Bangladesh : શેખ હસીના, રેહાના અને બાળકોની તાત્કાલિક ધરપકડ કરો, કોર્ટે વોરંટ જારી કર્યું

• શેખ હસીના વિરુદ્ધ ધરપકડ વોરંટ જારી
• બાંગ્લાદેશની એક કોર્ટે આદેશ જારી કર્યો
• આ વર્ષે ભ્રષ્ટાચારનો કેસ દાખલ થયો હતો

બાંગ્લાદેશની એક કોર્ટે (Bangladesh court) ભૂતપૂર્વ વડા પ્રધાન શેખ હસીના (Sheikh Hasina), તેમની બહેન શેખ રેહાના (Sheikh Rehana) રેહાનાના બાળકો રદવાન મુજીબુર સિદ્દીક બોબી અને આઝમીના સિદ્દીક, બ્રિટિશ સાંસદ ટ્યૂલિપ રિઝવાના સિદ્દીક અને અન્ય 48 લોકો સામે ધરપકડના આદેશ જારી કર્યા છે. રાજધાની ઢાકાની એક કોર્ટે રાજકીય શક્તિનો દુરુપયોગ કરીને રાજુક પાસેથી 30 કાઠા જમીન ગેરકાયદેસર રીતે સંપાદન કરવાના આરોપમાં આ બધા લોકો સામે ધરપકડ વોરંટ જારી કર્યું છે. બાંગ્લાદેશી મીડિયા અહેવાલો અનુસાર ઢાકા મેટ્રોપોલિટનના સિનિયર સ્પેશિયલ જજ ઝાકિર હુસૈન ગાલિબે ભ્રષ્ટાચાર વિરોધી આયોગ (ACC) દ્વારા દાખલ કરાયેલી ત્રણ અલગ-અલગ ચાર્જશીટની નોંધ લીધી અને કોર્ટમાં ગેરહાજરી બદલ આરોપીઓ માટે ધરપકડ વોરંટ જારી કર્યા.

ઢાકા ટ્રિબ્યુનના અહેવાલ મુજબ, આ નિર્ણય એક જૂના અને સંવેદનશીલ કેસમાં આવ્યો છે, જેણે સરકારમાં જ હલચલ મચાવી નથી, પરંતુ શેખ હસીનાના વિરોધીઓને એક નવું રાજકીય હથિયાર પણ આપ્યું છે. ACC ના સહાયક નિયામક (પ્રોસિક્યુશન) અમીનુલ ઇસ્લામે કેસની પુષ્ટિ કરી અને કહ્યું કે કોર્ટે ધરપકડના આદેશોના નિકાલ અંગેના અહેવાલની સમીક્ષા માટે 27 એપ્રિલની તારીખ નક્કી કરી છે. અગાઉ, 10 એપ્રિલના રોજ, આ જ કોર્ટે રાજુક પ્લોટ ફાળવણી સંબંધિત એક અલગ ભ્રષ્ટાચાર કેસમાં શેખ હસીના, તેમની પુત્રી સાયમા વાઝેદ પુતુલ અને 16 અન્ય લોકો સામે ધરપકડ વોરંટ જારી કર્યું હતું.

આ પણ વાંચોઃ USA : H-1B વિઝા હોય કે ગ્રીન કાર્ડ, 24x7 આ દસ્તાવેજો સાથે રાખવા પડશે... અમેરિકામાં ઇમિગ્રન્ટ્સ માટે નવો નિયમ લાગુ

શેખ હસીના (Sheikh Hasina)ભારતમાં રહે છે

તમને જણાવી દઈએ કે આ વર્ષે 13 જાન્યુઆરીએ ACCના ડેપ્યુટી ડિરેક્ટર સલાહુદ્દીને શેખ રેહાના વિરુદ્ધ પૂર્વાંચલ ન્યુ ટાઉન પ્રોજેક્ટમાં 10 કાઠાનો પ્લોટ મેળવવા માટે પોતાની સત્તાનો દુરુપયોગ કરવાનો આરોપ લગાવીને કેસ દાખલ કર્યો હતો. આ કેસમાં 15 આરોપીઓના નામ હતા, જેમાં શેખ હસીના (Sheikh Hasina) અને ટ્યૂલિપ રિઝવાના સિદ્દીકીનો સમાવેશ થાય છે. તપાસ બાદ, ACC ના સહાયક નિર્દેશક અફનાન જન્નત કેયાએ 10 માર્ચે 17 વ્યક્તિઓ વિરુદ્ધ ચાર્જશીટ દાખલ કરી, જેમાં વધુ બે નામ ઉમેરવામાં આવ્યા. બીજા એક કેસમાં, અફનાન જન્નત કેયાએ પણ પૂર્વાંચલમાં 10 કઠાના પ્લોટ હસ્તગત કરવામાં આવી જ ગેરરીતિઓ બદલ આઝમીના સિદ્દીકી વિરુદ્ધ ચાર્જશીટ દાખલ કરી હતી. આ કેસમાં શરૂઆતમાં ટ્યૂલિપ સિદ્દીક અને શેખ હસીના (Sheikh Hasina) સહિત ૧૬ આરોપીઓના નામ હતા, પરંતુ ૧૦ માર્ચે દાખલ કરાયેલી અંતિમ ચાર્જશીટમાં ૧૮ લોકોના નામ હતા.

આ પણ વાંચોઃ Myanmar Earthquake: મ્યાનમારમાં વહેલી સવારે ફરી જોરદાર ભૂકંપ, લોકો ઘર છોડીને ભાગ્યા

તમને જણાવી દઈએ કે ગયા વર્ષે હિંસક વિરોધ પ્રદર્શન બાદ શેખ હસીના (Sheikh Hasina) ની સરકાર ઉથલાવી દેવામાં આવી હતી. જે બાદ શેખ હસીના ગયા વર્ષે 5 ઓગસ્ટના રોજ ભારત ભાગી ગઈ હતી. ત્યારથી તે ભારતમાં રહે છે. હાલમાં મુહમ્મદ યુનુસના નેતૃત્વ હેઠળની બાંગ્લાદેશની વચગાળાની સરકારે શેખ હસીનાને સોંપવાની ઔપચારિક વિનંતી કરી છે. જોકે, ભારત શેખ હસીનાને બાંગ્લાદેશને સોંપે તેવી શક્યતા ઓછી છે. બાંગ્લાદેશમાં શેખ હસીના વિરુદ્ધ હત્યા સહિત અનેક અન્ય કેસ નોંધાયેલા છે

આ પણ વાંચોઃ અહો આશ્ચર્યમ !!! જ્યોર્જીયામાં હિન્દુફોબિયા વિરુદ્ધ બિલ રજૂ થયું