UP : આ બેઠક પર મુલાયમસિંહના પરિવાર વચ્ચે થશે ખરાખરીનો જંગ

• ઉત્તર પ્રદેશની નવ વિધાનસભા બેઠકો પર યોજાનારી પેટાચૂંટણી
• ભારતીય જનતા પાર્ટીએ સાત બેઠકો માટે ઉમેદવારોની જાહેરાત કરી
• ભાજપે મૈનપુરીની કરહલ સીટ પર સપા સુપ્રીમો અખિલેશ યાદવના જીજાજી અનુજેશ યાદવને મેદાનમાં ઉતાર્યા
• અનુજેશ યાદવ મુલાયમ પરિવારના જમાઈ

UP By Elections : ઉત્તર પ્રદેશની નવ વિધાનસભા બેઠકો પર યોજાનારી પેટાચૂંટણી (UP By Elections) માટે ભારતીય જનતા પાર્ટીએ સાત બેઠકો માટે ઉમેદવારોની જાહેરાત કરી છે. ભાજપે મૈનપુરીની કરહલ સીટ પર સપા સુપ્રીમો અખિલેશ યાદવના જીજાજી અનુજેશ યાદવને મેદાનમાં ઉતાર્યા છે. આ બેઠક પરથી સપા પ્રમુખ અખિલેશ યાદવે રાજીનામું આપ્યું હતું. અનુજેશને મેદાનમાં ઉતારીને ભાજપે આ સીટ પર મુલાયમ પરિવાર વચ્ચે સ્પર્ધા ઊભી કરી છે કારણ કે અખિલેશ યાદવે તેમના ભત્રીજા અને મૈનપુરીના પૂર્વ સાંસદ તેજ પ્રતાપ યાદવને આ સીટ પર ટિકિટ આપી છે.

અનુજેશ યાદવ મુલાયમ પરિવારના જમાઈ

અનુજેશ યાદવ મુલાયમ પરિવારના જમાઈ છે. તેઓ મુલાયમ સિંહ યાદવના ભાઈ અભયરામ યાદવની પુત્રી સંધ્યા યાદવના પતિ છે. સંધ્યા યાદવ આઝમગઢના સાંસદ ધર્મેન્દ્ર યાદવની બહેન છે. સંધ્યા યાદવ મુલાયમ પરિવારની પ્રથમ પુત્રી છે, જેણે રાજકારણમાં પ્રવેશ કર્યો હતો. એટલું જ નહીં, તે મૈનપુરીની જિલ્લા પંચાયત પ્રમુખ પણ રહી ચૂકી છે. સંધ્યા અને અનુજેશને સમાજવાદી પાર્ટીમાંથી હાંકી કાઢવામાં આવ્યા હતા, ત્યારબાદ બંને ભાજપમાં જોડાયા હતા.

આ પણ વાંચો---UP by Election : ભાજપે 7 ઉમેદવારોની યાદી જાહેર કરી, જાણો અખિલેશની બેઠક પરથી કોણ લડશે ચૂંટણી

BJP releases a list of candidates for the upcoming Assembly b-elections in Rajasthan and Uttar Pradesh. pic.twitter.com/yGcLhm0FMD

— ANI (@ANI) October 24, 2024

અનુજેશની માતા ઉર્મિલા ઘિરોરથી ધારાસભ્ય રહી ચૂકી છે

લોકસભા ચૂંટણી દરમિયાન એવી ચર્ચા હતી કે ભાજપ મુલાયમ પરિવારના કોઈ સભ્યને ડિમ્પલ યાદવની સામે મેદાનમાં ઉતારી શકે છે. જેમાં બે નામો આગળ ચાલી રહ્યા હતા. પહેલું નામ અપર્ણા યાદવનું હતું, જે મુલાયમ પરિવારની વહુ છે. તે મુલાયમ સિંહ યાદવના નાના પુત્ર પ્રતીક યાદવની પત્ની છે. જ્યારે બીજું નામ અનુજેશ યાદવ હતું. અનુજેશે મૈનપુરીમાં યોજાયેલી પેટાચૂંટણીમાં સમાજવાદી પાર્ટી વિરુદ્ધ પ્રચાર પણ કર્યો હતો. જોકે બાદમાં યુપી સરકારના કેબિનેટ મંત્રી જયવીર સિંહને ડિમ્પલ સામે મેદાનમાં ઉતારવામાં આવ્યા હતા, પરંતુ ભાજપ આ સીટ જીતી શક્યું ન હતું.

ભાજપે કઈ બેઠકો પર ઉમેદવારો ઉભા રાખ્યા?

કરહલ પર અનુજેશ યાદવની સાથે ભાજપે ગાઝિયાબાદ સદર પર પાર્ટીના મહાનગર અધ્યક્ષ સંજીવ શર્મા અને કુંડારકીથી રામવીર સિંહ ઠાકુરને ટિકિટ આપી છે. આ ઉપરાંત ખેર (SC) બેઠક પરથી સુરેન્દ્ર દિલેર, ફુલપુરથી દીપક પટેલ, કટેહરીથી ધરમરાજ નિષાદ અને મઝવાનથી શ્રીમતી સુચિસ્મિતા મૌર્યને ટિકિટ આપવામાં આવી છે.

આ પણ વાંચો---Cyclone Dana સામે લડવા દેશ સજ્જ, સેના પણ હાઇ એલર્ટ પર......