• રેપિડો દ્વારા ભ્રામક પ્રાચાર કરાતા ગ્રાહકોએ ફરિયાદ નોંધાવી હતી
• આખરે સીસીપીએ દ્વારા મોટો દંડ ફટકાર્યો
• ગ્રાહકને ભરમાવતી કંપનીઓ ચેતી જાય તેવો કિસ્સો

CCPA Fine Rapido : સેન્ટ્રલ કન્ઝ્યુમર પ્રોટેક્શન ઓથોરિટી (CCPA) એ ઓનલાઈન રાઈડ પ્લેટફોર્મ રેપિડો (CCPA Fine Rapido) (રોપેન ટ્રાન્સપોર્ટેશન સર્વિસીસ પ્રાઇવેટ લિમિટેડ) ને ગેરમાર્ગે દોરતી જાહેરાતો (Misguiding Ad) અને અન્યાયી વેપાર પ્રથાઓ બદલ 10 લાખ રૂપિયાનો દંડ ફટકાર્યો છે. ઉપરાંત, CCPA એ કંપનીને નિર્દેશ આપ્યો છે કે જે ગ્રાહકોને “5 મિનિટમાં ઓટો અથવા ₹ 50 મેળવો” ઓફર હેઠળ ₹ 50 નો લાભ મળ્યો નથી તેમને કોઈપણ વિલંબ અને શરત વિના સંપૂર્ણ વળતર આપવામાં આવે.

ફક્ત 7 દિવસ માટે માન્ય હતા

CCPA એ શોધ્યું કે, રેપિડોની (CCPA Fine Rapido) જાહેરાતો, જેમ કે “5 મિનિટમાં ઓટો અથવા ₹ 50 મેળવો” અને “ગેરંટેડ ઓટો”, ખોટી અને ભ્રામક હતી. તપાસમાં જાણવા મળ્યું કે, જાહેરાતમાં દર્શાવેલ “₹ 50” વાસ્તવમાં રોકડ નહીં પરંતુ “રેપિડો કોઇન” હતા, જે ફક્ત 7 દિવસ માટે માન્ય હતા, અને તેનો ઉપયોગ ફક્ત રેપિડો બાઇક રાઈડમાં જ થઈ શકતો હતો. એટલું જ નહીં, ઘણા કિસ્સાઓમાં આ લાભ “₹ 50” સુધી મર્યાદિત હતો, એટલે કે, હંમેશા ₹ 50 મળતો ન્હતો.

જવાબદારી ટાળવાનો પ્રયાસ

આ ઉપરાંત, જાહેરાતમાં આપેલ "T&C Apply" નો ઉલ્લેખ ખૂબ જ નાના અને વાંચવામાં મુશ્કેલી પડે તેવા ફોન્ટમાં હતો, જેના કારણે ગ્રાહકો વાસ્તવિક શબ્દો સમજી શકતા ન્હતા. કંપનીએ એવો પણ દાવો કર્યો હતો કે, આ ગેરંટી રેપિડો (CCPA Fine Rapido) દ્વારા નહીં પરંતુ વ્યક્તિગત ડ્રાઇવર કેપ્ટન દ્વારા આપવામાં આવી રહી છે, જેનાથી જવાબદારી ટાળવાનો પ્રયાસ કરવામાં આવી રહ્યો છે. નેશનલ કન્ઝ્યુમર હેલ્પલાઇન (NCH) ના ડેટા અનુસાર, એપ્રિલ 2023 થી મે 2024 દરમિયાન રેપિડો સામે 575 ફરિયાદો નોંધાઈ હતી, જ્યારે જૂન 2024 થી જુલાઈ 2025 વચ્ચે આ સંખ્યા વધીને 1,224 થઈ ગઈ છે. આ ફરિયાદોમાં સેવામાં ખામી, ચુકવણી પરત ન કરવી, વધુ ચાર્જિંગ અને વચન મુજબ 5 મિનિટમાં ઓટો ન મળવી જેવી સમસ્યાઓનો સમાવેશ થાય છે.

ગ્રાહકોને જાહેરાતોથી સાવધ રહેવા અપીલ

રેપિડો (CCPA Fine Rapido) હાલમાં 120 થી વધુ શહેરોમાં સેવાઓ પ્રદાન કરે છે અને લગભગ 1.5 વર્ષ (548 દિવસ) થી દેશભરમાં ઘણી ભાષાઓમાં આ જાહેરાતનું પ્રસારણ કરી રહ્યું છે. આટલા લાંબા સમયથી આ ભ્રામક પ્રચાર અને ગ્રાહકોની વધતી ફરિયાદોને ધ્યાનમાં રાખીને, CCPA એ આ કડક કાર્યવાહી કરી છે. તે જ સમયે, CCPA એ ગ્રાહકોને એવી જાહેરાતોથી સાવધ રહેવા અપીલ કરી છે જે "ગેરંટીકૃત" જેવા દાવા કરે છે, પરંતુ વાસ્તવિક શરતો સ્પષ્ટ રીતે જણાવતી નથી. જો ગ્રાહકોને ભ્રામક જાહેરાતો અથવા અન્યાયી વેપાર પ્રથાઓનો કોઈ સમસ્યાનો સામનો કરવો પડે છે, તો તેઓ રાષ્ટ્રીય ગ્રાહક હેલ્પલાઇન (1915) પર કૉલ કરી શકે છે અથવા NCH એપ્લિકેશન અને વેબસાઇટ દ્વારા ફરિયાદ નોંધાવી શકે છે.

આ પણ વાંચો - Share market :સેબીનું એક પગલું... BSE ના શેરમાં મોટું ગાબડું