Maharashtra માં શપથ પહેલા રાજકીય ડ્રામા, શિવસેનાના નેતાનું ચોકાવનારું નિવેદન...
- Maharashtra માં શપથ લેતા પહેલા રાજકીય ખળભળાટ
- શિવસેનાના ધારાસભ્યએ આપ્યું ચોકાવનારું નિવેદન
- એકનાથ શિંદે ડેપ્યુટી CM નહીં બને તો કોઈ મંત્રી નહીં બને - સંજય શિરસાટ
મહારાષ્ટ્ર (Maharashtra)માં નવી સરકારની રચના આડે હવે ગણતરીના કલાકો જ બાકી છે. દેવેન્દ્ર ફડણવીસના શપથ ગ્રહણ પહેલા શિવસેનાના ધારાસભ્ય ઉદય સામંતે મોટું નિવેદન આપ્યું છે. પ્રેસ કોન્ફરન્સને સંબોધતા ઉદય સામંતે કહ્યું કે, જો એકનાથ શિંદે નાયબ CM તરીકે શપથ નહીં લે તો તેમની પાર્ટીના કોઈપણ ધારાસભ્ય મંત્રી તરીકે શપથ લેશે નહીં.
એકનાથ શિંદે ડેપ્યુટી CM બનશે : સામંત
ઉદય સામંતે દાવો કર્યો હતો કે, એકનાથ શિંદે આજે ડેપ્યુટી CM તરીકે શપથ લેશે. સામંતે કહ્યું કે, તેમને આશા છે કે એકનાથ શિંદે સકારાત્મક નિર્ણય લેશે. શિંદે સિવાય કોઈ નાયબ CM નહીં બને. જો તેઓ નાયબ CM નહીં બને તો કોઈ પ્રધાન પદ લેશે નહીં. અમને પૂરો વિશ્વાસ છે કે એકનાથ શિંદે નાયબ CM બનશે. અમારા નેતા એકનાથ શિંદે છે. તેમના વિના અમારી પાર્ટીમાં કોઈ ડેપ્યુટી CM નહીં હોય.
શિવસેનાના નેતા સંજય શિરસાટે મોટું નિવેદન આપ્યું...
શિવસેનાના નેતા સંજય શિરસાટે કહ્યું કે, એકનાથ શિંદે CM પદ છોડવાથી નિરાશ થયા છે, CM જેવું પદ છોડવાથી નિરાશા સ્વાભાવિક છે. મને લાગે છે કે તેઓ આજે શપથ લેશે. ગઈકાલે અમે ગયા અને એકનાથ શિંદેને સરકારમાં જોડાવા અને ડેપ્યુટી CM તરીકે શપથ લેવા માટે પ્રાર્થના કરી.
#WATCH | Mumbai, Maharashtra: Shiv Sena leader Sanjay Shirsat says, " Eknath Shinde will listen to our request and he will take oath as Deputy CM, we believe that...he is our leader and we want him to take the oath as Deputy CM...we all are going to Eknath Shinde, we will… pic.twitter.com/kD4MniN32Y
— ANI (@ANI) December 5, 2024
આ પણ વાંચો : AAP ના સ્પીકર રામ નિવાસ ગોયલે ચૂંટણીના રાજકારણમાંથી નિવૃત્તિ લીધી, આ કારણ આપ્યું...
ફડણવીસ આજે CM પદના શપથ લેશે...
તમને જણાવી દઈએ કે, BJP વિધાયક દળના નેતા દેવેન્દ્ર ફડણવીસ ગુરુવારે સાંજે એક ભવ્ય સમારોહમાં મહારાષ્ટ્ર (Maharashtra)ના નવા CM તરીકે શપથ લેશે. શપથ ગ્રહણ સમારોહમાં PM નરેન્દ્ર મોદી પણ હાજરી આપશે. NCP ના વડા અજિત પવાર અને શિવસેનાના નેતા એકનાથ શિંદે પણ નાયબ CM તરીકે શપથ લે તેવી અપેક્ષા છે. આ ત્રીજી વખત છે જ્યારે નાગપુરના ધારાસભ્ય ફડણવીસ (54) મહારાષ્ટ્ર (Maharashtra)ના CM તરીકે શપથ લેશે.
આ પણ વાંચો : Parliament માં વિરોધને લઈને વિપક્ષોમાં મતભેદ, SP એ કહ્યું, અદાણી કરતા સંભલનો મુદ્દો વધુ મોટો...
આઝાદ મેદાનમાં યોજાશે શપથ ગ્રહણ કાર્યક્રમ...
શપથ ગ્રહણ સમારોહ દક્ષિણ મુંબઈના આઝાદ મેદાન ખાતે યોજાશે, જ્યાં આ કાર્યક્રમ માટે વિસ્તૃત સુરક્ષા વ્યવસ્થા કરવામાં આવી છે. તેના સાથી પક્ષો શિવસેના અને NCP સાથે, ભાજપની આગેવાની હેઠળની મહાયુતિ ગઠબંધન પાસે 230 બેઠકોની પ્રચંડ બહુમતી છે. બુધવારે, ફડણવીસ, શિંદે અને પવાર સાથે, રાજ્યના ગવર્નર સીપી રાધાકૃષ્ણનને મળ્યા હતા અને ગઠબંધન ભાગીદારોના સમર્થનના પત્રો રજૂ કરીને ઔપચારિક રીતે સરકાર બનાવવાનો દાવો કર્યો હતો.
આ પણ વાંચો : આજે Maharashtra ના CM પદના શપથ લેશે દેવેન્દ્ર ફડણવીસ, PM મોદી આપશે હાજરી...