Nepal Gen-Z Protest: KP Sharma Oli ક્યાં છે? શું તેઓ દેશ છોડીને ભાગી ગયા કે ભૂગર્ભમાં ગયા !
- Nepal Gen-Z Protest: નેપાળ સળગી રહ્યું છે, બેકાબૂ વિરોધીઓ કોઈનું સાંભળવા તૈયાર નથી
- ગુસ્સે ભરાયેલા ટોળા દ્વારા ઘણા મંત્રીઓને માર મારવામાં આવ્યો
- પીએમ હાઉસ સુધી અને ઘણી મોટી સરકારી ઇમારતોને બાળી નાખવામાં આવી
Nepal Gen-Z Protest: નેપાળ હાલમાં રાજકીય અસ્થિરતાનો સામનો કરી રહ્યું છે. વિરોધ અને હિંસા વચ્ચે, કેપી શર્મા ઓલીએ વડાપ્રધાન પદેથી રાજીનામું આપી દીધું છે. સંસદ ભવનથી લઈને પીએમ હાઉસ સુધી અને ઘણી મોટી સરકારી ઇમારતોને બાળી નાખવામાં આવી છે. ગુસ્સે ભરાયેલા ટોળા દ્વારા ઘણા મંત્રીઓને માર મારવામાં આવ્યો છે. પરંતુ આ બધા વચ્ચે મોટો પ્રશ્ન એ છે કે ઓલી ક્યાં છે?
કાઠમંડુમાં સલામત સ્થળે હોવાનું કહેવામાં આવી રહ્યું છે
ભ્રષ્ટાચાર વિરોધી વિરોધ પ્રદર્શનોને કારણે 9 સપ્ટેમ્બરે ઓલીને વડાપ્રધાન પદેથી રાજીનામું આપવું પડ્યું હતું. આ પછી, એવું કહેવામાં આવ્યું હતું કે તેઓ કાઠમંડુમાં એક સુરક્ષિત ઘરમાં છે. ભક્તપુરમાં તેમના નિવાસસ્થાન બાલાકોટને વિરોધીઓએ સળગાવી દીધું છે.
સંસદ ભડકે બાળ્યા બાદ રીલ બનાવતા દેખાયા GenZ
નેપાળમાં બવાલ, નેપાળી સંસદ સળગાવ્યા બાદ GenZ ડાન્સ રીલ બનાવતા જોવા મળ્યા#India #Nepal #GenZ #Government #NepalPM #BigBreaking #GujaratFirst pic.twitter.com/LrxzWkpE1n— Gujarat First (@GujaratFirst) September 9, 2025
Nepal Gen-Z Protest: દુબઈ ભાગી જવાનો પ્રયાસ કરી રહ્યા હતા
દરમિયાન, એવી પણ અટકળો ચાલી રહી છે કે તેઓ દુબઈ ભાગી જવાનો પ્રયાસ કરી રહ્યા હતા પરંતુ ત્રિભુવન આંતરરાષ્ટ્રીય વિમાનમથક બંધ થવાને કારણે આવું થઈ શક્યું નહીં. હાલમાં તેઓ કાઠમંડુમાં સલામત સ્થળે હોવાનું કહેવામાં આવી રહ્યું છે.
શટલ બસો દ્વારા પ્રવાસીઓને હોટલમાં લઈ જવામાં આવી રહ્યા છે
સોશિયલ મીડિયા પર પ્રતિબંધ સામે 8 સપ્ટેમ્બરથી શરૂ થયેલા Gen-Z વિરોધ પ્રદર્શન ઓલીના રાજીનામા પછી પણ અટકતા દેખાતા નથી. યુવાનોએ ભ્રષ્ટાચાર, ભત્રીજાવાદ અને બેરોજગારી સામે નારા લગાવ્યા છે. અત્યાર સુધીમાં 22 લોકોના મોત થયા છે જ્યારે 300 થી વધુ લોકો ઘાયલ થયા હોવાના અહેવાલ છે.
નેપાળી કોંગ્રેસ કાર્યાલય અને ઘણા મંત્રીઓના ઘરોને આગ ચાંપી
પ્રદર્શનકારીઓએ સંસદ ભવન, સિંહ દરબાર, ઓલીના બાલાકોટ નિવાસસ્થાન, નેપાળી કોંગ્રેસ કાર્યાલય અને ઘણા મંત્રીઓના ઘરોને આગ ચાંપી દીધી હતી. કેટલીક જગ્યાએ જેલ તોડવાની પણ ઘટનાઓ બની હતી. ત્રિભુવન આંતરરાષ્ટ્રીય વિમાનમથક બંધ છે. બધી ફ્લાઇટ્સ રદ કરવામાં આવી છે. શટલ બસો દ્વારા પ્રવાસીઓને હોટલમાં લઈ જવામાં આવી રહ્યા છે.
આ પણ વાંચો: Gujarat Rain: વરસાદ પછી ગુજરાતના આ ગામડાઓની હાલત જુઓ... ગ્રામજનોના જીવ જોખમમાં