ગુજરાતમાં કરાર આધારિત અસિસ્ટન્ટ પ્રોફેસરોના ઓછા પગારનો મુદ્દો : સુપ્રીમ કોર્ટે ગુજરાત સરકારને લગાવી ફટકાર

• ગુજરાતમાં અસિસ્ટન્ટ પ્રોફેસરોના ઓછા પગાર પર સુપ્રીમ કોર્ટ નારાજ
• સુપ્રીમ કોર્ટે ગુજરાત સરકારને ફટકારી: અસિસ્ટન્ટ પ્રોફેસરોના પગારમાં સમાનતા લાવો
• ગુજરાતમાં કોન્ટ્રાક્ટ પ્રોફેસરોનો 30,000નો પગાર: સુપ્રીમ કોર્ટે માગી સ્પષ્ટતા
• અસિસ્ટન્ટ પ્રોફેસરોની વેતન અસમાનતા: સુપ્રીમ કોર્ટે ગુજરાત સરકારને લગાવી ફટકાર
• ગુજરાતમાં એડહૉક નિમણૂકો પર સુપ્રીમ કોર્ટની ટીકા: પગાર વધારવા આદેશ

નવી દિલ્હી/ગાંધીનગર : ગુજરાતમાં કોન્ટ્રાક્ટ આધારિત અસિસ્ટન્ટ પ્રોફેસરોને અપાતા ઓછા પગારના મુદ્દે સુપ્રીમ કોર્ટે રાજ્ય સરકારને ફટકાર લગાવી છે. કોર્ટે ગુજરાત સરકારને આ વેતનના અસમાનતાને યુક્તિસંગત ઠેરવવા અને તેના પર વિચાર કરવા આદેશ આપ્યો છે. હાલમાં ગુજરાતમાં કોન્ટ્રાક્ટ આધારિત અસિસ્ટન્ટ પ્રોફેસરોને માત્ર 30,000 રૂપિયા માસિક પગાર આપવામાં આવે છે, જ્યારે કોન્ટ્રાક્ટ પર લેવામાં આવેલા અસિસ્ટન્ટ પ્રોફેસરોને આશરે 1,16,000 રૂપિયા અને રેગ્યુલર અસિસ્ટન્ટ પ્રોફેસરોને આશરે 1,36,952 રૂપિયા માસિક પગાર મળે છે, ભલે તેઓ બધા સમાન કાર્ય કરે છે.

ન્યાયમૂર્તિ પી.એસ. નરસિમ્હા અને ન્યાયમૂર્તિ જોયમાલ્ય બાગચીની ખંડપીઠે આ મુદ્દે ચિંતા વ્યક્ત કરતાં કહ્યું, “આ ચિંતાજનક છે કે સમાન કામ કરતા અસિસ્ટન્ટ પ્રોફેસરોને આટલો મોટો પગારનો તફાવત આપવામાં આવે છે.” ખંડપીઠે ગુજરાત સરકારને આદેશ આપ્યો કે કોન્ટ્રાક્ટ આધારિત અસિસ્ટન્ટ પ્રોફેસરોને પણ ન્યૂનતમ સ્વીકૃત વેતનમાન આપવું જોઈએ. કોર્ટે એમ પણ ઉમેર્યું કે, “સમાનતાના દાવા કરતાં પણ વધુ ચિંતાજનક એ છે કે લગભગ બે દાયકાથી અસિસ્ટન્ટ પ્રોફેસરના પદ પર ઓછા પગારે કામ કરાવવામાં આવે છે.”

આ પણ વાંચો- ખંડણીખોરનો પિતાને ફોન ; પૈસા નહીં મોકલાવો તો છોકરાને જીવનભર જોઈ શકશો નહીં

સુપ્રીમ કોર્ટે ગુજરાત સરકારની કોન્ટ્રાક્ટ આધારિત નિમણૂકોની નીતિની પણ ટીકા કરી છે. કોર્ટને જણાવવામાં આવ્યું કે ગુજરાતમાં અસિસ્ટન્ટ પ્રોફેસરના 2,720 સ્વીકૃત પદોમાંથી માત્ર 923 પદો જ રેગ્યુલર નિમણૂકો દ્વારા ભરાયા છે. બાકીની ખાલી જગ્યાઓ ભરવા માટે રાજ્ય સરકારે 158 પદો એડહૉક નિમણૂકો દ્વારા અને 902 પદો કોન્ટ્રાક્ટ આધારે ભર્યા છે. આ નીતિને કારણે શૈક્ષણિક ગુણવત્તા અને અસિસ્ટન્ટ પ્રોફેસરોના અધિકારો પર અસર પડી રહી છે.

સુપ્રીમ કોર્ટે ગુજરાત હાઇકોર્ટના બે ચુકાદાઓ સામે દાખલ કરાયેલી અપીલો પર ચુકાદો આપ્યો જેમાં સમાન કામ માટે સમાન વેતનની માગણી કરવામાં આવી હતી. કોર્ટે રાજ્ય સરકારને આ વેતનની અસમાનતાને યુક્તિસંગત ઠેરવવા અને કોન્ટ્રાક્ટ આધારિત અસિસ્ટન્ટ પ્રોફેસરોને યોગ્ય વેતન આપવા માટે પગલાં લેવાનો આદેશ આપ્યો છે. કોર્ટે સ્વીકૃત પદો ખાલી રાખીને એડહૉક નિમણૂકો કરવાની પ્રથાની પણ ટીકા કરી અને રાજ્ય સરકારને આ ખામીઓ દૂર કરવા જણાવ્યું છે.

આ પણ વાંચો- બનાસકાંઠામાં NHAIની બેદરકારી : થરાના સર્વિસ રોડના ખાડાઓથી અકસ્માત, ધારાસભ્યએ મુખ્યમંત્રીને લખ્યો પત્ર