Rahul Gandhi મધ્યરાત્રિએ અચાનક AIIMS ની બહાર જાણો કોને મળવા પહોંચ્યા

• રાહુલ ગાંધી AIIMSમાં દર્દીઓને મળ્યા
• સરકાર પર અસંવેદનશીલતાનો આરોપ
  દર્દીઓને ફૂટપાથ અને સબવે પર સૂવાની ફરજ પાડવામાં આવે છે

કોંગ્રેસના સાંસદ અને લોકસભામાં વિપક્ષના નેતા રાહુલ ગાંધી ગુરુવારે મોડી રાત્રે દિલ્હીની એઈમ્સ હોસ્પિટલની બહાર પહોંચ્યા હતા. તે હોસ્પિટલની આસપાસ શેરીઓ, ફૂટપાથ અને સબવે પર ધામા નાખેલા ઘણા દર્દીઓ અને તેમના પરિવારોને મળ્યા હતા. રાહુલે કેન્દ્ર અને દિલ્હી સરકાર પર તેમના પ્રત્યે અસંવેદનશીલતા દાખવવાનો આરોપ લગાવ્યો છે. તેમણે લોકોની સમસ્યાઓ અને ફરિયાદો વિશે માહિતી મેળવી છે.

સરકાર પર સીધુ નિશાન

ગાંધીએ ઇન્સ્ટાગ્રામ પર લખ્યું, 'રોગનો ભાર, ઠંડી અને સરકારની અસંવેદનશીલતા. આજે હું AIIMS ની બહાર દર્દીઓ અને તેમના પરિવારોને મળ્યો, જેઓ દૂર દૂરથી સારવારની શોધમાં આવ્યા છે. "સારવાર માટે જતી વખતે, તેઓને શેરીઓ, ફૂટપાથ અને સબવે પર સૂવાની ફરજ પાડવામાં આવે છે - ઠંડી જમીન, ભૂખ અને અસુવિધાઓનો સામનો કરીને, આ બધાની વચ્ચે પણ એક આશા છે. કેન્દ્ર અને દિલ્હી બંને સરકાર જનતા પ્રત્યેની પોતાની જવાબદારીઓ નિભાવવામાં સંપૂર્ણપણે નિષ્ફળ ગઈ છે.

કોંગ્રેસે શેર કર્યા ફોટા

આ ઉપરાંત કોંગ્રેસે રાહુલ ગાંધીની તસવીરો પણ શેર કરી છે. કોંગ્રેસે ટ્વિટર પર લખ્યું, 'વિપક્ષ નેતા રાહુલ ગાંધીએ દિલ્હી એઈમ્સની બહાર દર્દીઓ અને તેમના પરિવારોને મળ્યા. દૂર દૂરથી સારવાર માટે આવેલા લોકોને અહીં રસ્તાઓ, ફૂટપાથ અને સબવે પર સૂવાની ફરજ પડે છે. મોદી સરકાર અને દિલ્હી સરકારે તેમને તેમના હાલ પર છોડી દીધા છે. તેમણે પોતાની જવાબદારીથી મોઢું ફેરવી લીધું છે.

'સારવાર માટે મહિનાઓ રાહ જોવી'

બીજી પોસ્ટમાં, કોંગ્રેસે લખ્યું, 'સારવાર માટે મહિનાઓ સુધી રાહ જોવી, અસુવિધા અને સરકારની અસંવેદનશીલતા - આ આજે દિલ્હી એઇમ્સની વાસ્તવિકતા છે.' પરિસ્થિતિ એવી છે કે જે લોકો દૂર દૂરથી પોતાના પ્રિયજનોની બીમારીનો બોજ લઈને આવ્યા છે તેઓ આ કડકડતી ઠંડીમાં ફૂટપાથ અને સબવે પર સૂવા માટે મજબૂર છે. આજે, વિપક્ષી નેતા રાહુલ ગાંધી સારવારની રાહ જોઈ રહેલા દર્દીઓને મળ્યા, તેમની સાથે વાત કરી અને તેમની સમસ્યાઓ સાંભળી છે.

આ પણ વાંચો: Mahakumbh: પ્રયાગરાજમાં જોવા મળ્યા અનોખા કબૂતરવાળા બાબા