CLOUDBURST : હિમાચલ પ્રદેશના મંડીમાં ભૂસ્ખલન અને વાદળ ફાટવાથી ભારે તબાહી
- સોમવારથી હિમાચલ પ્રદેશની દશા બગડી છે
- વાદળ ફાટ્યા બાદ ભૂસ્ખલનની ઘટનાઓએ ભારે નુકશાન સર્જ્યું
- સ્થાનિકોનુ જનજીવન મોટા પાયે ખોરવાયું હોવાના અહેવાલ
CLOUDBURST : હિમાચલ પ્રદેશ (HIMACHAL PRADESH) માં વાદળ ફાટવા (CLOUDBRUST) અને ભૂસ્ખલનની (LANDSLIDE) ઘટનાઓએ વ્યાપક તબાહી મચાવી છે. રાજ્યમાં જનજીવન અસ્તવ્યસ્ત થઈ ગયું છે અને મોટા પાયે જાનમાલના નુકસાનના અહેવાલો આવી રહ્યા છે. સૌથી વધુ અસરગ્રસ્ત મંડી જિલ્લામાં અત્યાર સુધીમાં 13 લોકોના મોત થયા છે, જ્યારે 29 લોકો હજુ પણ લાપતા છે. રાહત અને બચાવ કાર્ય યુદ્ધના ધોરણે ચાલી રહ્યું છે.
થુનાગ, કારસોગ, જોગીન્દરનગર અને ગૌહર સૌથી વધુ પ્રભાવિત
મળતી1 માહિતી અનુસાર મંડી જિલ્લાના થુનાગ, કારસોગ, જોગીન્દરનગર અને ગૌહર આ આફતથી સૌથી વધુ પ્રભાવિત થયા છે. થુનાગમાં પાંચ કારસોગમાં એક અને ગૌહરમાં સાત લોકોના મોત થયા હતા. આ સાથે જ જોગીન્દરનગરના સ્યાંજમાંથી બે મૃતદેહ મળી આવ્યા છે. ઉપરાંત, થુનાગ, કારસોગ અને ગૌહરના 29 લોકો ગુમ છે.
154 લોકોને બચાવી લેવામાં આવ્યા
ઉપરાંત આ આફતના કારણે મંડી જિલ્લામાં 148 ઘરો, 104 ગાયોના ગોદામ અને 162 પશુઓ માર્યા ગયા હતા. ઉપરાંત, આ દુર્ઘટનામાં 14 પુલોને નુકસાન થયું હતું. 154 લોકોને બચાવી લેવામાં આવ્યા છે. મંડી વહીવટીતંત્રે આપત્તિથી પ્રભાવિત લોકો માટે અનેક રાહત શિબિરો પણ સ્થાપ્યા છે, જેમાં 357 લોકોએ આશ્રય લીધો છે.
મંડીના કારસોગ અને ધરમપુરમાં વાદળ ફાટવા અને પૂરની ઘટના
આ ઘટનાક્રમ દરમિયાન રાષ્ટ્રીય આપત્તિ પ્રતિભાવ દળ (NDRF), રાજ્ય આપત્તિ પ્રતિભાવ દળ (SDRF), પોલીસ, હોમગાર્ડ્સ અને જિલ્લા આપત્તિ વ્યવસ્થાપન સત્તામંડળ (DDMA) ની ટીમો રાહત અને બચાવ કામગીરીમાં જોડાઇ છે. તમને જણાવી દઈએ કે, સોમવાર રાતથી મંડી જિલ્લામાં મુશળધાર વરસાદે ભારે તબાહી મચાવી છે. કારસોગ અને ધરમપુર સબ-ડિવિઝનમાં વાદળ ફાટવા અને અચાનક પૂરની ઘટનાઓને કારણે મોટું નુકસાન થયું છે. આ ઉપરાંત ગોહર અને સદર સબ-ડિવિઝનમાં ભૂસ્ખલન અને પાણી ભરાવાની ઘણી ઘટનાઓ પણ નોંધાઈ છે.
જરૂરી ન હોય ત્યાં સુધી મુસાફરી કરવાનું ટાળો
આ વચ્ચે વહીવટીતંત્રે લોકોને અપીલ કરી છે કે, જ્યાં સુધી જરૂરી ન હોય ત્યાં સુધી મુસાફરી કરવાનું ટાળો અને સરકાર દ્વારા જારી કરવામાં આવેલી સત્તાવાર માર્ગદર્શિકાનું પાલન કરો. વહીવટીતંત્ર દ્વારા બચાવ કામગીરી ઝડપી બનાવવાની સાથે ગુમ થયેલા લોકોને શોધવાના પ્રયાસો કરવામાં આવી રહ્યા છે.
આ પણ વાંચો ---- RBI : બેંકોમાં સાયબર ફ્રોડ અટકાવવા RBI દ્વારા FRI સિસ્ટમ લાગુ કરવા તાકીદ