ED Raids Odisha: પોર્શ, મર્સિડીઝ, BMW સહિત 10 લક્ઝરી કાર, 3 સુપર બાઇક અને રોકડ-ઝવેરાત જપ્ત

• ED Raids Odisha: એન્ફોર્સમેન્ટ ડિરેક્ટોરેટે ઓડિશાની રાજધાની ભુવનેશ્વરમાં બે સ્થળોએ દરોડા પાડ્યા
• ED ની આ કાર્યવાહી ઇન્ડિયન ટેકનોમેક કંપની લિમિટેડ (ITCOL) સાથે સંબંધિત
• આ કેસમાં, ED પહેલાથી જ 310 કરોડ રૂપિયાની સંપત્તિ જપ્ત કરી ચૂકી છે

ED Raids Odisha: મની લોન્ડરિંગ તપાસના ભાગ રૂપે એન્ફોર્સમેન્ટ ડિરેક્ટોરેટે શનિવારે ઓડિશાની રાજધાની ભુવનેશ્વરમાં બે સ્થળોએ દરોડા પાડ્યા હતા. શક્તિ રંજન દાસના ઘર અને તેમની કંપનીઓ અનમોલ માઇન્સ પ્રાઇવેટ લિમિટેડ (AMPL) અને અનમોલ રિસોર્સિસ પ્રાઇવેટ લિમિટેડ (ARPL) ના કાર્યાલયોમાં શોધખોળ હાથ ધરવામાં આવી હતી.

ED ની આ કાર્યવાહી ઇન્ડિયન ટેકનોમેક કંપની લિમિટેડ (ITCOL) સાથે સંબંધિત

ED ની આ કાર્યવાહી ઇન્ડિયન ટેકનોમેક કંપની લિમિટેડ (ITCOL) સાથે સંબંધિત છે, જે દેશના સૌથી મોટા બેંક છેતરપિંડીના કેસોમાંનો એક છે. તપાસ એજન્સીનો આરોપ છે કે ITCOL અને તેના ડિરેક્ટરોએ 2009 થી 2013 વચ્ચે બેંકો પાસેથી લગભગ 1396 કરોડ રૂપિયાની લોન છેતરપિંડીથી લીધી હતી. આ પછી, આ રકમ શેલ કંપનીઓ દ્વારા અલગ અલગ જગ્યાએ ટ્રાન્સફર કરવામાં આવી હતી.

ED, Shimla has conducted search operations on 30.08.2025 at residential premises of Shakti Ranjan Dash and related entites i.e. M/s Anmol Mines Private Limited (AMPL) and M/s Anmol Resources Private Limited (ARPL) in Bhubaneswar, Odisha under PMLA, in the bank fraud case of M/s… pic.twitter.com/kiCx1gwUqG

— ED (@dir_ed) August 31, 2025

ED Raids Odisha: આ કેસમાં, ED પહેલાથી જ 310 કરોડ રૂપિયાની સંપત્તિ જપ્ત કરી ચૂકી છે

આ કેસમાં, ED પહેલાથી જ 310 કરોડ રૂપિયાની સંપત્તિ જપ્ત કરી ચૂકી છે. આમાંથી, એપ્રિલ 2025 માં લગભગ 289 કરોડ રૂપિયા બેંકોમાં પરત કરવામાં આવ્યા હતા. તપાસમાં બહાર આવ્યું છે કે ITCOL એ તેની શેલ કંપનીઓ દ્વારા લગભગ 59.80 કરોડ રૂપિયા અનમોલ માઇન્સ પ્રાઇવેટ લિમિટેડ (ઓડિશા) ને ટ્રાન્સફર કર્યા હતા. ED નો આરોપ છે કે AMPL ના મેનેજિંગ ડિરેક્ટર શક્તિ રંજન દાસે ITCOL ના પ્રમોટર રાકેશ કુમાર શર્માને મદદ કરી હતી અને ખાણકામ વ્યવસાયમાં બેંક લોનની રકમનો ઉપયોગ કર્યો હતો. એટલે કે, કાળા નાણાંને કાયદેસર બતાવવાનો પ્રયાસ કરવામાં આવ્યો હતો.

દરોડામાં લક્ઝરી કાર અને બાઇક જપ્ત કરવામાં આવી

ED ને શનિવારના દરોડામાં ઘણી મોંઘી અને લક્ઝરી વસ્તુઓ મળી. આમાં 10 લક્ઝરી કાર અને 3 સુપરબાઇક (રૂ.7 કરોડથી વધુ કિંમતની), પોર્શ કેયેન, મર્સિડીઝ બેન્ઝ GLC, BMW X7, Audi A3, મિની કૂપર અને હોન્ડા ગોલ્ડ વિંગ બાઇકનો સમાવેશ થાય છે.

જપ્તીમાં રોકડ અને ઝવેરાત જપ્ત

આ ઉપરાંત, 1.12 કરોડ રૂપિયાના દાગીના, 13 લાખ રૂપિયા રોકડા, મિલકત સંબંધિત મહત્વપૂર્ણ દસ્તાવેજો, 2 લોકર પણ ફ્રીઝ કરવામાં આવ્યા હતા, EDએ કહ્યું છે કે તપાસ હજુ ચાલુ છે અને ભવિષ્યમાં વધુ મોટા ખુલાસા થઈ શકે છે.

આ પણ વાંચો: PM Modi SCO Summit China: ભારત અને ચીન વચ્ચેના સહયોગથી 2.8 અબજ લોકોને ફાયદો થશે