બિહારમાં જન સૂરાજ પાર્ટીએ 51 ઉમેદવારની પ્રથમ યાદી જાહેર કરી, પ્રશાંત કિશોરની ચૂંટણી લડવા પર સસ્પેન્સ યથાવત

• બિહારમાં Jan Suraaj Party એ ઉમેદવારની પ્રથમ યાદી જાહેર કરી
• બિહારમાં ચૂંટણી માટે પ્રશાંત કિશોરની પાર્ટી એ 51 ઉમેદવાર જાહેર કર્યા
• બિહારમાં જન સૂરાજ પાર્ટીના આગમનથી અનેક પાર્ટીના બગડી શકે છે સમીકરણ

બિહારમાં પ્રશાંત કિશોર (PrashantKishor )ની નવી પાર્ટી જન સૂરજ (JanSuraj) ની ધમાકેદાર એન્ટ્રીથી ભારે ગરમાવો આવ્યો છે. લાંબા સમયની તૈયારીઓ પછી, જન સૂરાજે આગામી ચૂંટણી માટે પોતાના 51 ઉમેદવારોની પ્રથમ યાદી (Candidate List)  જાહેર કરી છે. આ જાહેરાતથી રાજ્યના રાજકારણમાં નવી હલચલ પેદા થઈ છે.પ્રશાંત કિશોરની પાર્ટી જન સૂરાજ અનેક પાર્ટીના સમીકરણ બગાડી શકે તેવી પ્રબળ સંભાવના છે.

બિહારમાં Jan Suraaj Party એ ઉમેદવારની પ્રથમ યાદી જાહેર કરી

નોંધનીય છે કે આ યાદીમાં સૌથી મોટું આકર્ષણ નીતિશ કુમારના એક સમયના નિકટના ગણાતા નેતા આરસીપી સિંહની પુત્રી લતા સિંહ છે, જેમને નાલંદાની અસ્થાવન બેઠક પરથી ઉમેદવાર બનાવવામાં આવ્યા છે. આ ઉપરાંત ભોજપુરી અભિનેતા રિતેશ પાંડેને રોહતાસની કરગહર બેઠક પરથી ટિકિટ આપવામાં આવી છે. મહત્વનું છે કે અગાઉ એવી અટકળો હતી કે પ્રશાંત કિશોર પોતે આ બ્રાહ્મણ પ્રભુત્વ ધરાવતા મતવિસ્તારમાંથી ચૂંટણી લડશે.

जन सुराज पार्टी के उम्मीदवारों की पहली सूची! pic.twitter.com/SAbBwe36ws

— Manoj Bharti (@ManojBhartiJSP) October 9, 2025

Jan Suraaj Party એ આ ઉમેદવારોની જાહેરાત કરી

જન સૂરજની પ્રથમ યાદીમાં વિવિધ ક્ષેત્રોના અગ્રણીઓ અને જાણીતા ચહેરાઓનો સમાવેશ થાય છે. પ્રખ્યાત ચિકિત્સક અમન કુમાર દાસ મુઝફ્ફરપુરથી અને ડૉ. અરુણ કુમાર મોતીહારીથી ચૂંટણી લડશે. અન્ય મુખ્ય ઉમેદવારોમાં સુનિલ કુમાર (લોરિયા), ઉષા કિરણ (સીતામઢી), રામ પ્રવેશ યાદવ (સુપૌલ નિર્માલી), અને મોહમ્મદ શાહનવાઝ આલમ (પૂર્ણિયા બૈસી) નો સમાવેશ થાય છે. આ ઉપરાંત, આરકે મિશ્રા દરભંગાથી અને જયપ્રકાશ સિંહ છપરાથી ઉમેદવાર હશે.

જોકે, સૌથી મોટું સસ્પેન્સ એ છે કે પ્રશાંત કિશોર પોતે ચૂંટણી લડશે કે નહીં. પાર્ટીના નેતા ઉદય સિંહે સ્પષ્ટતા કરતા કહ્યું છે કે, "પીકે ચૂંટણી લડશે કે નહીં તે હજુ નક્કી નથી. જો તેમનું નામ યાદીમાં આવશે તો તેઓ ચૂંટણી લડશે; જો નહીં તો તેઓ નહીં લડે. અમે ત્રણથી ચાર દિવસમાં તમામ 241 બેઠકો માટે ઉમેદવારોના નામ જાહેર કરીશું."

આ પણ વાંચો :  Uttar Pradesh: કાનપુરમાં બે સ્કૂટરમાં વિસ્ફોટ મામલે થયો ચોંકાવનારો ખુલાસો