જમ્મુ-કાશ્મીરમાં રાજ્યસભાની ચૂંટણીના પરિણામ જાહેર,3 નેશનલ કોન્ફરન્સ અને એક બેઠક પર ભાજપની જીત
- જમ્મુ- કાશ્મીર માં રાજ્યસભાની ચાર બેઠકોના પરિણામ જાહેર
- નેશનલ કોન્ફરન્સે જીતી ચારમાંથી 3 બેઠકો જીતી
- રાજ્યસભાની એક બેઠક પર ભાજપની થઇ જીત
જમ્મુ અને કાશ્મીરમાં રાજ્યસભાની ચાર બેઠકો માટે થયેલી ચૂંટણીના પરિણામો જાહેર થઈ ગયા છે. નેશનલ કોન્ફરન્સ (NC) ના ઉમેદવારોએ ચારમાંથી ત્રણ બેઠકો જીતી છે, જ્યારે ભાજપે ચોથી બેઠક જીતી છે. નેશનલ કોન્ફરન્સના ચૌધરી મોહમ્મદ રમઝાન, સજ્જાદ અહેમદ કિચલૂ અને શમી ઓબેરોય ચૂંટણી જીતી ગયા છે, જ્યારે ભાજપના સત શર્મા ચોથી બેઠક પર જીત્યા છે. સત શર્માને 32 મત મળ્યા છે. સત શર્મા હાલમાં જમ્મુ અને કાશ્મીર ભાજપના પ્રમુખ છે.
જમ્મુ- કાશ્મીર માં રાજ્યસભાની ચાર બેઠકોના આવ્યા પરિણામ
Rajya Sabha elections | JKNC senior leader Choudhary Mohammad Ramzan elected to the Rajya Sabha from Jammu and Kashmir, after winning by 58 votes. Party leaders Sajad Kichloo and Shammi Oberoi also won two respective seats, says the National Conference.
— ANI (@ANI) October 24, 2025
નેશનલ કોન્ફરન્સના ઉમેદવાર જી.એસ. ઓબેરોય, જેઓ શમ્મી ઓબેરોય તરીકે પણ ઓળખાય છે, તેઓ રાજ્યસભામાં ચૂંટાયેલા જમ્મુ અને કાશ્મીરના પ્રથમ શીખ નેતા હશે.NC એ ભાજપના સત શર્મા સામે પાર્ટીના ખજાનચી જી.એસ. ઓબેરોય અને યુવા રાજ્ય પ્રવક્તા ઇમરાન નબી ડારને મેદાનમાં ઉતાર્યા હતા.
જમ્મુ- કાશ્મીર માં નેશનલ કોન્ફરન્સે જીતી ચારમાંથી 3 બેઠકો
નોંધનીય છે કે 5 ઓગસ્ટ, 2019ના રોજ જમ્મુ અને કાશ્મીરમાંથી કલમ 370 નાબૂદ કરીને તેને બે કેન્દ્રશાસિત પ્રદેશોમાં વિભાજીત કર્યા પછી યોજાયેલી આ પ્રથમ રાજ્યસભા ચૂંટણી છે.ચૂંટણી પંચે જમ્મુ અને કાશ્મીરમાં ચાર રાજ્યસભા બેઠકો માટે ત્રણ અલગ-અલગ સૂચનાઓ જારી કરી હતી. બે બેઠકો માટે ચૂંટણી અલગથી યોજાઈ હતી, જ્યારે અન્ય બે બેઠકો માટે ચૂંટણી એક જ સૂચના હેઠળ યોજાઈ હતી.
NCને PDP અને કોંગ્રેસનો ટેકો
ચૂંટણી પહેલાં, શાસક નેશનલ કોન્ફરન્સને પીડીપી (PDP) અને કોંગ્રેસ બંનેએ ટેકો આપવાની જાહેરાત કરી હતી. નેશનલ કોન્ફરન્સ અને પીડીપીએ ગુરુવારે (23 ઓક્ટોબર) તેમના ધારાસભ્યોને શાસક પક્ષના ઉમેદવારોની તરફેણમાં મતદાન કરવા માટે ત્રણ-લાઇન વ્હીપ (Whip) પણ જારી કર્યા હતા.જમ્મુ અને કાશ્મીર વિધાનસભામાં કુલ 88 ધારાસભ્યો છે. NC અને PDPના નેતૃત્વ હેઠળના શાસક ગઠબંધન પાસે કુલ 57 ધારાસભ્યોનું સંખ્યાબળ છે. વિપક્ષમાં ભાજપ પાસે 28 ધારાસભ્યો છે. ભાજપે તેની ત્રીજી સૂચનામાં વ્યૂહાત્મક રીતે તેના જમ્મુ અને કાશ્મીર એકમના વડા, સત શર્માને ઉમેદવાર બનાવ્યા હતા.