India-Pakistan War : જમ્મુમાં વિસ્ફોટનો અવાજ સંભળાયો, સંપૂર્ણ અંધારપટ, સીએમ ઓમર અબ્દુલ્લાએ તસવીર શેર કરી

• જમ્મુ વિસ્તારમાં ફરી વિસ્ફોટોના અવાજો સંભળાયા
• જમ્મુ-કાશ્મીરના મુખ્યમંત્રીએ બ્લેક આઉટની તસ્વીર શેર કરી
• સીએમએ લોકોને પોતાના ઘરોમાં રહેવાની અપીલ કરી

જમ્મુ-કાશ્મીરમાં ફરી એકવાર જોરદાર વિસ્ફોટોનો અવાજ સંભળાઈ રહ્યો છે. સૂત્રોના જણાવ્યા અનુસાર, ભારત અને પાકિસ્તાન બંને તરફથી ગોળીબાર કરવામાં આવી રહ્યો છે. સંરક્ષણ સૂત્રોએ જણાવ્યું હતું કે જમ્મુ, બારામુલ્લા, શ્રીનગર, અવંતિપોરા, સાંબા, પઠાણકોટ સેક્ટરમાં પાકિસ્તાની ડ્રોન જોવા મળ્યા છે. આ દરમિયાન, જમ્મુ અને કાશ્મીરના મુખ્યમંત્રી ઓમર અબ્દુલ્લાએ કહ્યું કે હું જ્યાં છું ત્યાંથી વિસ્ફોટોના અવાજો સમયાંતરે આવી રહ્યા છે.

આ સાથે, સીએમ ઓમર અબ્દુલ્લાએ લોકોને પોતાના ઘરોમાં રહેવાની અપીલ કરી છે. તેમણે પોતાના એક્સ હેન્ડલ પર લખ્યું, જમ્મુ અને તેની આસપાસના તમામ લોકોને મારી નમ્ર અપીલ છે કે તેઓ ઘરે અથવા નજીકના સ્થળે રહે જ્યાં તમે આગામી થોડા કલાકો માટે આરામથી રહી શકો. અફવાઓ પર ધ્યાન ન આપો, પાયાવિહોણી કે ખોટી વાર્તાઓ ફેલાવશો નહીં. સાથે મળીને આપણે આ પરિસ્થિતિનો સામનો કરીશું.

જમ્મુના સાંબાથી પણ બ્લેકઆઉટના સમાચાર આવી રહ્યા છે. જો સૂત્રોનું માનીએ તો, સાંબાના આકાશમાં પણ સતત અવાજો સંભળાઈ રહ્યા છે. બીજી તરફ, સેનાએ આ કેવા પ્રકારનો અવાજ છે તેની તપાસ શરૂ કરી દીધી છે. શું પાકિસ્તાન તરફથી કોઈ ડ્રોન હુમલો કે તોપમારો થયો છે? આ દરમિયાન, જમ્મુના પૂંછમાં બંને બાજુથી ભારે ગોળીબાર શરૂ થયો છે. નિયંત્રણ રેખા પરથી તોપમારો અને મશીનગન ફાયરના અવાજો આવી રહ્યા છે.

આ પણ વાંચોઃ India-Pakistan War : પાકિસ્તાનનાં ડ્રોન હુમલા બાદ BJP ના ધારાસભ્યનું નિવેદન, અમારા પ્રધાનમંત્રી સક્ષમ છે

શુક્રવારે (9 મે) ના રોજ, પાકિસ્તાને બારામુલ્લા, શ્રીનગર, અવંતિપોરા, નાગરોટામાં ડ્રોન હુમલો કરવાનો પ્રયાસ કર્યો. આ ઉપરાંત, પડોશી દેશ દ્વારા ફિરોઝપુર, પઠાણકોટ, ફાઝિલ્કા, લાલગઢ જટ્ટન, જેસલમેર, બાડમેર અને ભૂજમાં નાપાક પ્રવૃત્તિઓ કરવાનો પ્રયાસ કરવામાં આવ્યો હતો.

આ પણ વાંચોઃ Gandhinagar: CM ભૂપેન્દ્ર પટેલના અધ્યક્ષ સ્થાને મળી બેઠક, સરહદી જિલ્લાઓની સ્થિતિની માહિતી મેળવી