Reliance AGM પર લાખો રોકાણકારોની નજર, મોટી જાહેરાત થવાની અપેક્ષા
- આવતીકાલે રિલાયન્સ ઇન્ડસ્ટ્રીઝની વાર્ષિક સામાન્ય સભા યોજાશે (Reliance AGM)
- 44 લાખ શેરધારકોની નજર આ બેઠક પર ટકેલી છે
- મુકેશ અંબાણી ટેલિકોમ અને રિટેલ બિઝનેસનાં IPO અંગે કોઈ મોટી જાહેરાત કરી શકે
- Jio નું મૂલ્ય આગામી 12-18 મહિનામાં વધે તેવી સંભાવના
ભારતના સૌથી ધનિક વ્યક્તિ મુકેશ અંબાણીની કંપની રિલાયન્સ ઇન્ડસ્ટ્રીઝ (RIL) આવતીકાલે એટલે કે 29 ઓગસ્ટનાં રોજ બપોરે 2 વાગ્યે તેની વાર્ષિક સામાન્ય સભા (Reliance AGM) યોજશે. આથી, 44 લાખ શેરધારકોની નજર આ બેઠક પર ટકેલી છે. તેમને આશા છે કે મુકેશ અંબાણી ટેલિકોમ અને રિટેલ બિઝનેસનાં IPO અંગે કોઈ મોટી જાહેરાત કરી શકે છે. બેઠક પહેલા, એક મોટી બ્રોકરેજ ફર્મ UBS એ રિલાયન્સનાં શેરનો લક્ષ્યાંક ભાવ વધારીને 1,550 રૂપિયા કર્યો છે. તે કહે છે કે રિલાયન્સનાં રિટેલ અને જિયો બિઝનેસમાં ઝડપથી વૃદ્ધિ થવાની સંભાવના છે. આનાથી કંપનીનાં શેરનું મૂલ્ય વધી શકે છે.
મીડિયા રિપોર્ટ અનુસાર, UBS વિશ્લેષક નવીન કિલ્લાનું કહે છે કે Jio હવે પરિપક્વ થઈ ગયું છે. Jio નું મૂલ્ય આગામી 12-18 મહિનામાં વધે તેવી સંભાવના છે. જો કે, રિટેલ બિઝનેસને લિસ્ટ થવામાં 2-3 વર્ષ લાગી શકે છે. ઓનલાઈન બિઝનેસ અને કંપનીનાં પોતાના બ્રાન્ડને વધવામાં હજું વધુ સમય લાગશે. આ વર્ષે 2025 માં અત્યાર સુધીમાં રિલાયન્સનાં શેરમાં 13% થી વધુનો વધારો થયો છે. જો કે, છેલ્લા એક અઠવાડિયામાં શેરમાં 2.5% જેટલો નો ઘટાડો પણ થયો છે. તેનું કારણ બજારનું મંદ વલણ અને AGM પાસેથી ઓછી અપેક્ષાઓ છે. જ્યારે બીજી તરફ BofA નાં સચિન સલગાંવકર કહે છે કે લોકોને વધારે અપેક્ષાઓ નથી. તેથી કંઈક સારું થવાની શક્યતા છે.
આ પણ વાંચો - Report : અમેરિકા જોતું રહી જશે અને ભારત 2038 સુધીમાં બની જશે વિશ્વની..!
1) Reliance AGM માં થઈ શકે છે IPO ની જાહેરાત!
વર્ષ 2019 ની AGM માં, રિલાયન્સનાં ચેરમેને કહ્યું હતું કે, તેઓ 5 વર્ષની અંદર ટેલિકોમ અને રિટેલ બિઝનેસનો IPO લાવી શકે છે. પરંતુ, ત્યારથી આ મામલે કોઈ નવું અપડેટ નથી. રિલાયન્સની AGM (Reliance AGM) માં ઘણીવાર મોટી જાહેરાતો થતી હોય છે. તેથી, રોકાણકારોને IPO ની તારીખો વિશે થોડી માહિતી મળવાની અપેક્ષા છે.
2) નવી ઊર્જા અંગે અપડેટ
નવા ઊર્જા વ્યવસાય અંગેની કોઈપણ નવી માહિતી સારી ગણી શકાય. BofA એ જણાવ્યું હતું કે, રિલાયન્સ એક ડીપ-ટેક અને એડવાન્સ્ડ મેન્યુફેક્ચરિંગ કંપની બની રહી છે. કંપની મોટા સોલાર અને બેટરી ફેક્ટરીઓ સ્થાપી રહી છે. તેમનું એન્જિનિયરિંગ કાર્ય પૂર્ણ થઈ ગયું છે. સાધનો ખરીદવાનું કાર્ય પણ પૂર્ણ થઈ ગયું છે. આ સાધનો વર્ષ 2025 માં ડિલિવર થવાની અપેક્ષા છે. કંપનીએ તાજેતરમાં ગીગા-વોટ સ્કેલ સોલાર પીવી મોડ્યુલ લાઇન શરૂ કરી છે.
આ પણ વાંચો - Gold Price Today : આજે સોનાના ભાવ ઘટ્યા, ચાંદીમાં તેજી, જાણો આજનો લેટેસ્ટ રેટ
3) AI સ્ટ્રેટેજી અને JioBrain
BofA ને અપેક્ષા છે કે અંબાણી Jio ની AI સ્ટ્રેટેજી વિશે વાત કરી શકે છે. BofA નું કહેવું છે કે Jio AI અપનાવવા માટે JioBrain નામનું એક ટૂલ બનાવી રહ્યું છે. તે એક AI સર્વિસ પ્લેટફોર્મ છે.
4) જિયો અને રિટેલ બિઝનેસનો વિકાસ
વર્ષ 2024 ની વાર્ષિક સામાન્ય સભામાં રિલાયન્સે 2030 સુધીમાં બે ગણી વૃદ્ધિનો લક્ષ્યાંક નક્કી કર્યો હતો. આગામી ત્રણ-ચાર વર્ષમાં જિયો અને રિટેલને બમણું કરવાની યોજના છે. ન્યૂ એનર્જીમાંથી O2C જેટલી કમાણી કરવાનો લક્ષ્યાંક છે. છેલ્લી વાર્ષિક સામાન્ય સભામાં, આગામી ત્રણ-ચાર વર્ષમાં જિયો અને રિટેલ EBITDA બમણું કરવાનું કહેવામાં આવ્યું હતું. આ અંગે અપડેટની રાહ જોવાઈ રહી છે. રોકાણકારો માટે રિટેલ બિઝનેસમાં વૃદ્ધિ મહત્ત્વપૂર્ણ છે. જિયો હોટસ્ટારથી થતી કમાણી અને FMCG ના વિસ્તરણ અંગે અપડેટની રાહ જોવાઈ રહી છે.
5) પેટકેમ વિસ્તરણની પ્રગતિ
રોકાણકારો રિલાયન્સનાં પેટકેમ વ્યવસાયનાં વિસ્તરણ અંગે અપડેટ્સની રાહ જોઈ રહ્યા છે. યુબીએસ કહે છે કે રિફાઇનિંગ અને પેટકેમ સ્પ્રેડમાં અસ્થિરતા વચ્ચે, રિલાયન્સનો ઓ2સી સેગમેન્ટ સારી સ્થિતિમાં છે. આ રિફાઇનિંગ અને પેટકેમ સંકુલ, ક્રૂડ ઓઇલ સોર્સિંગ અને ફીડસ્ટોક લવચીકતાના એકીકરણને કારણે છે. યુબીએસનો અંદાજ છે કે રિલાયન્સનું ગ્રોસ રિફાઇનિંગ માર્જિન (GRM) FY26-27E માં FY25 ના સ્તરથી વધીને $10 પ્રતિ બેરલ થશે.
આ પણ વાંચો - ભારત અને અમેરિકા વચ્ચે Tariff અંગે વાતચીતના દરવાજા હજુ પણ ખુલ્લા, બંને તરફથી સંકેતો મળ્યા