Bihar ના Mahua માં પ્રચાર કરવા અંગે તેજપ્રતાપની તેજસ્વીને ધમકી, કહ્યું કે, 'મારા વિરૂદ્ધ પ્રચાર કર્યો તો..!'
- બિહારની ચૂંટણીમાં બે ભાઇઓ આમને-સામને આવ્યા
- પાર્ટીમાંથી હાંકી કઢાયેલા તેજ પ્રતાપે, તેજસ્વી યાદવને આપી ધમકી
- લાલુ પ્રસાદ યાદવના પરિવારમાં ચૂંટણી બાદ ઘણી ફાટફૂટ જોવા મળી છે
Bihar Election : આગામી સમયમાં યોજાનારી બિહાર વિધાનસભાની ચૂંટણીની (Bihar Election - 2025) તારીખો જાહેર થઈ ગઈ છે. રાજ્યની 243 વિધાનસભા બેઠકો માટે 6 અને 11 નવેમ્બરના રોજ બે તબક્કામાં ચૂંટણી યોજાશે. ચૂંટણી પંચે જાહેરાત કરી છે કે, પરિણામો 14 નવેમ્બરના રોજ જાહેર કરવામાં આવશે. બિહાર ચૂંટણીમાં સૌથી વધુ ચર્ચિત બેઠકોમાંની એક મહુઆ વિધાનસભા (Bihar Election - Mahua Seat) બેઠક છે. લાલુ પ્રસાદ યાદવના મોટા પુત્ર તેજ પ્રતાપ યાદવ (Tej Pratap Yadav) આ બેઠક પરથી ચૂંટણી લડી રહ્યા છે. નોંધનીય છે કે, લાલુ યાદવે (Lalu Yadav) તાજેતરમાં જ તેજ પ્રતાપને આરજેડી પાર્ટી અને પરિવારમાંથી હાંકી કાઢ્યા હતા. પરિણામે, તેજ પ્રતાપે એક નવી પાર્ટી, જનશક્તિ જનતા દળ (Janshakti Janta Dal) બનાવી છે, અને તે તેમના ભાઈ તેજસ્વી યાદવ (Tejashwi Yadav) સામે ચૂંટણી લડી રહ્યા છે. તેજ પ્રતાપ પોતે મહુઆ બેઠક પરથી ચૂંટણી લડી રહ્યા છે. હવે, મહુઆ ચૂંટણી અંગે, તેજ પ્રતાપ યાદવે તેમના ભાઈ અને આરજેડી નેતા તેજસ્વી યાદવને એક મહત્વપૂર્ણ ચેતવણી આપી છે.
View this post on Instagram
તેજ પ્રતાપ યાદવે શું કહ્યું?
તેજ પ્રતાપ યાદવ રાત્રે પણ મહુઆમાં પ્રચાર કરી રહ્યા છે. આ દરમિયાન, તેજ પ્રતાપ યાદવે (Tej Pratap Yadav Threat) આરજેડી નેતા તેજસ્વી યાદવને પડકાર ફેંકતા કહ્યું, "જો તેજસ્વીમાં હિંમત હોય, તો તેમણે લાલુ પ્રસાદ યાદવ અને તેમની પાર્ટીના પડછાયાથી બહાર નીકળીને ચૂંટણી લડવી જોઈએ." તેજ પ્રતાપે તેજસ્વીને ચેતવણી પણ આપી. તેમણે કહ્યું, "જો તેજસ્વી યાદવ મારા વિરુદ્ધ પ્રચાર કરવા મહુઆ આવશે, તો હું પણ રાઘોપુર જઈશ." તેજસ્વી યાદવ બિહારની રાઘોપુર બેઠક પરથી ચૂંટણી લડી રહ્યા છે.
અમને શું વાંધો છે ?
તેજ પ્રતાપ યાદવને તેમની બહેન મીસા ભારતીનો (Misa Bharti) આશીર્વાદ મળ્યો છે. મીસા ભારતી અંગે, તેજ પ્રતાપે કહ્યું, "મીસા દીદી તેમની પાર્ટી સાથે જોડાયેલા છે, અને મારી પાર્ટી પણ. મેં નોમિનેશનના દિવસે મારી દાદીનો ફોટો મારી સાથે લીધો હતો. હું નોમિનેશનના દિવસે ઘરે ગયો ન્હતો, અને મારા વિશે અફવાઓ ફેલાવવામાં આવી હતી." તેજસ્વીને મહાગઠબંધનનો મુખ્યમંત્રી ચહેરો જાહેર કરવા અંગે, તેજ પ્રતાપે કહ્યું, "જો તેજસ્વી મુખ્યમંત્રી પદના ઉમેદવાર બને તો અમને શું વાંધો છે? અમે અમારા કામમાં વ્યસ્ત છીએ."
મહુઆમાં બેઠક પરના ઉમેદવારો આ રહ્યા
મહુઆ બેઠક પર ચાર મુખ્ય ઉમેદવારો વચ્ચે જોરદાર મુકાબલો જોવા મળી રહ્યો છે. તેજ પ્રતાપ યાદવ જનશક્તિ જનતા દળ તરફથી ચૂંટણી લડી રહ્યા છે. સંજય કુમાર સિંહ NDAના ઘટક પક્ષ LJP (રામ વિલાસ) વતી મહુઆથી ચૂંટણી લડી રહ્યા છે. મહાગઠબંધનના ઘટક પક્ષ RJD એ આ બેઠક પરથી મુકેશ કુમાર રોશનને ટિકિટ આપી છે. પ્રશાંત કિશોરની જન સૂરજ પાર્ટી, જે પહેલીવાર ચૂંટણી લડી રહી છે, તેણે આ બેઠક પરથી ઇન્દ્રજીત પ્રધાનને ટિકિટ આપી છે. બિહાર વિધાનસભા ચૂંટણીના પ્રથમ તબક્કામાં મહુઆ મતવિસ્તારમાં મતદાન 6 નવેમ્બરે થશે.
આ પણ વાંચો ------ Shocking : ડ્રગ્સના નશામાં પિતા બન્યો હેવાન! 14 વર્ષની પુત્રીને પીંખી નાખી