• અમેરિકા અને ભારત વચ્ચે તણાવભરી સ્થિતી
• અમેરિકાએ રશિયાનું નાક દબાવવા ભારત પર ટેરિફ લાદ્યો હોવાની ચર્ચા
• ભારતના વિદેશ મંત્રીએ દેશનો મત સ્પષ્ટ કરી દીધો

S. Jaishankar Slams US : હાલના દિવસોમાં ભારત અને અમેરિકા વચ્ચે વેપાર (India - USA Tarrif War) , ટેરિફ વોર અને રશિયન તેલની (Russian Oil Issue) ખરીદીને લઈને તણાવ ચાલી રહ્યો છે. વિદેશ મંત્રી એસ જયશંકરે (Foreign Minister Of India - S. Jaishankar) તમામ મુદ્દાઓ પર વિગતવાર વાત કરી છે. તેમણે કહ્યું કે, ભારત-પાક સંબંધોમાં વેપાર (Indo - Pak Relation) , તેલ અને મધ્યસ્થી અંગે બંને દેશો વચ્ચે તણાવ છે. વિદેશ મંત્રીએ કહ્યું કે, અમેરિકા સાથે કોઈ મતભેદ નથી, પરંતુ વાતચીત ચાલી રહી છે. જયશંકરે સ્પષ્ટ કર્યું કે, અમેરિકા સાથે વેપાર વાટાઘાટોમાં ભારતના ખેડૂતો અને નાના ઉત્પાદકોના હિત સર્વોપરી છે. ભારત તેના પર ક્યારેય સમાધાન કરશે નહીં, પછી ભલે તે ખેડૂતોના હિત વિશે હોય કે વ્યૂહાત્મક સ્વાયત્તતા.

સમાધાન શક્ય નથી

અમેરિકા સાથે વેપાર અંગે, વિદેશ મંત્રી જયશંકરે (Foreign Minister Of India - S. Jaishankar) કહ્યું, કે "વાટાઘાટો હજુ પણ ચાલી રહી છે પરંતુ અમારી પાસે કેટલીક સીમાઓ છે. સૌથી મહત્વપૂર્ણ ખેડૂતો અને નાના ઉત્પાદકોનું હિત છે. આ એક એવો મુદ્દો છે જેના પર સમાધાન શક્ય નથી." વિપક્ષ અને ટીકાકારો પર નિશાન સાધતા તેમણે કહ્યું કે, જો કોઈ અસંમત હોય, તો તેમણે જનતાને કહેવું જોઈએ કે, તેઓ ખેડૂતોના હિતોનું રક્ષણ કરવા તૈયાર નથી અને તેઓ વ્યૂહાત્મક સ્વાયત્તતાને મહત્વ આપતા નથી.

રશિયન તેલ અને પ્રતિબંધો પર વિવાદ

રશિયાથી તેલ આયાત અને અમેરિકા દ્વારા લાદવામાં આવેલા પ્રતિબંધો વિશે વાત કરતા, જયશંકરે (Foreign Minister Of India - S. Jaishankar) અમેરિકાના બેવડા ધોરણો પર સવાલ ઉઠાવ્યા છે. તેમણે કહ્યું કે, "તેલનો મુદ્દો કહેવામાં આવે છે, પરંતુ રશિયાથી સૌથી મોટા આયાતકાર ચીન પર કોઈ ટેરિફ લાદવામાં આવ્યો નથી. ભારતને લક્ષ્ય બનાવતી દલીલો ચીન પર કેમ લાગુ પડતી નથી?" તેમણે યુરોપ અને અમેરિકાના વર્તન પર પણ ટિપ્પણી કરી અને કહ્યું કે, "જો તમને રશિયા પાસેથી તેલ અથવા તેના ઉત્પાદનો ખરીદવામાં સમસ્યા હોય, તો તે ખરીદશો નહીં. પરંતુ યુરોપ ખરીદે છે, અમેરિકા ખરીદે છે. જો તમને તે ગમતું નથી, તો અમારી પાસેથી ખરીદશો નહીં."

રશિયાને મોટું નુકસાન થયું

જયશંકરે (Foreign Minister Of India - S. Jaishankar) સ્પષ્ટતા કરી કે, ભારત તેના રાષ્ટ્રીય હિત અને વ્યૂહાત્મક સ્વાયત્તતાને ધ્યાનમાં રાખીને ઊર્જા સંબંધિત નિર્ણયો લેશે અને કોઈપણ દબાણ હેઠળ આવશે નહીં. નોંધનીય છે કે, રશિયા પાસેથી તેલ ખરીદવાને કારણે, અમેરિકાએ ભારત પર વધારાના ટેરિફ તરીકે 25 ટકા દંડ લાદ્યો છે, અને એમ પણ કહ્યું છે કે આના કારણે રશિયાને મોટું નુકસાન થયું છે અને ભારતે તેલ ખરીદી પર પુનર્વિચાર કર્યો છે. જો કે, ભારતે પોતાનું વલણ સ્પષ્ટ કર્યું છે અને કહ્યું છે કે તેલ ખરીદી ચાલુ છે.

ભારત-પાકિસ્તાન સંબંધો પર મધ્યસ્થીનો વિરોધ

ભારત-પાકિસ્તાન સંબંધો પર, વિદેશ મંત્રીએ (Foreign Minister Of India - S. Jaishankar) કહ્યું કે 1970 ના દાયકાથી, ભારતમાં રાષ્ટ્રીય સર્વસંમતિ છે કે કોઈપણ પ્રકારની મધ્યસ્થી સ્વીકારવામાં આવશે નહીં. તેમણે કહ્યું, "50 વર્ષથી એવું નક્કી કરવામાં આવ્યું છે કે અમે પાકિસ્તાન સાથેના સંબંધોમાં કોઈપણ ત્રીજા પક્ષની દખલગીરી સ્વીકારીશું નહીં."

અમે વાતચીત અને વાટાઘાટો માટે તૈયાર

જયશંકરે (Foreign Minister Of India - S. Jaishankar) પુનરોચ્ચાર કર્યો કે સરકારની નીતિ સ્પષ્ટ છે - વેપારમાં ખેડૂતોના હિત, વ્યૂહાત્મક સ્વાયત્તતા અને મધ્યસ્થીનો વિરોધ. તેમણે કહ્યું, "અમે અમારી સાર્વભૌમત્વ, સ્વતંત્ર વ્યૂહરચના અને નાગરિકોના હિત સાથે સમાધાન કરીશું નહીં. અમે વાતચીત અને વાટાઘાટો માટે તૈયાર છીએ, પરંતુ રાષ્ટ્રીય હિત સર્વોપરી છે."

આ પણ વાંચો ----- Imran Tahir એ વર્લ્ડ રેકોર્ડ બનાવ્યો, શાનદાર પરફોર્મન્સ સાથે ઇતિહાસમાં નામ દર્જ