એક્ટ્રેસ મહિમા ચૌધરી લગ્નના જોડામાં દેખાઇ, પાપારાઝીને કહ્યું, 'મીઠાઇ ખાજો'

• મહિમા ચૌધરી લગ્નનો પોષાક પહેરીને સંજય મિશ્રા જોડે જોવા મળી
• બંનેનો લેટેસ્ટ વીડિયો સોશિયલ મીડિયામાં વાયરલ થતા લોકોએ અનુમાન લગાવ્યા
• લોકોના અનુમાનથી વિપરીત હકીકત હોવાનો ખુલાસો થવા પામ્યો છે

Mahima Chaudhry Latest Video : બોલિવૂડની અભિનેત્રી મહિમા ચૌધરી (Mahima Chaudhry Latest Video) હાલમાં તેના લેટેસ્ટ વીડિયોને કારણે ગુગલ પર ટ્રેન્ડ (Mahima Chaudhry - Trend) કરી રહી છે. તાજેતરમાં સોશિયલ મીડિયા (Social Media) પર એક ક્લિપ (Viral Clip) સામે આવી છે, જેમાં અભિનેત્રી દુલ્હનના પોશાકમાં સજ્જ જોવા મળી રહી છે. વીડિયો જોયા પછી, યુઝર્સ દ્વારા કહેવામાં આવી રહ્યું છે કે, અભિનેત્રીએ 52 વર્ષની ઉંમરે ફરીથી લગ્ન કર્યા છે. નોંધનીય છે કે, અભિનેતા સંજય મિશ્રા (Actor Sanjay Mishra) પણ મહિમા સાથે જોવા મળી રહ્યા છે. બંનેએ કેમેરા માટે સાથે પોઝ આપ્યો હતો. ત્યારબાદ અભિનેત્રીએ પાપારાઝીને કહ્યું કે, "તમે લગ્નમાં આવી શક્યા નહીં, પરંતુ પ્લીઝ જતા પહેલા મીઠાઈ ખાજો." આ વીડિયો હવે ઇન્ટરનેટ પર ભારે વાયરલ (Viral Video) થયો છે. ચાલો તેની પાછળનો રાઝ જાણવાનો પ્રયત્ન કરીએ.

 

View this post on Instagram

 

A post shared by Namaste Bollywood (@namastebollywood.in)

સત્તાવાર જાહેરાત કરવામાં આવી નથી

ખરેખર, મહિમા ચૌધરી (Mahima Chaudhry) અને સંજય મિશ્રા (Sanjay Mishra) પરિણીત નથી; તેના બદલે, આ તેમની આગામી ફિલ્મ, "दुर्लभ प्रसाद की दूसरी शादी" (Durlabh Prasad Ki Dusari Shaadi) ને પ્રમોટ (Film Promotion) કરવાનો એક માર્ગ છે. અભિનેત્રીએ દુલ્હનનો પોશાક પહેર્યો છે, જ્યારે સંજય મિશ્રા વરરાજાના લુકમાં જોવા મળી રહ્યા છે. સિદ્ધાંત રાજ દ્વારા દિગ્દર્શિત, આ ફિલ્મ ટૂંક સમયમાં સિનેમાઘરોમાં રિલીઝ થવાની છે. જોકે, નિર્માતાઓએ હજુ સુધી સત્તાવાર રિલીઝ તારીખ જાહેર કરી નથી.

બીજા લગ્નનું પ્રમાણપત્ર પણ દર્શાવાયું

નોંધનીય છે કે, થોડા દિવસો પહેલા, અભિનેત્રી મહિમા ચૌધરીએ તેના સોશિયલ મીડિયા પર ફિલ્મ "દુર્લભ પ્રસાદ કી દૂસરી શાદી" નું મોશન પોસ્ટર શેર કર્યું હતું, જેમાં સંજય મિશ્રા અને મહિમા ચૌધરી પોતપોતાની ભૂમિકામાં હતા. પોસ્ટરમાં 50 વર્ષીય પુરુષના બીજા લગ્નનું પ્રમાણપત્ર દર્શાવવામાં આવ્યું હતું. મહિમા અને સંજય ઉપરાંત, વ્યોમ અને પલક લાલવાની પણ ફિલ્મમાં જોવા મળે છે.

મહિમા ચૌધરી અને સંજય મિશ્રાનો વર્ક ફ્રન્ટ

"પરદેશ," "ધડકન," અને "ઇમર્જન્સી" જેવી ફિલ્મોમાં ભૂમિકાઓ માટે જાણીતી અભિનેત્રી મહિમા ચૌધરી છેલ્લે ખુશી કપૂર, સુનીલ શેટ્ટી અને અન્ય લોકો સાથે નેટફ્લિક્સ ફિલ્મ "નાદાનિયાં" માં જોવા મળી હતી. દરમિયાન, "મસાન" ના અભિનેતા સંજય મિશ્રા છેલ્લે ઉમેશ શુક્લા દ્વારા નિર્દેશિત "હીર એક્સપ્રેસ" માં જોવા મળ્યા હતા.

આ પણ વાંચો -----  વૈશ્વિક લોકચાહના ધરાવતા Diljit Dosanjh ને ધમકી, આ રહ્યું અમિતાભ બચ્ચન કનેક્શન