લાઇટમાં ચઢવાની મંજૂરી આપવામાં આવી ન હતી. ઘણા પ્રયત્નો પછી, તેણીએ યુકેમાં રહેતા એક મિત્ર દ્વારા શાંઘાઈમાં ભારતીય કોન્સ્યુલેટનો સંપર્ક કર્યો. ભારતીય કોન્સ્યુલેટના અધિકારીઓએ તે રાત્રે મોડી રાત્રે બીજી ફ્લાઇટમાં પાછા ફરવામાં મદદ કરી. ત્યારબાદ પ્રેમાએ વડા પ્રધાન નરેન્દ્ર મોદી, વિદેશ પ્રધાન અને અન્ય વરિષ્ઠ અધિકારીઓને પત્ર લખીને આ ઘટનાને "ભારતની સાર્વભૌમત્વ અને અરુણાચલ પ્રદેશના લોકોનું સીધું અપમાન" ગણાવી.

આ પણ વાંચો ------ Elon Musk ના બ્રેઇન ચાઇલ્ડ DOGE ડિપાર્ટમેન્ટના પાટિયા પડ્યા