Ahmedabad Plane Crash : પ્લેન ક્રેશ દુર્ઘટનામાં DNA ટેસ્ટની કામગીરી પુરજોશમાં, અત્યાર સુધી 9 લોકોના DNA ટેસ્ટ થયા મેચ

ગુરુવારે અમદાવાદમાં બનેલી એર ઇન્ડિયાના બોઇંગ 787-8 ડ્રીમલાઇનર વિમાનની દુર્ઘટનાએ સમગ્ર દેશને શોકમાં ડૂબાડી દીધો છે. લંડન જવા માટે ઉડાન ભર્યાની થોડી જ મિનિટોમાં વિમાન રહેણાંક વિસ્તારમાં ક્રેશ થયું, જેમાં 242 સવારોમાંથી 230 મુસાફરો, 10 કેબિન ક્રૂ અને બે અનુભવી પાયલોટ સહિત 265 લોકોના મોત થયા, જેમાં નજીકની મેડિકલ કોલેજના વિદ્યાર્થીઓ પણ સામેલ હતા, જેઓ બિલ્ડિંગમાં ભોજન કરી રહ્યા હતા. આ ભયંકર દુર્ઘટનામાં મૃતદેહો એટલી હદે ક્ષતિગ્રસ્ત અને બળી ગયા હતા કે ઓળખ માટે DNA ટેસ્ટની જરૂર પડી રહી છે. આ દુર્ઘટનામાં ચમત્કારિક રીતે એક મુસાફર બચી ગયો, જે હાલ હોસ્પિટલમાં સારવાર લઈ રહ્યો છે. આ ઘટનાનું દ્રશ્ય એટલું ભયાવહ હતું કે તેનાથી સમગ્ર સમાજ હચમચી ગયો છે.