તહેવારોમાં 42 ટકા લોકોએ ક્રેડિટ કાર્ડ થકી રૂ. 50 હજારથી વધુ ખર્ચ્યા, રિપોર્ટમાં ખુલાસો

• તહેવારોની મોસમમાં ખરીદી અંગે ગ્રાહકોનો મિજાજ જાણવા સરવે કરાયો
• PaisaBazaar દ્વારા રસપ્રદ સરવેના તારણો જારી કરવામાં આવ્યા
• વિવિધ ઓફરના કારણે લોકોએ દિલ ખોલીને ખરીદી કરી હોવાનું જાણવા મળ્યું

PaisaBazaar Report On Diwali Shopping : ભારતીય ગ્રાહકો હવે તહેવારોની મોસમ (Festival Season) દરમિયાન મોટા પાયે ખરીદી માટે ક્રેડિટ કાર્ડનો ઉપયોગ (Credit Card Shopping) વધુ બુદ્ધિપૂર્વક અને ફાયદાકારક રીતે કરી રહ્યા છે. આ વર્ષે, તહેવારોની મોસમ દરમિયાન ક્રેડિટ કાર્ડ વપરાશકર્તાઓ દ્વારા ખર્ચમાં નોંધપાત્ર વધારો થયો છે, જે ગ્રાહકોની વધતી જતી ખરીદ શક્તિ અને ક્રેડિટ કાર્ડના ફાયદાઓ પ્રત્યેની વધતી જાગૃતિ દર્શાવે છે. ડિજિટલ ગ્રાહક ક્રેડિટ માર્કેટપ્લેસ, PaisaBazaar ના તાજેતરના સર્વેમાં (PaisaBazaar Report On Diwali Shopping) આ વાત બહાર આવી છે. સર્વેના આશ્ચર્યજનક આંકડા દર્શાવે છે કે, 42% થી વધુ ક્રેડિટ કાર્ડ વપરાશકર્તાઓએ આ વર્ષે તહેવારોની ખરીદી પર રૂ. 50,000 થી વધુનો ખર્ચ કર્યો હતો. તેવી જ રીતે, 22% વપરાશકર્તાઓએ રૂ. 50,000 થી રૂ. 1 લાખની વચ્ચે ખરીદી કરી હતી, જ્યારે 20% લોકોએ તેમના ક્રેડિટ કાર્ડનો ઉપયોગ કરીને રૂ. 1 લાખથી વધુની ખરીદી કરી હતી.

India’s festive spirit came with bigger price tags this #Diwali, over 42% of credit card users spent more than Rs 50,000, according to a Paisabazaar survey.

From home appliances to gold, high-value spending took centre stage this festive season.

For the latest news and updates,… pic.twitter.com/QJe52RMwcm

— NDTV Profit (@NDTVProfitIndia) October 27, 2025

મોબાઇલ અને ગેઝેટ પર સૌથી વધુ ખરીદી

આ આંકડા (PaisaBazaar Report On Diwali Shopping) સ્પષ્ટપણે દર્શાવે છે કે, ગ્રાહકો હવે ટકાઉ અને મોંઘી વસ્તુઓ ખરીદવા માટે ક્રેડિટ કાર્ડનો ઉપયોગ કરી રહ્યા છે. 2,300 થી વધુ સર્વેક્ષણ સહભાગીઓના મતે, દિવાળીમાં સૌથી વધુ ખર્ચ ઘરેલુ ઉપકરણો પર થયો હતો, ત્યારબાદ મોબાઇલ ફોન, ગેજેટ્સ અને એસેસરીઝ (25 %), કપડાં (23 %), ફર્નિચર અને સજાવટ (22 %), સોનું અને ઘરેણાં (18 %) અને મૂલ્ય-આધારિત ખરીદી (12 %) આવ્યો છે.

ઓફરોનું વર્ચસ્વ રહ્યું

સર્વેક્ષણમાં (PaisaBazaar Report On Diwali Shopping) બહાર આવ્યું છે કે, ગ્રાહકો હવે ક્રેડિટ કાર્ડ ઓફરના આધારે તેમની ખરીદીનું આયોજન કરે છે, જે દર્શાવે છે કે, તહેવારોનો ખર્ચ મૂલ્ય-આધારિત બની રહ્યો છે. 91 % થી વધુ ક્રેડિટ કાર્ડ વપરાશકર્તાઓ કાર્ડ ઓફરના આધારે તેમની ખરીદીનું આયોજન કરે છે. ફક્ત 10 % થી ઓછા લોકો કોઈ ખાસ ડીલ અથવા ઓફર વિના સામાન્ય ફાયદોઓ પર આધાર રાખતા હતા. પૈસાબજારના સીઈઓ સંતોષ અગ્રવાલે જણાવ્યું હતું કે, તહેવારો દરમિયાન ખરીદી માટે ક્રેડિટ કાર્ડનો વધતો ઉપયોગ દર્શાવે છે કે, ગ્રાહકો હવે વધુ લાભો અને સુવિધા શોધે છે. ગ્રાહકો તહેવારોની ઓફર અને કાર્ડ પર મળતા ફાયદાઓના આધારે તેમની ખરીદીનું આયોજન કરે છે. અમારો સર્વે સ્પષ્ટપણે દર્શાવે છે કે, ગ્રાહક જાગૃતિ અને ક્રેડિટ કાર્ડની લોકપ્રિયતા બંને ઝડપથી વધી રહી છે.

ગ્રાહકના પ્રોત્સાહનો અને EMI પસંદગી

ક્રેડિટ કાર્ડ પર આપવામાં આવતા લાભોએ તેમને તહેવારોની ખરીદી માટે ચુકવણીનો પસંદગીનો માધ્યમ બનાવ્યો છે.

પસંદગીનું પ્રોત્સાહન - ટકાવારી

કેશબેક - 20%

કો-બ્રાન્ડેડ ઑફર્સ - 19%

રિવોર્ડ પોઈન્ટ્સ - 18%

EMI પસંદ કરનારા ગ્રાહકોમાં, 56% લોકોએ 'નો-કોસ્ટ EMI' પસંદ કર્યું હતું, જ્યારે 29% લોકોએ વધુ સારા ડિસ્કાઉન્ટ મેળવવા માટે EMI પસંદ કર્યું હતું.

ખરીદારની પસંદગી બદલાતી રહી

સર્વેક્ષણમાં (PaisaBazaar Report On Diwali Shopping) ગ્રાહક વર્તણૂકમાં નોંધપાત્ર ફેરફાર જોવા મળ્યો હતો, જેમાં 48% સહભાગીઓએ ઓનલાઈન અને ઓફલાઈન (સ્ટોરમાં) ખરીદીનો મિશ્ર વિકલ્પ પસંદ કર્યો હતો. ગ્રાહકો ઘણીવાર સારી ઑફર્સ માટે ઈ-કોમર્સ પ્લેટફોર્મનો ઉપયોગ કરે છે, પરંતુ ખરીદી કરતા પહેલા ઉત્પાદનનો અનુભવ કરવા માટે નજીકના સ્ટોર્સની મુલાકાત લેવાનું પસંદ કરે છે. જો કે, ડીલ્સ અને ડિસ્કાઉન્ટની વાત આવે ત્યારે, 83% ઉત્તરદાતાઓએ એમેઝોન અને ફ્લિપકાર્ટ જેવા ઈ-કોમર્સ પ્લેટફોર્મ પર શ્રેષ્ઠ ઑફર્સ શોધવાની જાણ કરી હતી, જ્યારે માત્ર 7% લોકોએ ભૌતિક સ્ટોર્સને વધુ નફાકારક માન્યા હતા. સર્વેક્ષણમાં એ પણ પુષ્ટિ મળી કે ઈ-કોમર્સ પ્લેટફોર્મમાં એમેઝોન (43%) અને ફ્લિપકાર્ટ (43%) ગ્રાહકોની ટોચની પસંદગીઓ છે.

આ પણ વાંચો ------  પાંચ વર્ષ બાદ ભારતથી ચાઇનાની ડાયરેક્ટ ફ્લાઇટે ભરી ઉડાન