Delhi Pollution: રાજધાની દિલ્હીમાં પ્રદૂષણ ખતરનાક સ્તરે પહોંચ્યું
- Delhi Pollution: અનેક વિસ્તારમાં AQI 490ને પાર પહોંચતા એલર્ટ
- ઓફિસોમાં 50 ટકા વર્ક ફ્રોમ હોમનો આદેશ અમલી
- તમામ શૈક્ષણિક કાર્ય ઓફલાઈન મોડમાં બંધ કરાયું
Delhi Pollution: રાજધાની દિલ્હીમાં હવાની ગુણવત્તા સૌથી ખરાબ સ્તરે પહોંચી ગઈ છે. ધુમ્મસભર્યા વાતાવરણમાં અનેક વિસ્તારમાં AQI 490ને પાર પહોંચતા ગ્રેપ 4ના પ્રતિબંધો અમલી બનાવવામાં આવ્યા છે. દિલ્હીમાં બાંધકામ નિર્માણ પર પ્રતિબંધ, ધોરણ-10 અને 12ને બાદ કરતા તમામ શૈક્ષણિક કાર્ય ઓફલાઈન મોડમાં બંધ કરાયું છે અને ઓફિસમાં 50 ટકા વર્ક ફ્રોમ હોમના આદેશ અપાયા છે.
એકંદર AQI 400ને પાર પહોંચ્યો
આઈટીઓ, નેશનલ હાઈવે 24, આનંદ વિહાર, ગાઝીપુર સહિતના વિસ્તારોમાં પ્રદૂષણ ખતરનાક સ્તરે પહોંચી ગયું છે. ખરાબ હવાના કારણે લોકોને આંખો અને ગળામાં બળતરા તેમજ શ્વાસ લેવામાં તકલીફની સમસ્યાઓ સર્જાઈ છે. દિલ્હીમાં ઝેરી ધુમ્મસનું સ્તર છવાઈ ગયું હતું અને એકંદર AQI 400ને પાર પહોંચ્યો હતો. CPCB ના 21 મોનિટરિંગ સ્ટેશનોમાં હવાની ગુણવત્તા "ગંભીર" શ્રેણીમાં હતી. વઝીરપુર, વિવેક વિહાર, જહાંગીરપુરી, અશોક વિહાર, રોહિણી ગંભીર વાયુ પ્રદૂષણ નોંધાયું હતું.
Delhi Pollution: ઝેરી ધુમ્મસ ફરી એકવાર રાજધાનીમાં છવાઈ
પ્રદૂષણમાં અચાનક થયેલા આ વધારા પાછળ હવામાન એક મુખ્ય પરિબળ હોવાનું માનવામાં આવે છે. અહેવાલો પ્રમાણે, શુક્રવારથી સક્રિય થયેલા પશ્ચિમી વિક્ષેપને કારણે પવનની ગતિમાં નોંધપાત્ર ઘટાડો થયો છે, જેના કારણે વાતાવરણમાં પ્રદૂષક કણો ફસાઈ ગયા છે. આ જ કારણ છે કે શનિવારે પરિસ્થિતિ ઝડપથી બગડી હતી, અને ઝેરી ધુમ્મસ ફરી એકવાર રાજધાનીમાં છવાઈ ગયું હતું.
Delhi | રાજધાની દિલ્હીમાં પ્રદૂષણ
ખતરનાક સ્તરે પહોંચ્યું! | Gujarat Firstરાજધાની દિલ્હીમાં પ્રદૂષણ ખતરનાક સ્તરે પહોંચ્યું
અનેક વિસ્તારમાં AQI 490ને પાર પહોંચતા એલર્ટ
ગ્રૈપ 4 લાગુ કરાયો, બાંધકામ નિર્માણ પર પ્રતિબંધ
ઓફિસોમાં 50 ટકા વર્ક ફ્રોમ હોમનો આદેશ અમલી
તમામ શૈક્ષણિક કાર્ય… pic.twitter.com/IHOMfEv892— Gujarat First (@GujaratFirst) December 14, 2025
દિલ્હી વર્ષના અત્યાર સુધીના સૌથી ગાઢ ધુમ્મસમાં ઘેરાયેલું
આજે દિલ્હી વર્ષના અત્યાર સુધીના સૌથી ગાઢ ધુમ્મસમાં ઘેરાયેલું હતું, જેના કારણે સામાન્ય જનજીવન ભારે ખોરવાઈ ગયું હતું. અક્ષરધામ મંદિર પણ અસ્પષ્ટ હતું, અને ઘણા વિસ્તારોમાં રસ્તાઓ પર દૃશ્યતા થોડા મીટર સુધી મર્યાદિત હતી. અક્ષરધામની આસપાસ 50 મીટર આગળ પણ જોવું મુશ્કેલ બન્યું હતું. ગાઢ ધુમ્મસને કારણે વાયુ પ્રદૂષણ વધુ ખરાબ થવાની ધારણા છે. ધુમ્મસની જાડી ચાદર સમગ્ર દિલ્હી-એનસીઆર પર છવાઈ ગઈ હતી, જોકે નોઈડા અને ગાઝિયાબાદ કરતાં દિલ્હીમાં ધુમ્મસ વધુ તીવ્ર હતું.
નોઈડામાં પણ પરિસ્થિતિ ગંભીર
નોઈડામાં હવાની ગુણવત્તા આજે અત્યંત ખરાબ સ્તરે પહોંચી ગઈ હતી. શહેરનો હવા ગુણવત્તા સૂચકાંક (AQI) "જોખમી" શ્રેણીમાં નોંધાયો હતો, જે 772 સુધી પહોંચ્યો હતો. અતિ-સુક્ષ્મ કણોની સાંદ્રતા ઊંચી રહી, PM2.5 સ્તર પ્રતિ ઘન મીટર 462 માઇક્રોગ્રામ અને PM10 સ્તર પ્રતિ ઘન મીટર 649 માઇક્રોગ્રામ સુધી પહોંચ્યું, જે સલામત મર્યાદા કરતા અનેક ગણું વધારે છે. ઘણા વિસ્તારોમાં પરિસ્થિતિ વધુ વણસી ગઈ, જેમાં પાર્ક લોરેટે 963 નો AQI રેકોર્ડ કર્યો, જ્યારે મગુન મોર્ડન અને નાગલી બહારપુરમાં AQI 700 થી વધુ નોંધાયું. ગાઢ ધુમ્મસ, લગભગ 94 ટકા ભેજ અને ઓછી પવનની ગતિએ પ્રદૂષણને વધારી દીધું, જે બાળકો, વૃદ્ધો અને શ્વસન અથવા હૃદય રોગથી પીડાતા લોકો માટે ગંભીર ખતરો ઉભો કર્યો છે.
આ પણ વાંચો: Surat: વિદ્યાર્થીઓ ChatGPT દ્વારા પરીક્ષામાં ગેરરીતિ કરતા પકડાયા!