ફરી 85 Planesને બોમ્બની ધમકી મળતા ખળભળાટ

• ફરી એકવાર એક સાથે 85 વિમાનોને બોમ્બથી ઉડાવી દેવાની ધમકી
• અત્યાર સુધીમાં અંદાજે 285 વિમાનોને બોમ્બની ધમકી મળી
• અત્યાર સુધીમાં 500 કરોડ રૂપિયાથી વધુનું નુકસાન

Bomb Threat to Planes : વિમાનો બોમ્બ હોવાની ધમકીઓ (Bomb Threat to Planes)નો સિલસિલો અટકતો નથી. ફરી એકવાર એક સાથે 85 વિમાનોને બોમ્બથી ઉડાવી દેવાની ધમકી આપવામાં આવી છે. જે વિમાનોને આ ધમકીઓ મળી છે તેમાં એર ઈન્ડિયાના 20, વિસ્તારાના 20, ઈન્ડિગોના 25 અને આકાસાના 20 વિમાનોનો સમાવેશ થાય છે. વિમાનોને ધમકીનો આ પહેલો કિસ્સો નથી. થોડા દિવસો પહેલા પણ એક પછી એક અનેક વિમાનોને ઉડાવી દેવાની ધમકી આપવામાં આવી હતી.

અત્યાર સુધીમાં અંદાજે 285 વિમાનોને બોમ્બની ધમકી મળી

છેલ્લા કેટલાક દિવસોથી દેશમાં વિમાનો પર બોમ્બની ધમકીઓ મળી રહી છે. જો આ 85ને વધુ ઉમેરીએ તો અત્યાર સુધીમાં અંદાજે 285 વિમાનોને બોમ્બની ધમકી મળી છે. જો કે, સારી વાત એ છે કે કોઈપણ વિમાનમાંથી કોઈ શંકાસ્પદ વસ્તુઓ મળી નથી. પરંતુ આ ધમકીઓના કારણે એરલાઇન કંપનીઓને ભારે નુકસાન થયું છે. ઉપરાંત મુસાફરોને પણ ભારે હાલાકીનો સામનો કરવો પડ્યો હતો. કેન્દ્ર સરકાર પણ વિમાનોને મળતા રોજિંદા ખતરા અંગે ગંભીર છે અને તપાસના આદેશ આપ્યા છે.

આ પણ વાંચો---Bomb Threats : વધુ એક ફ્લાઈટમાં બોમ્બ! એરપોર્ટ પર કરાયું ઈમરજન્સી લેન્ડિગ...

અત્યાર સુધીમાં 500 કરોડ રૂપિયાથી વધુનું નુકસાન

નાગરિક ઉડ્ડયન મંત્રાલયના સૂત્રો પાસેથી મળેલી માહિતી અનુસાર, વિમાનોમાં બોમ્બ હોવાની સતત ધમકીઓને કારણે અત્યાર સુધીમાં 500 કરોડ રૂપિયાથી વધુનું નુકસાન થયું છે. એરલાઇન્સ કંપનીઓ તેમની ફ્લાઇટ્સ તેમના નિર્ધારિત એરપોર્ટને બદલે નજીકના એરપોર્ટ પર લેન્ડ કરે છે, જેના કારણે ઇંધણનો વપરાશ વધુ થાય છે.

એરલાઇન્સ કંપનીઓ માટે મુસીબત

એરક્રાફ્ટનું રી-ચેકીંગ, મુસાફરોને હોટલોમાં બેસાડવા અને તેમના ગંતવ્ય સ્થાન પર લઈ જવાની વ્યવસ્થા પણ કરવી પડશે. એરલાઇન્સ એરપોર્ટ પર પાર્કિંગ ચાર્જ પણ ચૂકવે છે જ્યાં તેઓ ઇમરજન્સી લેન્ડિંગ કરે છે. ફ્લાઇટના મુસાફરો માટે ચા-પાણી સહિત ભોજનની વ્યવસ્થા કરે છે.

આ પણ વાંચો---ફ્લાઈટમાં Bomb Blast ની ધમકી કેસમાં નવો વળાંક, સગીર આરોપીએ કર્યો ચોંકાવનારો દાવો