Jharkhand : Hemant Soren ની અસલી તાકાતનો થયો ખુલાસો, જેલમાં ગયા છતાં પણ તેમનો જાદુ ચાલ્યો

1. પત્ની કલ્પના સોરેનની મહેનતની પ્રશંસા કરી
2. અત્યાર સુધીની સૌથી મુશ્કેલ ચૂંટણી - Hemant Soren
3. ભાજપે કહ્યું હતું 'બંટી અને બબલીની જોડી' - Hemant Soren

ઝારખંડ (Jharkhand)ના CM હેમંત સોરેને (Hemant Soren) વિધાનસભા ચૂંટણીમાં મોટી જીત નોંધાવી છે. ઝારખંડ મુક્તિ મોરચા (JMM) ની આગેવાની હેઠળના ગઠબંધનને 81 માંથી 57 બેઠકો મળી હતી. તેમણે પિતાની જીતનો શ્રેય તેની પત્ની કલ્પના સોરેન અને મજબૂત ટીમવર્કને આપ્યો છે. હેમંતે કહ્યું કે, આ વખતની ચૂંટણી પડકારજનક હતી, પરંતુ તેઓએ એક થઈને જીત મેળવી.

પત્ની કલ્પના સોરેનની મહેનતની પ્રશંસા કરી...

હેમંત સોરેને (Hemant Soren) તેમની પરની કલ્પનાનની મહેનતની પ્રશંસા કરી હતી અને કહ્યું હતું કે, છેલ્લી વખત લોકસભા ચૂંટણી દરમિયાન જ્યારે તેઓ જેલમાં હતા ત્યારે કલ્પનાએ 'વન મેન આર્મી'ની જેમ કામ કર્યું હતું. આ વખતે બંનેએ સાથે મળીને ઘણી મહેનત કરી હતી, જેનું પરિણામ જીતમાં આવ્યું હતું. તેમની વ્યૂહરચના અને ગ્રાઉન્ડવર્કે મતદારોનો વિશ્વાસ જીત્યો.

ભાજપના મુદ્દાઓને લઈને હેમંતનો જવાબ...

ભાજપે પોતાના પ્રચારમાં બાંગ્લાદેશી ઘૂસણખોરીનો મુદ્દો જોર જોરથી ઉઠાવ્યો હતો. આ અંગે હેમંતે કહ્યું કે, નેતાઓ અને જનતા વચ્ચેનો સંબંધ શિક્ષક અને વિદ્યાર્થી જેવો હોવો જોઈએ. તેમણે મતદારોની જરૂરિયાતોને સમજવા અને તેમના પ્રશ્નોના નિરાકરણ પર ધ્યાન કેન્દ્રિત કર્યું. છેલ્લા પાંચ વર્ષોમાં, તેમની પાર્ટીએ જનતા સાથે ગાઢ સંબંધ બાંધ્યો, જેણે તેમની જીતમાં મદદ કરી.

આ પણ વાંચો : Maharashtra માં મહાયુતિની જીત પર PM મોદીની પહેલી પ્રતિક્રિયા, કહ્યું- આ વિકાસ અને સુશાસનની જીત...

અત્યાર સુધીની સૌથી મુશ્કેલ ચૂંટણી...

જ્યારે તેમને પૂછવામાં આવ્યું કે, શું તેઓ જીતનું દબાણ અનુભવી રહ્યા છે, ત્યારે હેમંતે તેને અત્યાર સુધીની સૌથી મુશ્કેલ ચૂંટણી ગણાવી હતી. તેમણે કહ્યું, “અમારા પર ઘણું દબાણ હતું, પરંતુ ટીમે શાનદાર પ્રદર્શન કર્યું. અમે ભાજપની ખામીઓને ઉજાગર કરતી વખતે અમારા સકારાત્મક કાર્ય પર ધ્યાન કેન્દ્રિત કર્યું. આ અમારી જીતની ચાવી હતી.”

આ પણ વાંચો : Maharashtra Election : જંગી બહુમતી બાદ CM ના ચહેરા પર મહાયુતિના નેતાઓએ શું કહ્યું?

ભાજપે કહ્યું હતું 'બંટી અને બબલીની જોડી'

વિપક્ષી પાર્ટી ભાજપે હેમંત અને કલ્પનાને 'બંટી અને બબલી'ની જોડી ગણાવીને આડે હાથ લીધા હતા. પરંતુ, તેમણે INDIA ગઠબંધન અને ઝારખંડ મુક્તિ મોરચા (JMM) ને રાજ્યમાં સફળતા તરફ લઇ જઈને ટીકાનો યોગ્ય જવાબ આપ્યો છે. ચૂંટણીની જાહેરાત બાદ CM હેમંત સોરેન (Hemant Soren) અને તેમના પત્ની ધારાસભ્ય કલ્પના સોરેન બંનેએ લગભગ 200 ચૂંટણી રેલીઓ યોજી હતી. આ વર્ષની શરૂઆત તેના પતિની ધરપકડ બાદ કલ્પનાએ રાજકારણમાં પ્રવેશ કર્યો હતો.

આ પણ વાંચો : Maharashtra Election : Insta પર 56 લાખ અને FB પર 41 લાખ ફોલોઅર્સ તો પણ વોટ મળ્યા માત્ર 155...