Delhi Building Collapsed: પંજાબી બસ્તીમાં 4 માળની ઇમારત ધરાશાયી, 14 લોકોને રેસ્ક્યુ કરાયા
- Delhi Building Collapsed: ઇમારતની જર્જરિત સ્થિતિ ઇમારત ધરાશાયી થવાનું મુખ્ય કારણ
- દિલ્હી ફાયર સર્વિસના 5 વાહનો સ્થળ પર તૈનાત છે અને બચાવ કામગીરી ચાલુ
- કેટલાક લોકોને ઇજા થતા હોસ્પિટલમાં દાખલ કરવામાં આવ્યા
Delhi Building Collapsed: રાજધાની દિલ્હીના સબ્ઝી મંડી પોલીસ સ્ટેશન વિસ્તાર હેઠળ પંજાબી બસ્તીમાં મંગળવારે સવારે એક મોટો અકસ્માત થયો, જેમાં એક ચાર માળની ઇમારત અચાનક ધરાશાયી થઈ ગઇ છે. દિલ્હી ફાયર સર્વિસને મંગળવારે સવારે 2.52 વાગ્યે આ ઘટનાની માહિતી મળી. સદનસીબે, અકસ્માત સમયે ઇમારત ખાલી હતી, જેના કારણે કોઈ જાનહાનિ થઈ નથી. માહિતી સામે આવી છે કે દિલ્હી મ્યુનિસિપલ કોર્પોરેશન (MCD) એ પહેલાથી જ આ ઇમારતને ખતરનાક જાહેર કરી દીધી હતી. અકસ્માત બાદ, નજીકની ઇમારતમાં ફસાયેલા 14 લોકોને દિલ્હી ફાયર સર્વિસના કર્મચારીઓ દ્વારા સુરક્ષિત રીતે બચાવી લેવામાં આવ્યા હતા. બચાવ કામગીરી દરમિયાન, કેટલાક લોકોને નાની ઇજાઓ થઈ હતી, જેમને તાત્કાલિક નજીકની હોસ્પિટલમાં દાખલ કરવામાં આવ્યા હતા.
ઇમારતની જર્જરિત સ્થિતિ ઇમારત ધરાશાયી થવાનું મુખ્ય કારણ
દિલ્હી ફાયર સર્વિસના 5 વાહનો સ્થળ પર તૈનાત છે અને બચાવ કામગીરી ચાલુ છે. ઘણા વાહનો ઇમારતના કાટમાળ નીચે દટાયેલા છે. દિલ્હી ફાયર સર્વિસ, દિલ્હી પોલીસ અને અન્ય એજન્સીઓ ઘટનાસ્થળે હાજર છે અને રાહત કાર્યમાં રોકાયેલા છે. અકસ્માતનું કારણ હજુ સ્પષ્ટ નથી, પરંતુ પ્રાથમિક માહિતી મુજબ, ઇમારતની જર્જરિત સ્થિતિ તેના પતનનું મુખ્ય કારણ હોઈ શકે છે. વહીવટીતંત્રે વિસ્તારને સુરક્ષિત રાખવા માટે જરૂરી પગલાં લેવાનું શરૂ કરી દીધું છે, અને તપાસ ચાલી રહી છે.
#WATCH | Delhi: A four-storey building collapsed in Punjabi Basti area under Sabzi Mandi PS of North Delhi late last night. Visuals from the spot this morning. The building was vacant at the time of the incident. A few vehicles trapped under the debris. 14 people in the adjacent… pic.twitter.com/9eQF9aGpez
— ANI (@ANI) September 9, 2025
Delhi Building Collapsed: ઘરમાલિકોએ મકાન ખાલી ન કર્યું
એક સ્થાનિક યુવકે જણાવ્યું કે ઘરમાલિકોને બે મહિના પહેલા મકાન ખાલી કરવાનું કહેવામાં આવ્યું હતું, પરંતુ આ લોકોએ સાંભળ્યું નહીં. રાત્રે લગભગ 2.52 વાગ્યે, મેં જોયું કે મકાન ધ્રુજી રહ્યું હતું. આ પછી, મેં અવાજ કર્યો અને બધાને કહ્યું કે મકાન ધરાશાયી થવાની તૈયારીમાં છે. તે પછી, હું પોતે સલામત સ્થળે જઈને ઉભો રહ્યો હતો. એક મહિલાએ આરોપ લગાવ્યો કે ફરિયાદો છતાં, વહીવટી ટીમોએ કોઈ કાર્યવાહી કરી નહીં. ઇમારતની સ્થિતિ અંગે ફરિયાદો આપવામાં આવી હતી. આ ઇમારત રાત્રે તૂટી પડી હતી.
પિઝા હટ આઉટલેટમાં વિસ્ફોટ
અગાઉ, સોમવારે રાત્રે દિલ્હીના યમુના વિહાર વિસ્તારમાં સ્થિત પિઝા હટ આઉટલેટમાં વિસ્ફોટ થયો હતો, જેમાં પાંચ લોકો ઘાયલ થયા હતા. ઘાયલોને તાત્કાલિક GTB હોસ્પિટલમાં દાખલ કરવામાં આવ્યા હતા. દિલ્હી ફાયર સર્વિસને રાત્રે ઘટનાની માહિતી મળી હતી, ત્યારબાદ ત્રણ ફાયર એન્જિન તાત્કાલિક ઘટનાસ્થળે પહોંચી ગયા હતા. પ્રાથમિક તપાસ મુજબ, પિઝા હટના ગ્રાઉન્ડ ફ્લોર પર સ્થિત AC કોમ્પ્રેસરમાં વિસ્ફોટ થયો હતો. સ્થાનિક પોલીસ સ્ટેશને આ મામલાની તપાસ શરૂ કરી દીધી છે અને અકસ્માતનું ચોક્કસ કારણ જાણવા માટે તપાસ ચાલી રહી છે.
આ પણ વાંચો: Gujarat Rain: રાજ્યમાં 24 કલાકમાં 67 તાલુકામાં મેઘમહેર, જાણો પડ્યો સૌથી વધુ વરસાદ