Americaમાં ગાજરથી ફેલાયો ભયનો માહોલ, સીડીસીની ગાજર અંગે ચેતવણી

• અમેરિકામાં ગાજરને લઈને ભય ફેલાયો
• ગાજર ખાવાથી એક વ્યક્તિનું મોત થયું
• 15 લોકોને હોસ્પિટલમાં દાખલ કરવામાં આવ્યા
• સમગ્ર અમેરિકાના સ્ટોરમાંથી ઓર્ગેનિક ગાજર અને બેબી ગાજર પાછા મંગાવાયા
• આ નિર્ણય અમેરિકામાં E. coli બેક્ટેરિયાના પ્રકોપને કારણે લેવામાં આવ્યો

Fear of carrots in America : ખરાબ ખોરાક શરીર માટે ખૂબ જ ખતરનાક બની શકે છે. તેનાથી શરીરને ઘણું નુકસાન થઈ શકે છે. આવો જ એક કિસ્સો અમેરિકામાં જોવા મળ્યો છે, જ્યાં ગાજર ખાવાથી એક વ્યક્તિનું મોત થયું છે અને 15 લોકોને હોસ્પિટલમાં દાખલ કરવામાં આવ્યા છે. અમેરિકામાં ગાજરને લઈને ભય ફેલાયો (Fear of carrots in America) છે, ત્યારબાદ સમગ્ર અમેરિકાના સ્ટોરમાંથી ઓર્ગેનિક ગાજર અને બેબી ગાજર પરત મંગાવવામાં આવી રહ્યા છે. વાસ્તવમાં આ નિર્ણય અમેરિકામાં E. coli બેક્ટેરિયાના પ્રકોપને કારણે લેવામાં આવ્યો છે.

સીડીસીની ગાજર અંગે ચેતવણી જારી કરી

યુ.એસ. સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) એ રવિવાર (નવેમ્બર 17) ના રોજ તે ગાજરો સામે ચેતવણી જાહેર કરી હતી જેને ગ્રીમવે ફાર્મ્સ દ્વારા મોટા સુપરમાર્કેટમાં વેચવામાં આવ્યા હતા. સીડીસીએ પોતાના નિવેદનમાં કહ્યું કે અમેરિકાના 18 રાજ્યોમાં અત્યાર સુધીમાં ગાજર સંબંધિત ઈ. કોલી ચેપના 39 કેસ નોંધાયા છે. ત્યારથી, સીડીસીએ લોકોને ગાજર ન ખાવાની ચેતવણી આપી છે. સીડીસીએ કહ્યું કે અસરગ્રસ્ત ગાજર હવે યુએસ સ્ટોર્સમાં ઉપલબ્ધ નથી, પરંતુ લોકોના ઘરોમાં હોઈ શકે છે. જેને પહેલા ફેંકી દેવાની જરૂર છે.

આ પણ વાંચો----Trumpનો ચોંકાવનારો નિર્ણય, અમેરિકામાં જાહેર કરશે નેશનલ ઇમરજન્સી

અન્ય દેશોમાંથી પણ અસરગ્રસ્ત ગાજર મંગાવવામાં આવ્યા હતા

યુએસ ફૂડ એન્ડ ડ્રગ એડમિનિસ્ટ્રેશન અનુસાર, ગ્રીમવે ફાર્મ્સે પણ યુ.એસ.માં ગાજરના પ્રકોપને કારણે કેનેડા અને પ્યુર્ટો રિકોના સ્ટોર્સમાંથી સ્વેચ્છાએ ગાજર પાછા મંગાવ્યા છે. કેલિફોર્નિયા સ્થિત ગ્રિમવે ફાર્મ્સે શનિવારે (નવેમ્બર 16) એક પ્રેસ રિલીઝ જારી કરી હતી. જેમાં કંપનીએ જણાવ્યું હતું કે કંપની તેની ખેતી અને લણણીની પદ્ધતિઓની સમીક્ષા કરી રહી છે અને અધિકારીઓ સાથે મળીને કામ કરી રહી છે.

E. coli બેક્ટેરિયલ ચેપ શું છે?

સીડીસી અનુસાર, એસ્ચેરીચિયા કોલી (ઇ. કોલી) એ બેક્ટેરિયાના કારણે થતો ચેપ છે. તેના મોટાભાગના સ્વરૂપો મનુષ્યો અને પ્રાણીઓના આંતરડામાં રહે છે અને હાનિકારક નથી. પરંતુ કેટલાક ઇ. કોલી બેક્ટેરિયા છે જેનું સેવન કર્યા પછી જીવલેણ બની શકે છે. આ ગેસ્ટ્રોઇન્ટેસ્ટાઇનલ રોગોનું જોખમ વધારી શકે છે. આ બેક્ટેરિયાના મુખ્ય લક્ષણોમાં ડિહાઇડ્રેશન, લોહિયાળ ઝાડા, ઉલટી, પેટમાં દુખાવો અને તાવનો સમાવેશ થાય છે.

આ પણ વાંચો----Britainના શાહી મહેલમાં ચોરી, સુરક્ષા કર્મીઓ ઉંઘતા રહ્યા...