Sixth Generation Fighter Jet ઉડાવીને ચીને રચ્યો ઈતિહાસ, ભારત હજુ તેજસ એન્જિનની રાહમા
- ચીનના 6 જનરેશન ફાઈટર જેટે (Sixth Generation Fighter Jet)સફળતાપૂર્વક તેની પ્રથમ ઉડાન પૂર્ણ કરી
- વિશ્વમાં આ પહેલીવાર બન્યું છે કે કોઈ દેશે છઠ્ઠી જનરેશનનું ફાઈટર એરક્રાફ્ટ ઉડાવ્યું
- ચીનના સોશિયલ મીડિયા પર આ પ્લેન ટેકઓફનો વીડિયો પણ શેર કરવામાં આવ્યો
Chinaના 6 જનરેશન ફાઈટર જેટે (Sixth Generation Fighter Jet)સફળતાપૂર્વક તેની પ્રથમ ઉડાન પૂર્ણ કરી છે. વિશ્વમાં આ પહેલીવાર બન્યું છે કે કોઈ દેશે છઠ્ઠી જનરેશનનું ફાઈટર એરક્રાફ્ટ ઉડાવ્યું હોય. ચીનના સોશિયલ મીડિયા પર આ પ્લેન ટેકઓફનો વીડિયો પણ શેર કરવામાં આવી રહ્યો છે. ચીનની એરોસ્પેસ ક્ષમતાઓમાં આ એક મોટી છલાંગ માનવામાં આવે છે. તે જ સમયે, ભારત હજુ પણ અમેરિકાથી તેના પ્રથમ સ્વદેશી વિમાન તેજસના એન્જિનના આવવાની રાહ જોઈ રહ્યું છે. તે જ સમયે, ભારતનો પાંચમી જનરેશનનો AMCA પ્રોગ્રામ હજુ પણ માત્ર કાગળ પૂરતો મર્યાદિત છે.
China ના છઠ્ઠી પેઢીના Fighter Jet ની પ્રથમ ઉડાન | GujaratFirst#China #FighterJet #SixthGenerationJet #FirstFlight #MilitaryTechnology #DefenseInnovation #ChinaMilitary #Aerospace #GujaratFirst pic.twitter.com/BlwPFcCmsH
— Gujarat First (@GujaratFirst) December 26, 2024
આ પ્લેન AIથી સજ્જ છે
એક રિપોર્ટ પ્રમાણે ચીનના 6ઠ્ઠી જનરેશનના ફાઇટર એરક્રાફ્ટને (Sixth Generation Fighter Jet) વ્હાઇટ એમ્પરર (બૈદી)નું હુલામણું નામ આપવામાં આવ્યું છે. તેની ચોક્કસ ક્ષમતાઓ હજુ પણ ગોપનીય છે, પરંતુ એવું માનવામાં આવે છે કે તેમાં ઘણી અત્યાધુનિક ટેક્નોલોજીનો ઉપયોગ કરવામાં આવ્યો છે. આ એરક્રાફ્ટ પહેલા કરતા વધુ સ્ટીલી છે જે દુશ્મનના રડારથી બચી શકે છે. તે નેક્સ્ટ જનરેશન એવિઓનિક્સ સિસ્ટમથી સજ્જ છે. આ સિવાય એવું પણ કહેવામાં આવી રહ્યું છે કે ચીનના 6ઠ્ઠી જનરેશનના એરક્રાફ્ટમાં આર્ટિફિશિયલ ઈન્ટેલિજન્સનો ઉપયોગ કરવામાં આવ્યો છે, જે મોટા પ્રમાણમાં ડેટા પ્રોસેસ કરી શકશે અને રિયલ ટાઈમમાં યુદ્ધની સ્થિતિ પ્રમાણે નિર્ણય લઈ શકશે.
આ વિમાન UAV સાથે મળીને કામ કરશે
ચીનના આ નવા ફાઈટર એરક્રાફ્ટની (Sixth Generation Fighter Jet) સૌથી મોટી ખાસિયત એ છે કે તે માનવરહિત એરિયલ વ્હીકલ (યુએવી) સાથે મળીને કામ કરવાની ક્ષમતા છે. તે યુએવી અથવા ડ્રોન સાથે મળીને ભવિષ્યના યુદ્ધમાં તેની ઘાતક ક્ષમતા દર્શાવી શકે છે. આ સાથે ચીન દુશ્મન વિસ્તારમાં ઘૂસી જાય તો પણ જાનહાનિનો સામનો નહીં કરવો પડે. આનાથી ચીનને ન માત્ર યુદ્ધમાં સચોટ માહિતી મળશે, પરંતુ સ્ટ્રાઈક મિશન અને સંરક્ષણ માટે પણ તેના સૈનિકોનો ઉપયોગ કરવાની જરૂર નહીં પડે.
આ પણ વાંચો: વિશ્વનો સૌથી મોટો ડેમ બનાવવા જઈ રહ્યું છે ચીન, ભારત-બાંગ્લાદેશ પર શું થશે અસર?
હાઇપરસોનિક મિસાઇલ ફાયર કરશે
ચીનના 6ઠ્ઠી જનરેશનના ફાઇટર એરક્રાફ્ટની (Sixth Generation Fighter Jet)અન્ય વિશેષતા એ છે કે તેની હાઇપરસોનિક શસ્ત્રો વહન કરવાની ક્ષમતા છે. ચીને હાઇપરસોનિક ટેક્નોલોજી વિકસાવવામાં નોંધપાત્ર પ્રગતિ કરી છે. આ ફાઇટર એરક્રાફ્ટ હાઇ સ્પીડ, લાંબા અંતરના શસ્ત્રોને તૈનાત કરવા માટે પ્લેટફોર્મ તરીકે કામ કરી શકે છે. વધુમાં, એવી અપેક્ષા રાખવામાં આવે છે કે એરક્રાફ્ટ અત્યાધુનિક રડાર સિસ્ટમ્સથી સજ્જ હશે જે વધુ રેન્જ પરના જોખમોને શોધી તેની સામે લડવામાં સક્ષમ હશે, જેથી પાઇલટને આધુનિક હવાઈ લડાઇમાં નોંધપાત્ર લાભ આપશે. કેટલાક નિષ્ણાતો એવું પણ અનુમાન કરે છે કે આ જેટને ભવિષ્યમાં મિસાઈલના જોખમો સામે રક્ષણ આપવા માટે ડાયરેક્ટ એનર્જી વેપન્સ અથવા અન્ય સંરક્ષણોથી સજ્જ કરી શકાય છે.
ભારત હજુ પણ તેજસ એન્જિનની રાહ જોઈ રહ્યું છે
એરક્રાફ્ટના ઉત્પાદનમાં ભારત હજુ પણ તેના હરીફ ચીન કરતાં ઘણું પાછળ છે. ભારતીય વાયુસેનાએ હિન્દુસ્તાન એરોનોટિક્સ લિમિટેડને તેજસ ફાઈટર એરક્રાફ્ટ (Fighter Jet)માટે મોટા પાયે ઓર્ડર આપ્યો છે. તેની ડિલિવરી માર્ચ 2024માં શરૂ થવાની હતી. આ ફાઇટર એરક્રાફ્ટ અમેરિકન કંપની જનરલ ઇલેક્ટ્રિક (GE) ના F404-IN20 એન્જિનથી સજ્જ થવાનું છે, પરંતુ તેની ડિલિવરી હજી શરૂ થઈ નથી. જેના કારણે ભારતીય વાયુસેનાને નવા તેજસ એરક્રાફ્ટ મળવામાં વિલંબ થઈ રહ્યો છે. હિન્દુસ્તાન એરોનોટિક્સ લિમિટેડ (HAL) એ ઓગસ્ટ 2021 માં જનરલ ઇલેક્ટ્રિક (GE) સાથે 83 LCA Mk 1A ના 99 એન્જિન માટે કરાર પર હસ્તાક્ષર કર્યા હતા.
આ પણ વાંચો: વિશ્વનો સૌથી મોટો ડેમ બનાવવા જઈ રહ્યું છે ચીન, ભારત-બાંગ્લાદેશ પર શું થશે અસર?