• અમદાવાદ અકસ્માત: ઝાંસીની રાણી BRTS પાસે બે યુવાનોના મોત, રોહન સોનીની ધરપકડ
• અમદાવાદ: બ્રેઝા ગાડીથી બે યુવાનોનો જીવ લેનાર રોહન સોનીને પોલીસે ઝડપી પાડ્યો
• પાર્ટી બાદ અકસ્માત: ઝાંસીની રાણી BRTS પાસે રોહન સોનીની કારે એક્ટિવાને ટક્કર મારી
• અમદાવાદમાં ભયાનક અકસ્માતમાં રોહન સોની ઝડપાયો, સીસીટીવી ફૂટેજથી તપાસ શરૂ

અમદાવાદના ઝાંસીની રાણી BRTS બસ સ્ટેન્ડ પાસે રવિવારે મોડી રાત્રે (11 ઓગસ્ટ 2025) લગભગ 1:30 વાગ્યે એક ભયાનક અકસ્માતની ઘટના બની, જેમાં બે યુવાનો, અકરમ કુરેશી (22 વર્ષ) અને અલ્તાફ અજમેરી (32 વર્ષ)નું મોત થયું છે. આ ઘટનામાં 20 વર્ષના રોહન સોની નામના આરોપીએ પોતાની સફેદ બ્રેઝા કારથી એક્ટિવા પર જઈ રહેલા બે યુવાનોને પૂરપાટ ઝડપે ટક્કર મારી હતી. ટક્કર એટલી જોરદાર હતી કે એક્ટિવા અને તેના પર સવાર બંને યુવકો 100 ફૂટ સુધી ફંગોળાઈ ગયા હતા. અકરમનું ઘટનાસ્થળે જ મોત થયું, જ્યારે અલ્તાફનું હોસ્પિટલમાં સારવાર દરમિયાન મોત થયું છે.

Ahmedabad માં ઝાંસીની રાણી BRTS બસ સ્ટેશન પાસે અકસ્માત | Gujarat First

અકસ્માતની ઘટનાને લઇ ટ્રાફિક DCP નિતા દેસાઇનું નિવેદન
રાત્રે દોઢ વાગ્યે અકસ્માતની ઘટના બની હતી: નિતા દેસાઇ
એકટીવા ચાલક યુવાનોને સફેદ બ્રેઝાએ ટક્કર મારી: નિતા દેસાઇ
અક્સ્માત બાદ ચાલક કાર મૂકીને ભાગી ગયો હતો:… pic.twitter.com/GGSfYElQwx

— Gujarat First (@GujaratFirst) August 11, 2025

પોલીસે આરોપી રોહન સોનીની ધરપકડ કરી લીધી છે. તપાસમાં જાણવા મળ્યું કે રોહન, તેના મિત્રો દક્ષ અને ભવ્ય સાથે પાલડીના પરીમલ ગાર્ડન નજીકના ફ્લેટમાં મિત્રની જન્મદિવસની ઉજવણી કરી રહ્યો હતો. પાર્ટી પૂરી થયા બાદ રોહન (બ્રેઝા કાર), દક્ષ (થાર કાર) અને ભવ્ય (વોક્સવેગન કાર) નાસ્તો કરવા માટે નીકળ્યા હતા. અકસ્માત સમયે રોહન બ્રેઝા કારમાં એકલો હતો. અકસ્માત બાદ તેણે કાર ઘટનાસ્થળે મૂકીને રિક્ષામાં બેસીને પોતાના મામાના ઘરે ભાગી ગયો હતો. જોકે, પોલીસે તેને રાઉન્ડ અપ કરીને પૂછપરછ કરી અને તેની ધરપકડ કરી છે. રોહન પાસે ડ્રાઇવિંગ લાઇસન્સ હોવાનું પણ જાણવા મળ્યું છે.

આ પણ વાંચો-Vadodara : મંચ પરથી ગૃહમંત્રીએ સ્વચ્છતાની જે વાત કહી, તેનું પોતે પણ પાલન કર્યું

પોલીસ તપાસ અને સીસીટીવી ફૂટેજ

એન ડિવિઝન ટ્રાફિક પોલીસે તાત્કાલિક ઘટનાસ્થળે પહોંચીને બ્રેઝા કાર કબજે કરી લીધી હતી. આસપાસના સીસીટીવી ફૂટેજના આધારે તપાસ શરૂ કરવામાં આવી છે, જેમાં કારની ઝડપ અને અકસ્માતના ચોક્કસ કારણોની ખરાઈ કરવામાં આવી રહી છે. પોલીસે વાહનના માલિકની ઓળખ પણ કરી લીધી છે અને યાંત્રિક તપાસ શરૂ કરી છે. રોહન અને તેના પરિવારજનો પોલીસ સમક્ષ હાજર થયા છે, અને તેમણે સ્વીકાર્યું છે કે રોહન મિત્રની જન્મદિવસની પાર્ટીમાં હાજર હતો.

મિત્રની બર્થ-ડે પાર્ટીમાંથી નિકળ્યા પછી પૈસાદાર બાપની બગડેલી છોકરાઓએ રેસ લગાવી હતી. સીસીટીવી કેમેરામાં પણ ત્રણેય મિત્રોની ગાડીઓ ખુબ જ સ્પીડમાં રેસ લગાવી રહી હોય તેવું સ્પષ્ટ દેખાઈ રહ્યું છે. જોકે, પોલીસ આ અંગે કહી રહી છે કે, અમે બીજા પણ કેટલાક સીસીટીવી ચેક કરીને આરોપીઓ દ્વારા રેસ લગાવવામાં આવી હતી કે કેમ તેની તપાસ કરીશું.

આ ઘટનાએ અમદાવાદમાં માર્ગ સલામતી અને રાત્રિના સમયે ઝડપી ડ્રાઇવિંગના મુદ્દે ચર્ચા જગાવી છે. છેલ્લા બે દિવસમાં અમદાવાદમાં ચાર અકસ્માતમાં ચાર લોકોના મોત થયા છે, જેમાં ઝાંસીની રાણી BRTS બસ સ્ટેન્ડ પાસેની આ ઘટના ઉપરાંત, પાલડી વિસ્તારમાં એક ટુ-વ્હીલર ચાલકનું મોત અને શનિવારે રોડ ક્રોસ કરતા એક યુવકનું મોત થયું હતું. આવી ઘટનાઓએ શહેરની ટ્રાફિક વ્યવસ્થા અને નાઇટ પેટ્રોલિંગની અસરકારકતા પર સવાલ ઉઠાવ્યા છે.

આ પણ વાંચો-CMA Result : CMA ઇન્ટરમિડીયેટ અને ફાયનલ પરીક્ષામાં સુરતીઓની બોલબાલા

ગુજરાતમાં રસ્તાના અસૂરોની માનસીક બ્રેક ફેઈલ !
Ahmedabad માં ઝાંસીની રાણી BRTS બસ સ્ટેશન પાસે અકસ્માત
Surat માં બેફામ કાર ચાલકનો કહેર આવ્યો સામે
Junagadh ના માળીયા હાટીનામાં બેફામ કારચાલક ઝડપાયો
Ahmedabad માં પિકઅપ બોલેરો ચાલકે 3 વાહનોને લીધા હતા અડફેટે#Gujarat #Accident… pic.twitter.com/8CQ9uwJnGt

— Gujarat First (@GujaratFirst) August 11, 2025

સ્થાનિક લોકોમાં રોષની લાગણી

સ્થાનિક લોકોએ આ ઘટનાને લઈને રોષ વ્યક્ત કર્યો છે અને પોલીસને ઝડપી ડ્રાઇવિંગ અને ગેરજવાબદાર વર્તન સામે કડક પગલાં લેવાની માંગ કરી છે. સોશિયલ મીડિયા પર પણ આ ઘટના ચર્ચામાં છે, જ્યાં લોકો યુવાનોમાં ઝડપી ડ્રાઇવિંગ અને રાત્રે પાર્ટીઓ બાદ ગેરજવાબદારીથી વાહન ચલાવવાની વૃત્તિ પર ચિંતા વ્યક્ત કરી રહ્યા છે. કેટલાક લોકોએ પોલીસની ઝડપી કાર્યવાહીની પ્રશંસા કરી જ્યારે અન્યએ રાત્રે ટ્રાફિક નિયમોનું પાલન કરાવવા માટે વધુ કડક વ્યવસ્થાની જરૂરિયાત દર્શાવી છે.

અમદાવાદના ઝાંસીની રાણી સ્ટેચ્યુ BRTS બસ સ્ટેન્ડના હિટ એન્ડ રન કેસમાં પોલીસ તેની પણ જાણકારી મેળવી રહી છે કે, આરોપી રોહને ડ્રિંગ કર્યું હતું કે નહીં. ઉલ્લેખનિય છે કે, અમદાવાદમાં રાત્રિના સમયે જ સૌથી વધારે ગંભીર અકસ્માત નોંધાયા છે. ઇસ્કોન બ્રિજ ઉપર તથ્ય પટેલે પોતાની લક્ઝરી ગાડીથી નવ લોકોને ઉડાવી દીધા હતા. અમદાવાદમાં ગંભીર પ્રકારની હિટ એન્ડ રન કેસ વારંવાર થતાં હોવા છતાં તેનો કોઈ નક્કર ઉકેલ લાવવામાં આવી રહ્યો નથી.

આ પણ વાંચો-ગીર સોમનાથ: પૂંજા વંશના દારૂના આરોપોને પોલીસે ગણાવ્યા ખોટા, વીડિયો પુરાવા જૂના