Jammu Kashmir: 35 વર્ષીય Kashmiri Pandit નર્સ સરલા ભટ્ટની હત્યા કેસમાં યાસીન મલિકના ઘરે દરોડા

• કાશ્મીરી પંડિત (Kashmiri pandit) નર્સ સરલા ભટ્ટની હત્યાના કેસમાં આ કાર્યવાહી
• એપ્રિલ 1990 માં થયેલી આ હત્યાની તપાસ માટે SIA એ પહેલી વાર દરોડા પાડ્યા
• કાશ્મીરી પંડિતો પર હુમલાની ઘણી ઘટનાઓ પ્રકાશમાં આવી હતી

Jammu Kashmir: ખાસ તપાસ એજન્સી (SIA) એ મંગળવારે શ્રીનગરમાં 8 સ્થળોએ દરોડા પાડ્યા. 1990 માં કાશ્મીરી પંડિત (Kashmiri pandit) નર્સ સરલા ભટ્ટની હત્યાના કેસમાં આ કાર્યવાહી કરવામાં આવી છે. એપ્રિલ 1990 માં થયેલી આ હત્યાની તપાસ માટે SIA એ પહેલી વાર દરોડા પાડ્યા છે. સૂત્રોએ જણાવ્યું હતું કે આ કેસ તે સમયનો છે જ્યારે કાશ્મીરી પંડિતો પર હુમલાની ઘણી ઘટનાઓ પ્રકાશમાં આવી હતી.

JKLFના ભૂતપૂર્વ વડા યાસીન મલિકના નિવાસસ્થાને પણ દરોડા

લેફ્ટનન્ટ ગવર્નર વહીવટીતંત્રે તાજેતરમાં 1990 ના દાયકાની શરૂઆતમાં થયેલી કાશ્મીરી પંડિતો (Kashmiri pandit) ની ઘણી હત્યાઓના કેસ ફરીથી ખોલવાનો નિર્ણય લીધો હતો. આ નિર્ણય હેઠળ, SIA એ આ કાર્યવાહી શરૂ કરી છે. શ્રીનગરના મૈસુમા વિસ્તારમાં જમ્મુ કાશ્મીર લિબરેશન ફ્રન્ટ (JKLF) ના ભૂતપૂર્વ વડા યાસીન મલિકના નિવાસસ્થાને પણ દરોડા પાડવામાં આવ્યા છે. આ ઉપરાંત, જે સ્થળોએ દરોડા પાડવામાં આવ્યા હતા તે મોટાભાગની જગ્યાઓ JKLFના ભૂતપૂર્વ કમાન્ડરોના છુપાયેલા સ્થળો હોવાનું જાણવા મળી રહ્યું છે.

(Kashmiri pandit) હોસ્ટેલમાંથી અપહરણ, ગોળીઓથી વિંધાયેલો મૃતદેહ મળી આવ્યો

અહેવાલો અનુસાર, (Kashmiri pandit) નર્સ સરલા ભટ્ટનું 1990 ના દાયકાની શરૂઆતમાં અપહરણ કરવામાં આવ્યું હતું અને બીજા દિવસે શ્રીનગરના સૌરા વિસ્તારમાંથી તેમનો ગોળીઓથી વિંધાયેલો મૃતદેહ મળી આવ્યો હતો. તે શેર-એ-કાશ્મીર ઇન્સ્ટિટ્યૂટ ઓફ મેડિકલ સાયન્સની હોસ્ટેલમાં રહેતી હતી, જ્યાંથી તેમનું અપહરણ કરવામાં આવ્યું હતું.

સ્થાનિક પોલીસ સ્ટેશને કેસ નોંધ્યો હતો, હવે SIA તપાસ કરી રહી છે

આ કેસ શરૂઆતમાં નિગીન પોલીસ સ્ટેશનમાં નોંધવામાં આવ્યો હતો. બાદમાં કેસ SIAમાં ટ્રાન્સફર કરવામાં આવ્યો હતો. JKLFના ભૂતપૂર્વ નેતા પીર નૂરુલ હક શાહ ઉર્ફે એર માર્શલ પણ તે લોકોમાં હતા. એજન્સીના અધિકારીઓ દ્વારા 8 સ્થળોમાંથી એક, તેમના ઘરની પણ તપાસ કરવામાં આવી હતી.

આ પણ વાંચો: Ahmedabad News: ગોતા વિસ્તારમાં અંડર ગ્રાઉન્ડ ટાંકીમાં બાળક પડતા મોત