Maharashtra માં Ambulance માં ભયાનક આગ બાદ થયો જોરદાર વિસ્ફોટ, Video Viral

1. Maharashtra માં Ambulance જોરદાર વિસ્ફોટ
2. ગર્ભવતી મહિલાને લઇ જી રહી હતી Ambulance
3. વિસ્ફોટના કારણે Ambulance ના ટુકડા થઇ ગયા

મહારાષ્ટ્ર (Maharashtra)ના જલગાંવમાં એક ભયાનક અકસ્માત સર્જાયો છે. હકીકતમાં, ગર્ભવતી મહિલાને હોસ્પિટલ લઈ જતી એમ્બ્યુલન્સમાં ભીષણ આગ ફાટી નીકળી હતી. આટલું જ નહીં આગના કારણે એમ્બ્યુલન્સમાં રાખેલા સિલિન્ડરમાં એટલો જોરદાર વિસ્ફોટ થયો કે એમ્બ્યુલન્સના ટુકડા થઈ ગયા. એમ્બ્યુલન્સમાં ઓક્સિજન સિલિન્ડર ફાટવાને કારણે વિસ્તારના કેટલાક ઘરોની બારીઓ પણ તૂટી ગઈ હતી. તમને જણાવી દઈએ કે, આ દુર્ઘટના ત્યારે જોવા મળી હતી જ્યારે એક ગર્ભવતી મહિલા દર્દીને એરંડોલ સરકારી હોસ્પિટલથી જલગાંવ જિલ્લા હોસ્પિટલમાં લાવવામાં આવી રહી હતી.

એમ્બ્યુલન્સમાં આગ લાગી, પછી જોરદાર વિસ્ફોટ થયો...

મળતી માહિતી મુજબ એમ્બ્યુલન્સના એન્જિનમાંથી શરૂઆતથી જ ધુમાડો નીકળી રહ્યો હતો. એન્જિનમાંથી ધુમાડો નીકળતો જોઈને એમ્બ્યુલન્સ ડ્રાઈવર સતર્ક થઈ ગયો અને બધાને બહાર કાઢ્યો. પ્રાપ્ત માહિતી અનુસાર, અત્યાર સુધી આ ઘટનામાં કોઈને ઈજા કે જાનહાનિના સમાચાર નથી. તમને જણાવી દઈએ કે તેનો વીડિયો પણ સામે આવ્યો છે. આ વીડિયોમાં જોઈ શકાય છે કે કેવી રીતે એમ્બ્યુલન્સમાં આગ લાગી છે અને ત્યાં હાજર ઘણા લોકો છે જે વીડિયો રેકોર્ડ કરી રહ્યા છે. બીજી તરફ એક જોરદાર વિસ્ફોટ જોવા મળે છે, જેના પછી ચારે તરફ ભયંકર પ્રકાશ ફેલાઈ જાય છે.

આ પણ વાંચો : દિલ્હીની હવામાં ઝેર! લોકો માટે શ્વાસ લેવો મુશ્કેલ બન્યો

એમ્બ્યુલન્સના ટુકડા થઇ ગયા...

વિસ્ફોટ એટલો ખતરનાક હતો કે આખી એમ્બ્યુલન્સના ટુકડા થઈ ગયા અને આસપાસના ઘરોની બારીઓ તૂટી ગઈ. તમને જણાવી દઈએ કે આ પહેલા મહારાષ્ટ્ર (Maharashtra)ના મુંબઈમાં પણ એક વિચિત્ર ઘટના જોવા મળી હતી. વાસ્તવમાં, મુંબઈના ગોરાઈ બીચ પર એક સડી ગયેલા મૃતદેહના 7 ટુકડાઓ મળી આવ્યા છે, જેનાથી વિસ્તારમાં ખળભળાટ મચી ગયો છે. પોલીસને અહીં પ્લાસ્ટિકની કોથળીમાંથી એક વ્યક્તિની લાશ મળી આવી હતી. મૃતદેહની માહિતી મળતા જ પોલીસની ટીમ ઘટનાસ્થળે પહોંચી હતી અને મૃતદેહને પોતાના કબજામાં લઈ પોસ્ટમોર્ટમ માટે મોકલી આપ્યો હતો.

આ પણ વાંચો : મણિપુરમાં હિંસા વધતાં કેન્દ્ર સરકારે કડક પગલાં લીધા, રાતો-રાતો 2000 CAPF જવાનો મોકલ્યા