Asia Cup 2023 : IND Vs PAK મેચ પર ગૌતમ ગંભીરનની આકરી પ્રતિક્રિયા, કહ્યું- 'મેદાનની બહાર દોસ્તી બતાવો...'
એશિયા કપમાં શનિવારે (2 સપ્ટેમ્બર) ભારત અને પાકિસ્તાન વચ્ચે મેચ રમાઈ હતી. વરસાદના કારણે આ મેચ પૂર્ણ થઈ શકી ન હતી. આ મેચમાંથી આવા ઘણા દ્રશ્યો સામે આવ્યા, જ્યાં ખેલાડીઓ અન્ય ટીમના ખેલાડીઓને ગળે લગાવતા અને તેમના પ્રદર્શનની પ્રશંસા કરતા જોવા મળ્યા. ટીમ ઈન્ડિયાના પૂર્વ ક્રિકેટર ગૌતમ ગંભીરે આ અંગે આકરી પ્રતિક્રિયા વ્યક્ત કરી છે. ગંભીરે કહ્યું કે, ખેલાડીઓએ મેચ દરમિયાન મિત્રતા ન રાખવી જોઈએ, બલ્કે તેમની નજરમાં અન્ય ટીમ સામે આક્રમકતા હોવી જોઈએ.
ગંભીરે એક ઈન્ટરવ્યૂમાં કહ્યું કે, 'અમારા સમયમાં એવું નથી થયું કે મેચ દરમિયાન ખેલાડીઓ વિરોધી ટીમના ખેલાડીઓને ગળે લગાવે, ખભા પર હાથ મૂકે. આ બધું વધુ ફ્રેન્ચાઈઝી ક્રિકેટના કારણે થઈ રહ્યું છે. મેચ દરમિયાન તમારી આંખોમાં આક્રમકતા હોવી જોઈએ કારણ કે તે સમયે તમે તમારા દેશનું પ્રતિનિધિત્વ કરી રહ્યા છો અને તમારા દેશને જીત અપાવવા માટે શ્રેષ્ઠ પ્રયાસ કરી રહ્યા છો. ગંભીરે આગળ કહ્યું, 'મેચના 6-7 કલાક પછી, તમે ગમે તેટલી મિત્રતા જાળવી રાખો, તમે કેટલી વાત કરો... પરંતુ તે 6-7 કલાક ખૂબ જ મહત્વપૂર્ણ છે કારણ કે તે સમયે તમે માત્ર ભારતીય ટીમની જ જર્સી પહેરતા નથી, પરંતુ 140 કરોડ લોકોનું પ્રતિનિધિત્વ પણ કરી રહ્યા છે.
હરિસ ઈશાનને 'એટિટ્યુડ' બતાવે છે
ભારત-પાકિસ્તાન મેચ દરમિયાન એક સીન પણ જોવા મળ્યો જેમાં પાકિસ્તાની બોલર હરિસ રઉફે ઈશાન કિશન સામે આક્રમકતા બતાવી. વાસ્તવમાં, હરિસે ઈશાન (82)ને 38મી ઓવરના ત્રીજા બોલ પર બાબરના હાથે કેચ આઉટ કરાવ્યો હતો. આ પછી હરિસે ઈશાનને આંગળી બતાવીને પેવેલિયનનો રસ્તો બતાવ્યો. આ વલણને કારણે હરિસ સોશિયલ મીડિયા પર ઘણો ટ્રોલ થયો હતો.
એશિયા કપમાં ભારત અને પાકિસ્તાન વચ્ચેની મેચ વરસાદના કારણે રદ કરવામાં આવી હતી. તે મેચમાં ટીમ ઈન્ડિયાએ 48.5 ઓવરમાં 266 રન બનાવ્યા હતા. ભારતની શરૂઆત એટલી સારી નહોતી રહી અને તેણે 66 ના સ્કોર પર 4 વિકેટ ગુમાવી દીધી હતી. આ પછી ઈશાન અને હાર્દિકે પાંચમી વિકેટ માટે 138 રનની ભાગીદારી કરીને ટીમને મુશ્કેલીમાંથી ઉગારી હતી.
ભારત તરફથી હાર્દિક પંડ્યાએ સૌથી વધુ રન બનાવ્યા હતા. તેણે 90 બોલમાં 7 ચોગ્ગા અને એક છગ્ગાની મદદથી 87 રનની ઇનિંગ રમી હતી. હાર્દિક અને ઈશાન સિવાય કોઈ પણ ભારતીય બેટ્સમેન ખાસ સારું પ્રદર્શન કરી શક્યો નહોતો. હાર્દિક-ઈશાન પછી સૌથી વધુ રન બનાવનાર બેટ્સમેન જસપ્રિત બુમરાહ હતો. બુમરાહે 14 બોલમાં 16 રન બનાવ્યા હતા. પાકિસ્તાન તરફથી શાહીન આફ્રિદીએ સૌથી વધુ 4 વિકેટ લીધી હતી. તેણે શરૂઆતમાં જ રોહિત અને વિરાટની વિકેટ લઈને ભારતીય બેટિંગની કમર તોડી નાખી હતી. શાહીન સિવાય હરિસ રઉફ અને નસીમ શાહે 3-3 વિકેટ લીધી હતી.
આ પણ વાંચો : INDIA vs Nepal મેચમાં વરસાદ પડ્યો તો ? શું ટીમ ઈન્ડિયા પહોંચશે સુપર-4 માં ?