MNREGA Scam માં ધડાધડ કાર્યવાહી, 21 કર્મીઓને છુટ્ટા કરાયા
- મનરેગા કૌભાંડમાં એક પછી એક કાર્યવાહીનો દોર ચાલુ
- આજે કરાર આધારિત કર્મચારીઓ પર કડક કાર્યવાહી કરાઇ
- આ કૌભાંડનો રેલો અનેક લોકો સુધી જવાની શક્યતા
MNREGA Scam : આમોદ, જંબુસર, હાંસોટ તાલુકામાં અત્યંત ચકચારી એવું મનરેગા કૌભાંડ (MNREGA Scam) આચરવામાં આવ્યું હતું. આ કૌભાંડમાં હવે સરકારી કર્મચારીઓ પર તવાઇ આવી છે. હાલની સ્થિતીએ કરાર આધારિત 21 કર્મચારીઓને સેવામાંથી છુટ્ટા કરી દેવામાં આવ્યા છે. સાથે જ 2 કર્મચારીઓના રાજીનામાં મંજુર કરી દેવામાં આવ્યા છે. તમામે ફરજમાં બેદરાકરી દાખવવાની સાથે પોતાની જવાબદારીઓનું યોગ્ય વહન કર્યું ન્હતું. જેથી વહીવટી તંત્ર દ્વારા આકરા પગલાં લેવામાં આવ્યા છે. અત્રે નોંધનીય છે કે, મનરેગા કૌભાંડમાં કોંગ્રેસના પૂર્વ ધારાસભ્ય હીરા જોટવા (Hira Jotawa) ની ધરપકડ કરાઈ છે. આ ઉપરાંત હાંસોટ તાલુકા પંચાયતના ઓપરેટરની પણ ધરપકડ થઇ છે. મનરેગા યોજના હેઠળ સ્થળ ઉપર કામ કરાવ્યા વિના જ બિલો રજૂ કરીને 7 કરોડ 30 લાખની છેતરપિંડી કરાઈ હતી.
અનેક અધિકારી પર તવાઇના એંધાણ
ભરુચ જિલ્લાના આમોદ, જંબુસર, હાંસોટ તાલુકામાં મનરેગા યોજના હેઠળ સ્થળ ઉપર કામ કરાવ્યા વિના જ બિલો રજૂ કરીને 7 કરોડ 30 લાખ કરોડ રુપિયાનું કૌભાંડ આચરવામાં આવ્યું છે. આ કોંભાડમાં અત્યાર સુધી કોંગ્રેસના પૂર્વ ધારાસભ્ય હીરા જોટવાની ધરપકડ કરાઈ છે. હીરા જોટવા (Hira Jotawa) ની ધરપકડ બાદ હવે હાંસોટ તાલુકા પંચાયતના ઓપરેટરની પણ ધરપકડ થઈ શકે છે. આ ઉપરાંત સમગ્ર મનરેગા યોજના કૌભાંડમાં અનેક સરકારી અધિકારીઓની ધરપકડ થઈ શકે તેવા એંધાણ છે. આ કૌભાંડ સંદર્ભે મુરલીધર એન્ટરપ્રાઈઝ અને જલારામ એન્ટરપ્રાઈઝના પ્રોપરાઈટર સામે ફરિયાદ થઈ હતી. કરાર આધારિત આઉટસોર્સ કર્મચારી વિરુદ્ધ પણ ફરિયાદ નોંધાઈ છે. કામ થયું ન હોય તેના પણ રૂપિયા સીધા ચૂકવી દેવામાં આવ્યા હોવાના સમાચાર ફેલાતા જ ચકચાર મચી ગઈ હતી. ભરુચના 56 ગામો સુધી મનરેગા કૌભાંડની તપાસનો રેલો પહોંચ્યો છે.
35 એજન્સીઓ સામે નામજોગ ગુનો
ભરુચ જિલ્લાના અત્યંત ચકચારી મનરેગા કૌભાંડમાં પંચાયતના જવાબદાર અધિકારીઓ દ્વારા તપાસ બાદ વચગાળાના અહેવાલના આધારે રિપોર્ટ તૈયાર કરવામાં આવ્યો હતો. આ બાદ પોલીસે ડીઆરડીએ નિયામકની ફરિયાદના આધારે દેવગઢ બારીયાની 28 તેમજ ધાનપુર તાલુકાની 7 મળી માલ સપ્લાય કરતી કુલ 35 એજન્સીઓ સામે રકમ સહિત નામજોગ ગુનો દાખલ કરતા સમગ્ર જિલ્લાભરમાં ખળભળાટ મચી જવા પામ્યો છે.
આ પણ વાંચો ---- SURAT : રૂ. 100 કરોડના USDT અને હવાલાકાંડની તપાસમાં ED ની એન્ટ્રી