Dinner Diplomacy : માલદીવના રાષ્ટ્રપતિ અને મોદી....!
Dinner Diplomacy : નરેન્દ્ર મોદીના શપથ ગ્રહણ સમારોહમાં ઘણા પડોશી દેશોના નેતાઓ આવ્યા હતા, પરંતુ જેની સૌથી વધુ ચર્ચા થઈ તે માલદીવના રાષ્ટ્રપતિ મોહમ્મદ મુઈઝુની હતી. શપથ ગ્રહણ સમારોહ પછી રાષ્ટ્રપતિ દ્વારા આયોજિત ભોજન સમારંભ (Dinner Diplomacy ) ની જે તસવીર સામે આવી છે તે અલગ જ વાત કહે છે. મુઇઝુ ડાઇનિંગ ટેબલ પર વડાપ્રધાન નરેન્દ્ર મોદીની બરાબર બાજુમાં બેઠા હતા. તસવીરમાં મોદી અને મુઇઝુ એકબીજા સાથે વાત કરતા જોવા મળે છે. મુઇઝુ પીએમ મોદી સાથેની વાતચીતમાં હસતા જોવા મળે છે. શપથ ગ્રહણ સમારોહમાં આવતા પહેલા મુઇઝુએ કહ્યું હતું કે નરેન્દ્ર મોદીના શપથ ગ્રહણ સમારોહમાં હાજરી આપવી તેમના માટે સન્માનની વાત હશે. મોદી સરકારના નવા કાર્યકાળ દરમિયાન ભારત અને માલદીવ વચ્ચેના સંબંધો સુધરવાની આશા છે. ભારત જાણે છે કે ચીન અન્ય દેશો સાથે ભારતના સંબંધો બગાડવાના તમામ પ્રયાસો કરી રહ્યું છે. શ્રીલંકા, નેપાળ અને માલદીવ તેના ઉદાહરણ છે.
ભારત અને માલદીવ વચ્ચેના સંબંધો તંગ
ગયા વર્ષે નવેમ્બરમાં માલદીવના રાષ્ટ્રપતિ બન્યા બાદ મુઈઝૂ પ્રથમ વખત ભારતની મુલાકાતે આવ્યા હતા. ચીનના સમર્થક ગણાતા મુઈઝુએ રાષ્ટ્રપતિ પદ સંભાળ્યું ત્યારથી ભારત અને માલદીવ વચ્ચેના સંબંધો તંગ છે. મુઈઝુ એ પદ સંભાળ્યા પછી નવી દિલ્હીની મુલાકાત લેનારા પ્રથમ રાષ્ટ્રપતિ હતા, પરંતુ મુઈઝુથી વિપરીત, તેમની પ્રથમ રાજ્ય મુલાકાત તુર્કી અને ચીનની હતી. હવે જોવાનું એ રહે છે કે ભારત આવ્યા બાદ બંને દેશો વચ્ચેના સંબંધો કેટલા સુધરે છે. ઉલ્લેખનિય છે કે વડાપ્રધાન નરેન્દ્ર મોદીએ લક્ષ્યદીપની તેમની મુલાકાતમાં દરિયા કિનારે પડાવેલી એક તસવીરથી માલદીવના ટુરિઝમ પર પણ અસર પડી હતી અને તે તસવીરની ભારે ચર્ચા થઇ હતી.
President Droupadi Murmu hosted a banquet at Rashtrapati Bhavan in honour of the leaders of neighbouring countries attending the swearing-in-ceremony of the Prime Minister of India. The leaders who attended the banquet include President Ranil Wickremesinghe of Sri Lanka;… pic.twitter.com/vo9jP8SdWp
— President of India (@rashtrapatibhvn) June 9, 2024
મુઇઝુએ પહેલા મોદીને તેમની જીત પર અભિનંદન પાઠવ્યા હતા
મુઇઝુએ પહેલા મોદીને તેમની જીત પર અભિનંદન પાઠવ્યા હતા. જીત બાદ મુઇઝુએ સોશિયલ મીડિયા પ્લેટફોર્મ X પર કહ્યું હતું કે વડાપ્રધાન નરેન્દ્ર મોદીને સતત ત્રીજી વખત સામાન્ય ચૂંટણીમાં સફળતા મેળવવા બદલ અભિનંદન. ત્યારબાદ શપથ ગ્રહણ સમારોહમાં આવતા પહેલા માલદીવના રાષ્ટ્રપતિ મોહમ્મદ મુઈઝુએ કહ્યું કે વડાપ્રધાન નરેન્દ્ર મોદીના શપથ ગ્રહણ સમારોહમાં હાજરી આપવી તે તેમના માટે સન્માનની વાત છે અને આ ઐતિહાસિક અવસર પર તેમની ભારતની મુલાકાત પ્રતિબિંબિત કરશે કે દ્વિપક્ષીય સંબંધો સકારાત્મક દિશામાં આગળ વધી રહ્યા છે.
નવી દિલ્હીનું મુઇઝુને આમંત્રણ પણ મહત્ત્વપૂર્ણ
ભારત અને માલદીવ વચ્ચેના તાજેતરના તણાવપૂર્ણ સંબંધોના સંદર્ભમાં શપથ ગ્રહણ સમારોહમાં હાજરી આપવા માટે નવી દિલ્હીનું મુઇઝુને આમંત્રણ પણ મહત્ત્વપૂર્ણ છે. ચીનના સમર્થક ગણાતા મુઇઝ્યુએ રાષ્ટ્રપતિ પદ સંભાળ્યા બાદ ગયા વર્ષે નવેમ્બરથી ભારત અને માલદીવ વચ્ચેના સંબંધો તંગ છે. શપથ લીધાના કલાકો પછી, મોહમ્મદ મુઇઝુએ ત્યાં તૈનાત ભારતીય સૈન્ય સૈનિકોને તેમના દેશમાં પાછા ફરવાનો નિર્દેશ આપ્યા હતા.
આ પણ વાંચો------ PM Modi Oath Ceremony : વિદેશી મહેમાનોનું દિલ્હીમાં આગમન, માલદીવના રાષ્ટ્રપતિ, મોરેશિયસના PM સહિત દિગ્ગજો પહોંચ્યા…