PAKISTAN માં ભયાનક પૂર, અત્યાર સુધીમાં 234 લોકોના મોત
- પાકિસ્તાનમાં ભયાનક પૂરે ભારે તબાહી મચાવી
- ખાસ કરીને મોટી સંખ્યામાં બાળકોને મૃત્યું થયા
- પૂરે દેશને ચારેય તરફથી તહસનહસ કર્યો
FLOOD IN PAKISTAN : પાકિસ્તાન (PAKISTAN) માં મુશળધાર વરસાદ સતત તબાહી (FLOOD - 2025) મચાવી રહ્યો છે. સ્થાનિક મીડિયાએ બુધવારે અહેવાલ આપ્યો હતો કે, દક્ષિણ એશિયાઈ દેશમાં ચોમાસાની શરૂઆતથી અત્યાર સુધીમાં લગભગ 234 લોકોએ જીવ ગુમાવ્યા છે જ્યારે 596 લોકો ઘાયલ થયા છે.
વિનાશક અસરને કારણે 826 ઘરોને નુકસાન થયું
દેશમાં વરસાદ અને અચાનક પૂરની વિનાશક અસરને કારણે 826 ઘરોને નુકસાન થયું છે. આ ઉપરાંત, મંગળવારે છેલ્લા 24 કલાકમાં વરસાદને કારણે બે મહિલાઓ અને આઠ બાળકોના મોત થયા હતા, જ્યારે 10 અન્ય ઈજાગ્રસ્ત થયા છે.
બાળકોના મૃત્યુની મોટી સંખ્યા
પાકિસ્તાનનો પંજાબ પ્રાંત સૌથી વધુ પ્રભાવિત થયો છે. અહીં 135 લોકોએ જીવ ગુમાવ્યા છે, જેમાં 48 પુરુષો, 24 મહિલાઓ અને 63 બાળકોનો સમાવેશ થાય છે. આ ઉપરાંત, 470 લોકો ઘાયલ થયા છે. પાકિસ્તાનના અગ્રણી અખબારના અહેવાલ મુજબ, બાળકોના મૃત્યુની મોટી સંખ્યા તાજેતરના મુશળધાર વરસાદના ગંભીર પરિણામોને પ્રતિબિંબિત કરે છે.
વરસાદને કારણે અલગ અલગ ઘટનાઓ
ઉપરાંત, ખૈબર-પખ્તુનખ્વા (કેપી) પ્રાંતમાં 56 મૃત્યુ નોંધાયા છે. જેમાં 16 પુરુષો, 10 મહિલાઓ અને 30 બાળકોનો સમાવેશ થાય છે. વિનાશક ચોમાસાના વરસાદને કારણે પ્રાંતમાં 71 લોકો ઘાયલ થયા છે. દરમિયાન, કેપી પ્રાંતના સ્વાત ક્ષેત્રમાં, વરસાદને કારણે અલગ અલગ ઘટનાઓમાં પાંચ બાળકોએ પોતાના જીવ ગુમાવ્યા.
વરસાદને કારણે ઉચ્ચ સ્તરની ચેતવણી જારી કરી
ઉપરાંત, સિંધમાં 24 લોકોએ પોતાના જીવ ગુમાવ્યા જ્યારે 40 લોકો ઘાયલ થયા. તે જ સમયે, બલુચિસ્તાનમાં વરસાદ સંબંધિત ઘટનાઓમાં 16 લોકોએ પોતાના જીવ ગુમાવ્યા અને ચાર ઘાયલ થયા. પાકિસ્તાન હવામાન વિભાગ (પીએમડી) એ દેશના ઘણા ભાગોમાં સતત ભારે વરસાદને કારણે ઉચ્ચ સ્તરની ચેતવણી જારી કરી છે.
કોઈપણ કટોકટી માટે તૈયાર રહેવા અપીલ કરી
ઈસ્લામાબાદ, રાવલપિંડી, લાહોર, ગુજરાંવાલા અને અન્ય મોટા શહેરોમાં પૂરનો ભય હજુ પણ યથાવત છે.રાષ્ટ્રીય આપત્તિ વ્યવસ્થાપન સત્તામંડળ (NDMA) ના રાષ્ટ્રીય કટોકટી કામગીરી કેન્દ્ર (NEOC) એ તમામ પ્રાંતીય વહીવટીતંત્ર, રાહત સેવાઓ અને માનવતાવાદી સંગઠનોને ઉચ્ચ ચેતવણી પર રહેવા અને કોઈપણ કટોકટી માટે તૈયાર રહેવા અપીલ કરી છે.
આ પણ વાંચો ---- મોદી સરકારનો મોટો નિર્ણય, 5 વર્ષ પછી ચીની નાગરિકોને વિઝા આપવાની જાહેરાત