બિહારમાં 20 નવેમ્બરે નીતિશ કુમાર 10મી વખત CM તરીકે શપથ લેશે, કેબિનેટમાં બે ડેપ્યુટી CM અને 20 મંત્રીનો થશે સમાવેશ!

• Nitish Kumar Swearing-in  બિહારમાં 19 નવેમ્બરે ભાજપ અને જેડીયુ બેઠક યોજશે
• NDAની સંયુકત બેઠકનું કરાશે ખાસ આયોજન
• 20 નવેમ્બરે નીતિશ કુમાર લેશે CMની શપથ
• નીતિશ કુમારના કેબિનેટમાં બે નાયબ મુખ્યમંત્રી હશે

બિહારમાં નવી સરકારના શપથ ગ્રહણ પહેલા ભાજપ અને જેડીયુ વિધાનસભા પક્ષોની અલગ-અલગ બેઠકો યોજાશે. ત્યારબાદ બપોરે 3:30 વાગ્યે NDA વિધાનસભા પક્ષની સંયુક્ત બેઠક યોજાશે, જેમાં નીતિશ કુમારને NDA વિધાનસભા પક્ષના નેતા તરીકે ફરીથી ચૂંટવામાં આવશે.આ બેઠકમાં મંત્રીઓ અંગે ખાસ ચર્ચા કરવામાં આવશે. નીતિશ કુમાર મુખ્યમંત્રી તરીકે 10મી વખત શપથ ગ્રહણ કરશે.

Nitish Kumar Swearing-in  શપથ ગ્રહણ અને VVIP મહેમાનો

નેતાની પસંદગી અને રાજભવનમાં સરકાર રચવાનો દાવો રજૂ કર્યા પછી, નીતિશ કુમાર 20 નવેમ્બરના રોજ બપોરે 1:30 વાગ્યે ગાંધી મેદાનમાં 10મી વખત મુખ્યમંત્રી તરીકે શપથ લેશે. આ ભવ્ય સમારોહમાં હાજરી આપવા માટે વડા પ્રધાન નરેન્દ્ર મોદી ગુરુવારે પટના પહોંચશે. કેન્દ્રીય ગૃહમંત્રી અમિત શાહ પણ બુધવારે પટના પહોંચી રહ્યા છે. ભાજપે તમામ NDA શાસિત રાજ્યોના મુખ્યમંત્રીઓ, નાયબ મુખ્યમંત્રીઓ, રાષ્ટ્રીય અધ્યક્ષ જેપી નડ્ડા અને કેન્દ્રીય મંત્રીઓને આમંત્રણ આપ્યું છે.

Nitish Kumar Swearing-in મંત્રીમંડળ અને પક્ષોની ભૂમિકા

સૂત્રોના જણાવ્યા અનુસાર, મુખ્યમંત્રી નીતિશ કુમાર બે નાયબ મુખ્યમંત્રીઓ અને આશરે 20 મંત્રીઓ સાથે પ્રથમ તબક્કામાં શપથ ગ્રહણ કરશે. આ મંત્રીમંડળમાં ભાજપ, જેડીયુ, એલજેપી (આર), હિન્દુસ્તાની અવમ મોરચા (HAM) અને રાષ્ટ્રીય લોક મોરચા (RLM) ના ધારાસભ્યોનો સમાવેશ થશે.

ભાજપના સંભવિત મંત્રીઓની યાદીને અંતિમ સ્વરૂપ આપવા માટે ગૃહમંત્રી અમિત શાહ કામ કરી રહ્યા છે, જ્યારે નીતિશ કુમાર જેડીયુના મંત્રીઓની યાદી તૈયાર કરી રહ્યા છે. મહત્વપૂર્ણ છે કે ભાજપના ક્વોટામાંથી બે નાયબ મુખ્યમંત્રીઓ હશે, જેમાંથી એક વિધાનસભા પક્ષના નેતા હશે. LJP(R) માંથી રાજુ તિવારી અને એક અનુસૂચિત જાતિના ધારાસભ્યનો સમાવેશ થઈ શકે છે, જ્યારે RLM તરફથી સાસારામથી પ્રથમવાર ચૂંટાયેલા પ્રો. સ્નેહલતાને મંત્રી બનાવવામાં આવી શકે છે.

Nitish Kumar Swearing-in ભાજપ નિરીક્ષકોની ભૂમિકા

ભાજપ વિધાનસભા પક્ષના નેતાની પસંદગી માટે ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્યને કેન્દ્રીય નિરીક્ષક તરીકે નિયુક્ત કરવામાં આવ્યા છે. તેમની સાથે કેન્દ્રીય મંત્રી અર્જુન રામ મેઘવાલ અને સાધ્વી નિરંજન જ્યોતિ સહ-નિરીક્ષક તરીકે હાજર રહેશે. ભાજપનું કેન્દ્રીય નેતૃત્વ પરસ્પર પરામર્શના આધારે નેતાનું નામ અંતિમ સ્વરૂપ આપી ચૂક્યું છે, જેની જાહેરાત વિધાનસભા પક્ષની બેઠકમાં સર્વાનુમતે કરવામાં આવશે.

આ પણ વાંચો:  ચૂંટણીમાં હાર છતાં Prashant Kishor મેદાનમાં! નીતિશ કુમારને આપ્યો ખુલ્લો પડકાર