Hurricane Melissa નો કહેર, કેરેબિયનમાં 75 લોકોના મોત, 50 લાખ પ્રભાવિત

• મેલિસાએ ભારે કેરેબિયનમાં ભારે તારાજીના દ્રશ્યો સર્જ્યા
• યુએનની વિવિધ એજન્સીઓ રાહત કાર્યમાં જોડાઇ
• પાણીથી લઇને જીવન જરૂરિયાતની વસ્તુઓ પહોંચાડાઇ

Hurricane Melissa : વાવાઝોડા મેલિસાએ (Hurricane Melissa) અત્યાર સુધીમાં ક્યુબા, હૈતી અને જમૈકામાં લગભગ 75 લોકો માર્યા ગયા છે અને લગભગ 50 લાખ લોકોને અસર કરી છે. વાવાઝોડાને (Hurricane Melissa) ત્રાટક્યાને એક અઠવાડિયા થઈ ગયો છે.

ઘરો, શાળાઓ અને હોસ્પિટલોને નુકસાન

યુએનના પ્રવક્તા ફરહાન હકે જણાવ્યું હતું કે, વાવાઝોડાએ 770,000 થી વધુ લોકોને તેમના ઘર છોડવા મજબૂર કર્યા છે અને હજારો ઘરો, શાળાઓ અને હોસ્પિટલોને નુકસાન પહોંચાડ્યું છે. યુએન અને તેની વિવિધ એજન્સીઓ આ દેશોની સરકારોને મદદ કરી રહી છે. યુએનની માનવતાવાદી સહાય ટીમે જમૈકામાં રાહત પ્રયાસોને મજબૂત બનાવવા માટે વધારાના કર્મચારીઓ તૈનાત કર્યા છે.

મોબાઇલ વેરહાઉસ, લાઇટિંગ ટાવર અને તંબુ તૈનાત

ક્યુબામાં, ફૂડ એન્ડ એગ્રીકલ્ચર ઓર્ગેનાઇઝેશન ખેડૂતોને કામ ફરી શરૂ કરવામાં મદદ કરવા માટે સાધનો, પશુધનનો ખોરાક અને માછીમારીના સાધનો પૂરા પાડી રહ્યું છે. વર્લ્ડ ફૂડ પ્રોગ્રામે પૂર્વીય પ્રાંતોમાં મોબાઇલ વેરહાઉસ, લાઇટિંગ ટાવર અને તંબુ તૈનાત કર્યા છે. અહેવાલ અનુસાર, યુએનની વિવિધ એજન્સીઓ સમગ્ર પ્રદેશમાં મહત્વપૂર્ણ માનવતાવાદી સહાય પૂરી પાડવામાં સક્રિયપણે રોકાયેલી છે. યુનાઈટેડ નેશન્સ પોપ્યુલેશન ફંડ મહિલાઓ અને છોકરીઓની સલામતી પર ધ્યાન કેન્દ્રિત કરી રહ્યું છે. તે સ્થાનિક સંસ્થાઓ સાથે મળીને આરોગ્ય કીટનું વિતરણ કરવા અને લિંગ-આધારિત હિંસાને રોકવા અને સહાય પૂરી પાડવા માટે કામ કરી રહ્યું છે.

વિવિધ સાધનો પૂરા પડાયા

યુનાઇટેડ નેશન્સ ડેવલપમેન્ટ પ્રોગ્રામ લોકોને તેમના ઘરો અને માળખાં ફરીથી બનાવવામાં મદદ કરવા માટે છત સામગ્રી, સાધનો અને પાવર જનરેટર પૂરા પાડી રહ્યું છે. આ ઉપરાંત, યુનાઇટેડ નેશન્સ ચિલ્ડ્રન્સ ફંડ દરરોજ 16,000 લોકોને સ્વચ્છ પાણી પૂરું પાડવા, રોગ અટકાવવા અને અસરગ્રસ્ત પરિવારોની રહેવાની સ્થિતિમાં સુધારો કરવા માટે પાણી સંગ્રહ અને શુદ્ધિકરણ સાધનો પૂરા પાડી રહ્યું છે. વૈજ્ઞાનિકો માને છે કે, મેલિસા જેવા વાવાઝોડાની તીવ્રતા અને આબોહવા કટોકટી એકબીજા સાથે જોડાયેલી છે. અભ્યાસો અનુસાર, આબોહવા પરિવર્તનને કારણે હવે ગંભીર વાવાઝોડા પહેલા કરતાં પાંચ ગણા વધુ વારંવાર આવી રહ્યા છે.

આ પણ વાંચો -----  યુએસ શટડાઉનની હવાઈ સેવા પર મોટી અસર: 800થી વધુ ફ્લાઈટ્સ રદ, 40 એરપોર્ટ પર 'ફ્લાઇટ કટ' લાગુ