Heavy rain Gujarat : ગુજરાતમાં 102% વરસાદ ; નડાબેટનું રણ દરિયામાં ફેરવાયું, ડેમો છલકાયા
- ગુજરાતમાં મેઘો મહેરબાન : નડાબેટ રણ ફેરવાયું દરિયામાં, ડેમો છલકાયા
- અંબાજીથી વલસાડ સુધી ભારે વરસાદ, સાબરમતી રિવરફ્રન્ટનો વૉક-વે ડૂબ્યો
- ઉત્તર ગુજરાતમાં અતિભારે વરસાદની આગાહી, AMCની નિષ્ફળતા પર લોકોમાં આક્રોશ
- મેશ્વો, વાત્રક, ધરોઈ ડેમ છલકાયા, ગુજરાતમાં પૂરનું સંકટ, NDRF તૈનાત
- અમદાવાદના રસ્તાઓ પાણી-પાણી, સાબરમતી નદીનું જળસ્તર વધ્યું, વહીવટ એલર્ટ
Heavy rain Gujarat : ગુજરાતમાં ચોમાસાએ આ વર્ષે નવો વિક્રમ સર્જ્યો છે, રાજ્યમાં 102% સરેરાશ વરસાદ નોંધાવ્યો છે, જે લાંબા ગાળાના સરેરાશ 692.4 મી.મી.ની સરખામણીએ 703.4 મી.મી. નોંધાયો છે. સૌરાષ્ટ્ર-કચ્છમાં 24% વધુ વરસાદ, જ્યારે ઉત્તર અને મધ્ય ગુજરાતમાં 12% ઓછો નોંધાયો છે. બનાસકાંઠામાં પડેલા ભારે વરસાદે નડાબેટના રણને દરિયામાં ફેરવી દીધું છે. તો વાવ તાલુકાના અનેક ગામડાઓના ખેતરો તળાવોમાં ફેરવાઈ ગયા છે. તો મેશ્વો, વાત્રક, ધરોઈ, તાપી, કડાણા સહિત રાજ્યના તમામ ડેમો છલકાઇ ગયા છે. અંબાજીથી વલસાડ સુધી પૂરનું સંકટ ઊભું થયું છે. અમદાવાદના રસ્તાઓ પાણીમાં ગરકાવ થયા છે તો સાબરમતી રિવરફ્રન્ટનો વૉક-વે ડૂબી ગયો છે. AMC (અમદાવાદ મ્યુનિસિપલ કોર્પોરેશન)ની નબળી વ્યવસ્થા સામે લોકોમાં આક્રોશ વધ્યો છે. ઉત્તર ગુજરાતમાં આગામી 24 કલાકમાં અતિભારે વરસાદની આગાહીને કારણે વહીવટ એલર્ટ પર છે.
આ પણ વાંચો- Gandhinagar : હરસોલી ગામે નદી પરનો પુલ પાણીમાં ડૂબ્યો, 23 લોકોનું સ્થળાંતર, ગામો સંપર્ક વિહોણા
2021 પછી ફરીથી 2025માં વરસાદે તોડ્યો વિક્રમ ( Heavy rain Gujarat )
ભારતીય હવામાન વિભાગ (IMD)ના જણાવ્યા મુજબ, ગુજરાતમાં 2021માં 102% વરસાદનો આંકડો નોંધાવ્યો હતો, અને આ વર્ષે પણ ભારે વરસાદે રાજ્યના ઘણા ભાગોમાં હાહાકાર મચાવ્યો છે. નડાબેટનું રણ જે સામાન્ય રીતે શુષ્ક હોય છે, ભારે વરસાદે દરિયો બની ગયું છે. રાજ્યના મોટા ભાગના ડેમો છલકાઈ ગયા છે. મેશ્વો, વાત્રક, ધરોઈ જેવા ડેમોમાં પણ ઘણા સમય પછી સારા એવા પ્રમાણમાં પાણી આવ્યું છે. મુક્તેશ્વર જેવા નાના ડેમો પણ છલકાઈ ગયા છે. ધોધમાર વરસાદના કારણે નદીકાંઠાના ગામોમાં પૂરનું જોખમ વધ્યું છે. અંબાજી, બનાસકાંઠા, સાબરકાંઠા, મહીસાગર, અરવલ્લીથી લઈને વલસાડ સુધી ભારે વરસાદે ખેતરો, રસ્તાઓ અને ગામોને જળબંબાકાર કરી દીધા છે.
Nadabet માં દરિયાની જેમ રણમાં ઉછળ્યા ઊંચા મોજા | Gujarat First
બનાસકાંઠાના વાવ-થરાદમાં મેઘરાજાની જમાવટ
વાવ-થરાદ સરહદ પર આવેલ નડાબેટમાં પુર જેવી સ્થિતી
દરિયાની જેમ રણમાં ઉછળ્યા ઉચાં મોજા
સુઈગામ-નડાબેટ હાઇવે પર ધોધમાર વરસાદ
રણમાં વરસાદી પાણી ભરાતા 5-5 ફૂટ ઉછળ્યા મોજા#Gujarat… pic.twitter.com/ai5OYUcizE— Gujarat First (@GujaratFirst) September 7, 2025
સાબરમતી નદીના કારણે અમદાવાદમાં પૂર જેવી સ્થિતિ
અમદાવાદમાં ઓગણજ, ગોતા, રાણીપ, ચાંદખેડા, નરોડા જેવા વિસ્તારોમાં 2થી 2.5 ઈંચ વરસાદ નોંધાયો, જેના કારણે રસ્તાઓ પર પાણી ભરાયા છે. સાબરમતી રિવરફ્રન્ટનો વૉક-વે સંપૂર્ણ ડૂબી ગયો અને નદીનું જળસ્તર ઝડપથી વધવાથી નીચાણવાળા વિસ્તારોમાં ચિંતા વધી છે. AMCની ડ્રેનેજ સિસ્ટમની નિષ્ફળતા અને ધીમી કામગીરીએ લોકોમાં નારાજગી પણ જોવા મળી રહી છે. ઉત્તર ગુજરાતમાં સાબરકાંઠા, બનાસકાંઠા, અરવલ્લી, મહીસાગર જેવા જિલ્લાઓમાં અતિભારે વરસાદની આગાહીને કારણે NDRF અને SDRFની ટીમો તૈનાત કરવામાં આવી છે. પોર્ટ પર 3 નંબરનું સિગ્નલ જાહેર કરાયું છે.
આ પણ વાંચો-Mahisagar : મહી નદીકાંઠના 128 ગામોને એલર્ટ, કડાણા ડેમથી 2.01 લાખ ક્યુસેક પાણી છોડાયું
નદીકાંઠે રહેતા લોકોને સલામત સ્થળે ખસેડવાની સૂચના
ગુજરાત રાજ્ય વહીવટે ઓરેન્જ એલર્ટ જાહેર કર્યું છે, અને NDRF, SDRF, ફાયર બ્રિગેડ અને પોલીસની ટીમો નીચાણવાળા વિસ્તારોમાં બચાવ કામગીરી માટે તૈયાર છે. અમદાવાદ મહાનગરપાલિકા (AMC)એ ડ્રેનેજ સફાઈ અને પાણી નિકાલ માટે પંપ ગોઠવવાની શરૂઆત કરી પરંતુ નબળી તૈયારીઓને કારણે સ્થાનિકોમાં નારાજગી છે. જિલ્લા કલેકટરએ નદીકાંઠે રહેતા લોકોને સલામત સ્થળે ખસેડવાની સૂચના આપી અને રાહત શિબિરો ગોઠવવામાં આવી રહી છે. ખેડૂતોના પાકના નુકસાનનું મૂલ્યાંકન કરવા કૃષિ વિભાગની ટીમો મોકલવામાં આવી છે.
Weather Update : રાજ્યમાં આગામી 72 કલાક ભારે વરસાદની આગાહી
ગુજરાત તરફ આગળ વધી રહી છે વરસાદી સિસ્ટમ
દક્ષિણ પશ્ચિમ રાજસ્થાનથી આગળ વધી રહી છે સિસ્ટમ
7 કિમીની ઝડપે પશ્ચિમ-દક્ષિણ પશ્ચિમ તરફ વધી સિસ્ટમ | Gujarat First#Gujarat #HeavyRainAlert #WeatherUpdate #RainSystem #Monsoon2025… pic.twitter.com/ixpN9HSkh3— Gujarat First (@GujaratFirst) September 7, 2025
24થી 48 કલાકમાં Heavy rain Gujarat માં આગાહી
IMDએ ઉત્તર ગુજરાતમાં સાબરકાંઠા, બનાસકાંઠા, અરવલ્લી, મહીસાગર જેવા જિલ્લાઓમાં આગામી 24થી 48 કલાકમાં અતિભારે વરસાદની આગાહી કરી છે. અમદાવાદ, ગાંધીનગર, ખેડા, આણંદમાં ભારે વરસાદની શક્યતા છે, જેના કારણે સાબરમતી, મેશ્વો, વાત્રક જેવી નદીઓનું જળસ્તર વધુ વધી શકે છે. પોર્ટ પર 3 નંબરનું સિગ્નલ જાહેર કરાયું છે, અને નદીકાંઠે રહેતા લોકોને સલામત સ્થળે ખસેડવાની પ્રક્રિયા ઝડપી કરવામાં આવી છે.