Iran : બોમ્બ ધડાકાઓથી તહેરાન સહિતના સૈન્ય મથકો ધણધણી ઉઠ્યાં
- ઈઝરાયેલે ઈરાન પર કર્યો હુમલો
- રાજધાની તેહરાન સહિત તેના સૈન્ય મથકો બોમ્બ ધડાકાથી ધણધણી ઉઠ્યા
- હુમલા બાદ ઈરાન અને ઈરાકે તમામ એરસ્પેસ બંધ કરી દીધી
Israel Attack on Iran : ઈઝરાયેલે ઈરાન પર હુમલો (Israel Attack on Iran)કર્યો છે. શનિવારે વહેલી સવારે ઈરાનની રાજધાની તેહરાન સહિત તેના સૈન્ય મથકો બોમ્બ ધડાકાથી ધણધણી ઉઠ્યા હતા. ઈઝરાયેલી સેના (IDF)એ આ હુમલાની પુષ્ટિ કરી છે. તેણે કહ્યું છે કે ઈરાનના હુમલા બાદ આ કાર્યવાહી કરવામાં આવી છે, ઈરાનના સૈન્ય મથકોને નિશાન બનાવવામાં આવ્યા છે. બીજી તરફ ઈરાની મીડિયા દ્વારા પણ આ હુમલાની માહિતી આપવામાં આવી છે. તેમાં કહેવામાં આવ્યું છે કે તેહરાન નજીકના અનેક સૈન્ય ઠેકાણાઓને નિશાન બનાવવામાં આવ્યા છે.
ઇઝરાયેલને પણ જવાબ આપવાનો અધિકાર
હુમલાની પુષ્ટિ કરતા IDFએ સોશિયલ મીડિયા પર કહ્યું કે ઈરાન દ્વારા ઈઝરાયેલ વિરુદ્ધ મહિનાઓ સુધી સતત હુમલાના જવાબમાં આ કાર્યવાહી કરવામાં આવી છે. ઈઝરાયેલના સંરક્ષણ દળો ઈરાનમાં સૈન્ય લક્ષ્યો પર ચોક્કસ હુમલાઓ કરી રહ્યા છે. ઈરાન અને તેના પ્રોક્સીઓ ઑક્ટોબર 7 થી સાત મોરચે ઇઝરાયેલ પર હુમલો કરી રહ્યા છે, IDF એ ઉમેર્યું હતું કે, ઈરાની ભૂમિ પરથી સીધા હુમલાઓ સહિત. વિશ્વના દરેક સાર્વભૌમ દેશની જેમ, ઇઝરાયેલને પણ જવાબ આપવાનો અધિકાર છે. ઇઝરાયેલ અને તેના લોકોના રક્ષણ માટે જે જરૂરી હશે તે કરવામાં આવશે.
આ પણ વાંચો----Israel તૂટી પડ્યું.. લેબનોનમાં 10 એરસ્ટ્રાઇક
The Chief of the General Staff, LTG Herzi Halevi, is currently commanding the strike on Iran from the Israeli Air Force underground command center in Camp Rabin (The Kirya) with the Commanding Officer of the Israeli Air Force, Maj. Gen. Tomer Bar. pic.twitter.com/HChm7XdTds
— Israel Defense Forces (@IDF) October 26, 2024
ઈઝરાયેલે તસવીર શેર કરી
ઇઝરાયેલ આર્મી IDF દ્વારા સોશિયલ મીડિયા પ્લેટફોર્મ 'X' પર એક તસવીર પણ શેર કરવામાં આવી છે. તેમાં ઇઝરાયેલના આર્મી ચીફ ઓફ જનરલ સ્ટાફ એલટીજી હરઝી હલેવી સામેલ હતા, જે હાલમાં કેમ્પ રાબિન (ધ કિર્યા) ખાતે ઇઝરાઇલી એરફોર્સના ભૂગર્ભ કમાન્ડ સેન્ટરમાંથી ઇરાન પરના હુમલાને કમાન્ડ કરી રહ્યા છે, તેની સાથે ઇઝરાયેલી એરફોર્સના કમાન્ડિંગ ઓફિસર મેજર જનરલ ટોમર બાર પણ સામેલ હતા. મળતી માહિતી મુજબ, ઈરાન વિરુદ્ધ હુમલામાં સોથી વધુ ઈઝરાયેલના સૈન્ય વિમાન સામેલ છે. હુમલા બાદ ઈરાન અને ઈરાકે તમામ એરસ્પેસ બંધ કરી દીધી છે.
In response to months of continuous attacks from the regime in Iran against the State of Israel—right now the Israel Defense Forces is conducting precise strikes on military targets in Iran.
The regime in Iran and its proxies in the region have been relentlessly attacking… pic.twitter.com/OcHUy7nQvN
— Israel Defense Forces (@IDF) October 25, 2024
ઈરાને ઈઝરાયેલ પર હુમલો કર્યો
આપને જણાવી દઈએ કે તાજેતરમાં લેબનોનમાં હિઝબુલ્લાના ચીફ હસન નસરાલ્લાહના મોત બાદ ઈરાને ઈઝરાયેલ પર હુમલો કર્યો હતો. ઈરાન તરફથી ઈઝરાયેલ પર 100 થી વધુ મિસાઈલો છોડવામાં આવી હતી. જોકે, ઈઝરાયલે કહ્યું કે તેણે મોટાભાગની મિસાઈલોને હવામાં તોડી નાખી છે. આ હુમલા બાદ ઈઝરાયેલના પીએમ બેન્જામિન નેતન્યાહુએ કહ્યું હતું કે ઈરાનને આ હુમલાની કિંમત ચૂકવવી પડશે. ત્યારથી એવી આશંકા હતી કે ઈઝરાયેલ કોઈપણ સમયે ઈરાન પર હુમલો કરી શકે છે.
હિઝબુલ્લાએ પણ ઈઝરાયેલ પર હુમલો કર્યો હતો
બીજી તરફ હિઝબુલ્લાએ કહ્યું છે કે તેણે લેબનોનથી ઈઝરાયેલ પર હુમલો કર્યો છે. હિઝબુલ્લાહે કહ્યું કે તેણે આત્મઘાતી ડ્રોન અને મિસાઇલોના સ્ક્વોડ્રનનો ઉપયોગ કરીને ઉત્તરી ઇઝરાયેલી શહેરમાં ઘણા લક્ષ્યોને નિશાન બનાવ્યા છે.
આ પણ વાંચો---Israel Hezbollah War : હિઝબુલ્લાહે ઇઝરાયેલ પર હુમલો કર્યો, અંધાધૂંધ રોકેટ ફાયર કર્યા